Brandstof verbruik

Ek vra gewoonlik vir so "brag" gat om vir my die laaste 3 volmaak km te gee met die hoeveelheid brandstof anders kan ek nie saam praat nie.  Ek hou ook nog altyd 'n logboek van my voertuig se kostes.  Die Ford was ligter toe ek nog gewerk het maar nou word hy 99% gebruik uitsluitlik vir sleep.  Steed goedkoper  as daai nuwe een se premie.

Môre Willem,

Ek dink nog steeds daai syfers van jou is uitstekend vir jou kombinasie en dis een van die beste kombinasies wat betref wringkrag/gewig/verbruik. 

Mens kan nie my syfers met die Amarok en die Surfertjie daarmee vergelyk nie -- dis net nie dieselfde ding nie.

Dis die rede dat ek sommige van hierdie manne wat 10km per liter claim terwyl hy 'n karavaan sleep ERNSTIG bevraagteken.

Skep bietjie vir ons 'n terugvoerdraad oor jou 3B projek. Ek is diep nuuskierig wat daar gaan gebeur. 

Groete

André, gooi 'n bietjie daardie Amarok met die Surfer op sy stert se brandstof verbruik syfers  -  nuuskierig om te weet wat hy doen (let wel nie "sy" nie maar wel "hy").

Hi Len,

Stem saam dis 'n "hy"want daai tippertjie het koeële nie sliprings nie.

Die naaste wat ek aan"betroubare" (vir my) sleepsyfers vir my kombinasie kan kom was ons afgelope Kaaptrip van 4962 km. Ons het 613 liter diesel gebruik. Gee dus 8,09km/l.

Van dit was egter sonder die wa - 1233km. 

Dit gee vir my slegs 'n beplannings syfer vir trips vorentoe want mens gaan meestal 'n mengsel van sleep en "leeg"ry hê.

As daar nou twee onderwerpe is waar jy mense hoor lieg,  is dit brandstof verbruik en vis vang.

My skoonseun stuur my eendag 'n foto van 'n karp wat hy gevang het,  so kyk ek die foto en dink,  dit moet seker die grootste vis in die omgewing wees. Later kom vertel hy my dat as jy die vis op 'n sekere manier vas hou, en die kamera ook reg hanteer, dan lyk daai vis sommer reusagtig teen die waarheid?

Tot op hede het ek 83,000 km afgelê in 11 jaar.

Beste was 13km/L af na Durban met baie 80km/h spoed grense en slegste was 10,03 km/L met sleepwa. Alles gemeet by die pomp.

Ek moet erken speedo is uit met 10% en dit moet nog in berekening gebring word.

Sy gemiddelde verbruik werk uit op 11,4 km/L oor die 83,000 km. Spreadsheet.

Hy is ook net 4x2

1. Ek het met laaste sleep Natalia toe met  7 voet challenger trailer so 15.8km/L gekry met n wa sal hy verseker afkom ek glo met diesel kom jy verder  

Ek vra gewoonlik vir so "brag" gat om vir my die laaste 3 volmaak km te gee met die hoeveelheid brandstof anders kan ek nie saam praat nie.  Ek hou ook nog altyd 'n logboek van my voertuig se kostes.  Die Ford was ligter toe ek nog gewerk het maar nou word hy 99% gebruik uitsluitlik vir sleep.  Steed goedkoper  as daai nuwe een se premie.

Sal môre die huidige opgedateerde verbruik plaas.

Die boonste inligting was van 2017 gewees. 

Daar is egter nog 'n brandstof draad, skakel.

Soos belowe. 

Hierdie inligting is gemeet oor die laaste 75,492km.

maar 'n Hilux. Ek is maar 'n stadige ryer, of ek sleep of nie. Sonder om te sleep is my algemene spoed 100 kpu en wanneer ek sleep 90 kpu - beide GPS spoed.

Met my vorige 2.8 GD-6 het ek 'n totaal van 113678.6 km gery. Oor daardie afstand het ek 9897.88 liter diesel ingegooi. M.a.w. my gemiddelde brandstofverbruik (dit sluit sleep in) was 8.71 liter/100km - of anders gestel 11.49 km/liter.

My huidige 2.8 GD-6 het tot die laaste vul van die tenk 14091 km afgelê. Ek het oor daardie afstand 1279.5 liter diesel ingegooi. M.a.w. my gemiddelde brandstofverbruik tot dusver is 9.08 liter/100 km - of anders gestel 11,01 km/liter.

En dit is nie "gekookte" syfers nie. Spoed het 'n moerske impak op brandstofverbruik. En om 20 kpu vinniger te ry het weinig impak op die tyd wat jy "score" tot by jou volgende bestemming. Ek ry op die langpad (tussen die Boland en die Laeveld) gemiddeld tussen 400 en 500 km per dag en dit neem my (met stoppe ingereken) tussen 7 tot 8 uur se ry per dag. As jy dus 8 ure per dag ry, "score" jy dalk 160 km (se verder ry) op 'n dag as jy @ 110 sleep versus 90 kpu. Maar jy sal jou verstom wat jy bespaar op brandstofkoste.

Jammer om die Ford-draad te kaap Willem.

😂

Chris, dit is nie 'n Ford draad nie maar wel Brandstof verbruik.

Ek het net weer hierdie draad gebruik om nie die ander drade te kaap nie.

😉

.... uit na die tyd wanneer ek in die turbo diesel liga is. Soos onlangs genoem, my 2.7 petrol Hilux is maar dors. Die koplampe kom los, soos dit pompe soek.

As ek rustig platpad sleep, soos tussen Brits en Pilansberg, kry ek so 7km/l. Bergpaaie soos van Nelspruit af terug tot by Mily's, so 6km/l, dalk selfs effe minder.

Spoed speel 'n groot rol, en daarmee saam 'n wind van voor.

Chris eknstem 100% saam met jou. Rustig ry is rustiger 

Probleem met 'n Territory is dat mens net kan saampraat as die gesprek gaan oor die ene wat die meeste brandstof gebruik :) Dan wen mens elke keer, loshande!

... ek's maar soms 'n bietjie blond, maar nou't jy my heeltemal verloor. Ek snap nie.

Môre Chris

Al wat Grootwind sê is, 'n Territory is swaar op petrol, dat geen ander voertuig sy swak verbruik kan klop nie.

Daarvan kan ek ook getuig.

Ok ek sien.  Julle wil nou begin spog met wie se perd die meeste sous drink? 

Dankie vir die opklaar Wessel. Die grysstof tussen hierdie gryskop se ore snap nie altyd so lekker nie.

Klink my dan moet 'n mens maar ligloop vir 'n Territory. Sou dit van toepassing wees op 'n Ranger ook?

…. is die Territoty's van die mark af, die fabriek het ook toegemaak. Daar is wel nog 'n paar in omloop, sommige woonwaslepers klou met redes, anders as petrolverbruik, aan hulle.

Ek dink Rangers met turbo diesels is veel ligter op brandstof.