Ek gaan nie veel verduidelik nie en sal maar die foto toelaat om die storie te vertel...
Baie geluk. Hoop en vertrou…
Baie geluk. Hoop en vertrou dat die swangerskap goed sal afloop.
Dankie Johann. Dit is…
Dankie Johann.
Dit is geskatte datums vir elkeen gebasseer op hulle lengte wat op die sonar gemeet was.
Die dokter het al oor die 16 000 babas gevang en hy sê dit lyk vir hom of dit 2 dogtertjies kan wees. Blykbaar die klein lyntjies wat alreeds aan die onderkant gesien kan word.
Ek was verwar toe hy begin met die sonar en ek sien wat lyk soos 2 koppe. Na die 2 ontdek is kon ek sien die dokter krap nog rond. Ek het toe vir hom gegsê hy moet asseblief ophou krap, want netnou kry hy nog een 
Geluk of sterkte??
Middag Anton
Mag dit net goedgaan met die swangerskap.
Daarna kom die sterkte gedeelte, met die grootmaak van 4 kinders. Eersre groot uitgawe is die stootwaentjie en derglike dinge. Die kleinere uitgawes soos 'n 7-sitplek SNV kom darem effe later.
Baie geluk
Baie geluk Anton! Sterkte met die swangerskap tydperk, vertrou alles sal voorspoedig verloop. Die 2x seuns is seker ook baie opgewonde?
Ns. Ek het hierdie karavaan op Gumtree gesien....moontlik stel jy belang? 😆🤣
Dankie Hennie en Wessel. …
Dankie Hennie en Wessel.
Wessel die stootwaentjie pla my min en ek het alreeds 'n 8 seater (dankie tog) - ek is bekommerd oor al die doeke en my huis wat te klein is...
Geluk Anton !! Dit gaan ń…
Geluk Anton !! Dit gaan ń lekker jolly huis wees met so span.
Baie geluk Anton en Lolla,…
Baie geluk Anton en Lolla, mag julle geseënd wees en vol van vreugde.
Haha, jy moet baie sterk oë…
Haha, jy moet baie sterk oë hê om daai prentjies te kan uit maak, ek dink dit lyk soos 'n maanlanding
Ernstig, baie bly vir julle as dit dogtertjies is, wed daai twee boeties gaan hulle soos prinsessies behandel.
Geluk Anton.................
.................met die tweetjies in wording. Die kamplewe gaan nou drasties aangepas moet word want minimalisties kamp is nou vir die voëls !
Geert het jy die skakel vir…
Geert het jy die skakel vir daardie gumtree advertensie?
Double your pleasure
Geluk julle! Toe ons uitvind Kara is ‘n dogtertjie was ek aanvanklik nogal skrikkerig. En na sy gebore is was dit ‘n aanpassing want ek was gewoond aan seuntjie gereedskap as dit by bad en doeke gekom het. Maar ‘n dogtertjie (of twee) is ‘n groot seën vir ‘n pappa.
Gister was ons 2de besoek en…
Gister was ons 2de besoek en sonar by die dokter en die 2tjies staan nou op 13 weke en so 71mm.
Nêk velletjies is lekker dun en neusbeentjies lyk reg. Hartklop en bloedvleoi deur hulle hartjies is als reg.
Ek probeer nogsteeds my kop reg kry vir hierdie gedoente wat voorlê. Die grootste uitdaging is om te besluit watse bank om te gaan beroof sonder om gevang te word.
Tweeling....
Môre Anton
Onse Vader deel sulke geskenke uit aan persone wat dit kan hanteer. Julle sal kan regkom.
Soms gaan dit lol, maar met goeie finansiële vroegtydige beplanning, sal julle regkom. Gesels met goeie makelaar, dalk is daar beter beleggings opsies beskikbaar, as die outydse kinderpolisse.
Dankbaar dat die rakkers gesond is.
Effektetrusts
Ek koop vir ons twee kinders elke maand effektetrusts. Dis wat my makelaar voorgestel het as spaar meganisme vir hulle studies. Skoolfondse moet maar uit die sak uit kom. Gelukkig is dit net meer as die koste van een 90l tenk petrol vir die Prado per maand. Die effektetrusts kos aansienlik meer.
Dankie vir die deel van die…
Dankie vir die deel van die goeie nuus Anton. Wessel is reg. Die Vader weet wat om vir wie te gee.
Dankie Shaun. Skuus ek…
Dankie Shaun. Skuus ek antwoord nou eers. Ek is so besig om huis op te ruim en plek te maak vir nog 2 kinders dat ek nie kans kry om hier te loer en skryf nie.
Julle, my vrou se pens swel…
Julle, my vrou se pens swel nou vreeslik en sy is nou eers 4 maande swanger.
Ons was Dinsdag weer by die dokter vir sonar en afmetings gepaard met wiskundige formules om seker te maak dat produksie nog in spesifikasie is. Dinge lyk heel goed en toleransies is lekker laag.
Die dokter sê alhoewel dit nog teoreties te vroeg is om met sekerheid te sê, hy wel glad nie enige teken van knaters sien nie en dat dinge baie pienk lyk! Ek onthou met ons seuns se swangerskappe kon 'n mens glad nie die veregroeisels wat seuns identifiseer miskyk nie, maar hierdie keer is daar niks nie.
Anton.
Baie geluk met die tweeling op pad, hoop die ses Loutjies gaan 'n heerlike lewe saam geniet. Dalk twee dogtertjies.
As ek na die foto kyk, lyk dit my of ek verstaan die datum verkeerd, of dit is 'n sci fi foto, die datum sê,19/02/2024 en 21/02/24,
Of is dit nou die geskatte geboorte datums van elkeen?
Verskoon tog my stupitgeid, onthou ek was lank voor die sonars se tyd