Karavaan brieke

....maak nie sin vir my nie, MAAR dis dalk die paar glasies rooiwyn wat my insig benewel

As dit nie reën môre oggend nie, sal ek onder wa gaan lê en bedink wat jy sê. Niks werk so goed soos visuele betragting nie.

Dit is in ‘n neutedop wat verkeerd is. 
 

Wessel het goedgunstiglik by sy kontak vir my uitgevind en vanoggend gebel om my te laat weet dis gewoonlik ‘n kabel wat weens stof of roes begin haak. Ek het die wa drie keer in die lug gehad vandag en drie keer gaan toetsbestuur. Dit rem bestendig en trek nie na ‘n kant toe nie, maar die regterkant haak vas nadat dit gerem het en hou dan aan rem. Dit lei uiteraard tot ‘n drom wat baie warm word, onnodige slytasie en hoë brandstofverbruik. Dit kan dalk sommer die laer ook beskadig en my gestrand laat langs die N2 (as ons dit tot daar maak). 

Ek het die kabel probeer Q20 en die drom probeer afhaal. Ek kry egter nie om die dood die stofdop af om by die kasteelmoer uit te kom nie. As ek die handrem optrek trek albei wiele vas, maar regs bly vas as ek dit laat sak. Dan moet ek eers die kabel wikkel voor ek die regterwiel weer los kry. Ons ry dus nie meer Vrydag vroeg nie. 

Daar is ‘n ou wat dalk kan help Vrydagoggend, maar dan hang dit ook af van onderdele op die 26ste. Dis boonop Al-Ko dromme en hulle is landuit. My Annus horribilus wil net nie tot ‘n end kom nie. 

... ek hoop jou probleme word spoedig opgelos. Dis nie lekker as dinge nie volgens plan verloop nie. Soos byvoorbeeld dat ek nou met die antie se karretjie moet Dwarswegstrand toe ry i.p.v. my deur-die-gat-getrekte Hilux (soos sommiges reken).

Gisteraand het ek nie lekker geslaap nie. Vanoggend voor kerk het ek die stofdoppie uiteindelik maklik afgekry met ‘n breë beitel. Toe kon ek na kerk die drom afhaal en alles mooi skoonmaak, en uitwerk wat aangaan. Die regterkant se kabel kon glad nie in sy omhulsel beweeg nie. Ek het dit afgehaal en vol Q20 tipe olie gespuit. Ek het een punt in die bankskroef vasgemaak en die omhulsel probeer trek. Dit het net effens beweeg en baie moeilik.
 

Ek was oppad om moed op te gee, toe haal ek die kabel weer af en sit die omhulsel in die bankskroef en probeer die kabel draai daarin. Ek sou in elk geval ‘n nuwe moes koop, so het besluit ek kan maar hardhandig raak met die een wat vassit. Na ‘n ruk se gesukkel het dit begin werk. Ek het om die beurt die kabel se een punt gedraai en toe die ander, en so aangehou. Toe dit makliker begin draai het ek weer heen en weer probeer trek en tussenin weer olie gespuit. Uiteindelik kon ek die kabel met die hand heen en weer trek, en toe ek dit terugsit op die wa werk die rem 100% Teen 14:30 was alles terug op hulle plek en het weer gewerk. Toe kon ek Kersete geniet saam met my gesin. Ons was almal voor dit maar bietjie bedruk met die gedagte dat ons moontlik eers Maandag of Dinsdag sal kan gaan. 
 

Nou weet ek presies hoe werk die remme, en het gesien die remskoene sal na die vakansie vervang moet word. Ek sê aan tafel vir die kinders ek het oor die drie dae weer geleer mens moet nooit moed opgee nie. Ek wou ‘n paar keer, maar het nie. 

...die keer is konsultasiefooi gratis.

Ek is so bly jy het gewen. Veilig sleep en geniet DWS.

die keer is konsultasiefooi gratis

Dankie Wessel. Dit was egter nie net vir wikkel nie. Dit het gevoel of die kabel vasgebrand het. As ek dit draai het die omhulsel saam gedraai. Gaan maar julle waens s’n na en maak seker dit beweeg vrylik. Seelug is ‘n blikskottel.  

... vir jou onthalwe Wildehont. Gaan geniet nou jou Dwarswegstrand-wegbreek.

Wel gedaan Wildehont! Nou is jy expert met Kavango, en baie ander waens se rem probleme. Geniet jou vakansie. Groete.

Goeie senutergende verhaal hoe die aanhouer wen. 

Ek glo die Smalle het teen 'n moerse tempo woonwa en trokkie gepak na daai kersete. 

Ek verstom my hoe uit die bloute mens probleme kry. Julle het nog normaal julle Namakwa-toer voltooi, en woeps, daar is die kabel vas.

Hou ons ophoogte van ontspanne sleep en vakansie by DWS.

NS: Ek met my 10 duime, en eintlik geen gereedskap, sou dit nie kon vermag nie. Ek moet maar betyds my Kavango laat diens, sodat daar genoeg tyd is indien die tegnikus iets moet vervang of heelmaak. 

Ek het in Robertson gestop om te voel, en albei van die Kavango se wiele was koud. Ek kon ook voel dat die wa rem soos dit moet. 

‘n Karavaan se handrem werk net vorentoe. Ons het dit al elders bespreek, en Oom Len het dit op die harde manier uitgevind in Balule as ek reg onthou (of het hy vergeet om dit op te trek? Sou nie werklik ‘n verskil gemaak het nie).

Ek het die Kavango se remme gestel vandag nadat die nuwe remskoene ‘n bietjie meer as 600km geloop het. Met albei wiele in die lug sluit die handrem hulle nadat ek gestel het dat ek hulle glad nie vorentoe kan draai nie. As ek agtertoe draai kan mens hoor hoe laat los die remme en kan ek redelik maklik die wiele draai.  

Ek het die pdf bygevoeg aan die bokant van die gesprekslyn, net onder Servaas se begin inset. Gebruik dit gerus.

...ek gaan dit deeglik bestudeer . Dankie!!!