Namakwa blomme

Sou wat wou gee om te gaan kyk.  

Wessel, ons ry môre om te gaan blomme kyk, ongelukkig sonder die karavaan want ons wil graag 'n paar agterpaaie ry.  Ons slaap môreaand tussen witlakens by Klawer Hotel en gaan tot by Nieuwoudtville ry en daar omdraai.

Behoort Woensdagaand terug by die huis te wees.

Twee woonwaparke wat ek met vrymoedigheid kan aanbeveel (uit persoonlike ervaring) is Kroon Lodge by Kamieskroon en Groenrivier by Nieuwoudtville. Ek het ook nog net goeie dinge van Rondeberg tussen Clanwilliam en Klawer gehoor.

Met ‘n Kavango gaan mens mos waar jy wil. Die Groenrivier gedeelte lyk na ‘n goeie plek om ‘n Kavango te laat staan vir ‘n paar dae. Van die terreine kan sonder 4x4 bereik word, gaan lees meer hier.

Net ‘n uittreksel uit die webblad hier bo. 

Geniet die blomme kyk en ander wat plan maak om te gaan kamp

More Wessel, ongelukkig het die inperking meestal planne in die wiele gery, ek so so graag hierdie jaar wou gaan want dit is die beste jaar, in jare!

My neef en sy vrou is tans daar hy sê dit is asemrowend mooi.

Onthou - die Groenrivier waarvan ek praat, is op 'n plaas net buite Nieuwoudtville. Nie Groenrivier (ala Adriaan Niewoudt van Kubus-faam) by die Groenriviermond teen die kus nie.

Ek het al vele male by Groenrivier gekamp. Ek dink dit is weer tyd om so om af Kaap toe te toer.

Goeie naand vrinne !

Ons is gisteroggend hier weg uit Kaapstad en so 40km verder slaan 'n digte mis en later dik wolke toe  -  'n nagmerrie vir enige blomkyker. Die blomme het warm sonskyn nodig om prentjie mooi te vertoon.  Ons het die ongeveer 300km tot in Nieuwoudtville gery in digte wolke en mis.  Daar het dit so vir 'n uur oopgetrek waar ek my enigste 4 fotos geneem het.  Ons het teruggery tot in Klawer waar ons in die hotel oornag het.

Vanoggend weggetrek uit Klawer (toegetrek van die mis) Lambertsbaai toe, en daarna Paternoster, Vredenburg, Darling tot terug by die huis.  Daar was redelik blommetjies langs die pad, meestal oranje, wit en geel, maar die veelkleurige lappe blomme was afwesig.

Ons het gister en vandag 890km gery  -  dit was 'n lekker wegbreek om net 'n bietjie weg te kom, maar wat blomme-kyk betref, was dit maar ongelukkig teleurstellend.  Dit reën van môre af tot minstens Saterdag en blomme-kyk is buitendien tot dan buite die kwessie.

Neef wil graag sy plaas se blommetjies hier onder Lennie sin sit. En ek dra dit aan hom op, wens hy was hier om die geur van die Septemberbossies te ruik, saam my daai voetpaadjie te stap.

Mooi wereld ek moet daai kant toe kom blomme of nie daar word jy weer een met natuur

Geen wonder die kaapenaars is sulke rustige mense nie, tyd vir 'n oos kaap toer, van Hartenbos tot PE.

Van die genoemde plekke wat Wessel in sy laaste inset noem, het ek persoonlike ervaring van twee daarvan - naamlik Kroon Lodge by Kamieskroon en Groenrivier by Nieuwoudtville. Ek kan beide aanbeveel, maar Kroon Lodge is 'n klein juweel - die woord "netjies" voldoen nie heeltemal aan hoé ek die plek wil beskryf nie. Kyk maar na Koos Mol se resensie.

Groenrivier is lekker gerieflik met sy privaat-badkamers en is net buite die dorp geleë.

Dankie Chris, mens vergeet soms om daar te gaan kyk.

Hier is die skakel na Kroon Lodge.

Koos en Josef Willem het die resensies gedoen.

Ek sien op die ander form is daar ten minste hierdie een.

Wag ek gaan dit "copy & paste"

A super pleasant experience awaits you here. I cannot find word to describe the roads leadingto the park and in the park. It is all gravel and some of them very basly couragated and deep sand. But that is what you get when you decide to camp here. Personally I feel that management can give a little bit more attention to the roads, especially the thick sand parts. This cam is not for everybody and you need to be sure what to expect, to be totally self sufficient. Al the campsites is on sand and fantastic sea views. Long drops are well maintained and at Skuinsklip the park staff even asked to take our rubbish bags along. Thank you! We enterd at Hondeklip baai so there was no shop. Fresh water is available at Groenrivier. No cell hone reception in the park, but we did get some signal at Skuinsbaai Noord and Groenrivier Gate. This is a paridise for nature and photography lovers. We always felt safe and absolutely loved every second.

Moenie Groenrivier by Nieuwoudtville verwar met Groenriviersmond in die Namaqua Nasionale Park nie. Eersgenoemde is die "makker" plek terwyl Groenriviersmond eintlik vir die 4x4 manne is - en ver verwyderd van mekaar.