Kan iemand my raad gee met die volgende. Ons gebruik merendeels net ons stoeptent, maar my vraag het betrekking op die sykante van jou stoeptent sowel as dié van jou hooftent. Ek vertrou ek kan myself duidelik genoeg uitdruk.
Aan die kant wat aan die karavaan grens, het die sykante 'n flap (driehoekig) wat die opening tussen die sykant en die seiltjie wat onderaan die karavaan gespan word, toe te maak. Daar is 'n rubberring aan die punt van dié driehoek waardeur 'n tentpen gekap moet word om dit na binne styf te span. Maar die seiltjie wat onder teen die karavaan geryg word, het 'n plastiekflap wat op die grond lê. Laasgenoemde seiltjie (terloops - wat noem jy daardie seiltjie?) het rubberringe vir tentpenne aan die agterkant waardeur jy dit vaskap.
Nou my vraag - kap jy die sykant se driehoekflap deur die plastiek van die ander seiltjie? Andersins, waar kap jy dit vas? My lang dun seiltjie se plastiek is aan weerskant al voos van gate gekap waardeur ek daardie driehoekflap se pen kap. Ek glo daar is 'n ander manier, maar hierdie tegnies-gestremde ou kan dit nie uit-"figure" nie. Raad sal waardeer word.
Nou moet Freda julle klomp…
Nou moet Freda julle klomp mans help om tent op te slaan
Voorie, dit een van twee ding:
- 'n nuwe hand is beter of
- die hand bewe meer ?
Nee, Willem, my hande bewe…
Nee, Willem, my hande bewe glad nie! Ek is darem net 69, nog nie 100 nie!
Hierts, jou lekke ding, nog…
Hierts, jou lekke ding, nog lekke bloedjonk, nou wil ek eers vir Freda in haar se nagkabaai sien dans om die paal!!!
Hier ek nog altyd gedink Freda [kan nou nie meer tannie nie] is darem al middeljarig!? g'n wonner sy kan nog 'Tent help opslaan" Pole dance en onner die wa rondle.
Hier's....
Hier 'n "slang" in die gras (of in die bed !) - 'n saggeaarde, onskadelike slang !
Nee, nou sê ek niks meer…
Nee, nou sê ek niks meer nie! Tot Lennie hou hom stuitig.
Tannie, ons is en bly…
Tannie, ons is en bly baaaaaie lief vir jou!!!
Ek sal tog volgende keer as…
Ek sal tog volgende keer as ek kans kry bietjie moet kyk hoe lyk hierdie seile en goed waarvan julle praat sodat ek 'n opinie kan gee.
Darem nog nie 'n slang gehad…
Darem nog nie 'n slang gehad wat in die tent ingeseil het nie. Maar verlede jaar, in Tsendze, sit ek en Ralie rustig oor die middaguur en lees voor ons karavaan. Ons staan toe onder 'n appelblaarboom. Ek sit met my rug na die boom en Ralie se stoel is in my rigting gedraai.
Sy sien 'n boomrot uit die boom val en wegskarrel. Die volgende oomblik val nog 'n boomrot uit die boom gevolg deur 'n derde een. Terwyl ek rustig aangaan met lees, kyk sy toe in die boom op om te sien waar val hulle vandaan. Toe sien sy die rede waarom die rotte so uitval. 'n Jongerige mamba, ek skat so ongeveer 1.2 m lank is toe besig om al wat 'n moontlike skuilplek vir boomrotte te wees, te deursoek.
Len het al vertel van die ope-lug storte by Tsendze. Ek stort graag daar. Die een wat ek graag gebruik het is ook onder 'n appelblaarboom. Nodeloos om te sê, daarna het ek darem eers daardie oorhangende takke deeglik verken voordat ek stort.