Januarie 2025

Chris S, dis 'n slegte tyd om uitgebreide vakansie te maak. Dis jaarafsluiting vir kompleks, en ekke moet boeke by ouditeure inkry.

Ek oorweeg dit om volgende jaar dalk 'n Chris B uit te oefen, en vroeg in Januarie 'n "see" vakansie in te werk. Moet nog besluit of dit via Bergkwagga is, na Bosbokstrand, of alternatiewelik na DWS.

Ongelukkig is dit Januarie veronderstel om [baie] warm te wees in Bergkwagga en KarooNP.   

Ek kyk nounet na 'n video van die Blyde dam by Swadini wat oorloop. Dit is sekerlik van die mooiste damme in ons land, met die Blyderivier canyon wat so opgedam is.

Sjoe, hoe mooi dit ookal is, sou ek  nogal moeilik kampeer by Swadini met die gedonder van daai water oor die damwal. Ek dink altyd daaraan, hoe dun daardie damwal is, met daardie massa water daaragter, as ons by Swadini kampeer. 

Dis eintlik selde dat daai dam nie oorloop nie, hoewel dit nou omtrent in vloed is.

... vir die lekker hoendersosaties wat wag vir eerskomende Vrydagaand. Ons plaaslike Spar maak 'n "mean" hoendersosatie. Die vleisgoeters is alles reeds in die karavaan se vrieskas gepak. Vir die 10 aande is dit nie nodig om my kampvrieskas saam te karwei nie.

Die beplande aandspyskaarte bestaan uit genoemde hoendersosaties, murgsagte sirloin steak, snoek, lamskenkel vir 'n lekker kerrielamspot (om Wessel jaloers te maak met sy kerrielus), hoenderporsies, pork belly, beesvleis-sosaties (ook ala ons plaaslike Spar), Valley Kreef (ala Delico) en lamstjops. Die Valley Kreef is mos 'n hoenderborsie met ham en cheddar gestop en toegedraai in bacon. Dan word daar ook beplan om minstens een aand te gaan uiteet. Joey's boerewors en ons plaaslike slaghuis se Gouga boerewors is ook in. Maar met die antie wat nou op 'n gluten-vrye dieet is, word daar maar min wors geëet - net ek. Ons moet hoeka môre haar spesiaal-gebakte glutenvrye brood by ons Spar se bakkery gaan optel, sny en vries.

Vanaand braai hierdie visvreter 'n lekker hotnotsvis (oftewel Kaapse Hangberger - as jy nou wil ghrênd wees).

....gaan jy vakansie hou, of 'n fynproewer restaurant open, minus die kerrie. 

... die Boland. Mensig, ons is bevoorreg om hier te kan woon. Ons besef dit net nie altyd nie.

Ek sit en kyk nou die SA20 krieketwedstryd wat in die Paarl gespeel word (met 'n lekker yskoue Skotse drankie in die hand). So hier en daar is daar 'n wye kameraskoot met die Du Toitskloofberge in die agtergrond. O my pok - dis darem maar mooi.

Daar is ikoniese krieketvelde in die wêreld - ook in Suid-Afrika. Ek dink o.a. onwillekeurig aan Lords in Engeland, die Wanderers in Johannesburg - maar is daar dan 'n meer ikoniese krieketstadion as Nuweland?

Ai man, nou het jy my aand sommer omgeklits. Dan praat ons nog nie van Stellenbosch omgewing, met die Pieke, en omring met berge, Franchhoek, en Helshoogte pas, Baineskloof..... 

Dan raak die mense hier begaan oor die "Magaliesheuwels". Genade, die goete is nie verwysing na berge werd nie.  Stik sommer in my Pinot Noir van Muratie!!!

Dan brunch by Ou Meul in Riviersonderend

My kinders het die Ou Meul net duskant Melkbosstrand hierdie vakansie ontdek, en my skoonseun kon "gladnie" daar verby ry sonder om te stop. Verlede vrydag toe hulle terugry Gauteng toe, eers daar gestop, padkos gekoop en toe fort. Die kleinkinders en my dogter het die eetgoed net so geniet. 

Hul bobotie- en lamspasteie is absolute wenners.

Mooi ry Chris. 

Ek moet nog eers die oogspesialis vandag agter die rug kry om te verneem of daar iets aan my dowwe linkeroog gedoen kan word.

...............is dit nie dalk daardie koue Skotse drankie se skuld nie ?

Vanaand is my eie weergawe van "pulled pork" op die spyskaart. Die varknek is vroegoggend in die "slow cooker" gesit. Vanaand trek ek daardie vleis uitmekaar, braai 'n bietjie uie in 'n ander pot, voeg die vleis by, aartappels en wortels in blokkies gesny en 'n klompie paddastoele by. Bedien op bruinrys met 'n lekker glasie (of meer) Arabella Merlot daarby.

Hierdie is 'n klein wysiging van my ver kleindogter se resep. Sy gebruik bees "shin". Net so lekker.

gelukkig het Chris verduidelik, want ek het gedog hy praat van 'n "getrekte vark", soos in 'n gesuipte teertou

....ek gaan nie karring vir nuus nie, ek vertrou dat jy enige vordering of wat ookal, sal deel soos jy goeddink. 

Ek is seker almal glo en vertrou dat daar spoedig volkome herstel vir julle sal wees. 

Kaaimans rivier                                   vanoggend met ons kanoe gaan verken.

Baie mooi natuur en die weer was pragtig. Interesant vir my is die riviere wat ons nou al op geroei het in hierdie omgewing se water is baie skoon en helder tog is daar so bruin/swart kleur op die bodem. Dit maak nie jou voete vuil nie maar is opmerkend. 

Lekker waterval ook sommer naby. Die ou treinbrug nog in 'n  goeie toestand. Het iewers gehoor hulle wil die trein weer in werking stel by Wilderness. 

Ek neem aan dis hoe mens tannin spel in Afrikaans. Is dit nie wat die donker kleur veroorsaak in die riviere nie? Dit gee die water so ‘n tee kleur, so dalk slaan dit neer op die bodem omdat die riviere naby die kus so stadig vloei? Of dalk lyk die bodem net so omdat die water so bruin is van die tannien. Lg kom van die plante af wat groei langs die water. 

...daardie deel van Knysna is ongelooflik mooi. Ek kan net dink hoe mooi moet dit wees stroomop.

Dankie Chris het                                              gedink dat dit van die plante en bome af moet kom want die oewers is baie dig bebos maar was nie seker nie. 

Is net 'n plesier om in skoon water te roei na al die tye wat ons in vuil besmette water geroei het in Pietermaritzburg en Durban. 

Hier kan jy stop en piekniek hou op die sandbanke. Foto wys die kleur maar as jy dit in jou hande skep is dit skoon. Plekke kan jy die bodem duidelik sien. 

Rona                                                        ja die huise kan slegs per boot bereik word. 

Nou onlangs het mense van die huise gehuur en 'n vrou het by die trappe afgeval en haar been erg beseer. Hulle het haar rivier toe gedra en 'n boot het haar na die pad toe geneem. 

Kan nogal traumaties wees.