Welkom Jan Toermoer

Welkom Jan Toermoer, soos Frans sê, gesels lekker saam.

Daarsy OJ welkom hier.

Hallo Jan, welkom hier !

Ek het jou laas 'n klompie jare gelede by 'n WegSleep saamtrek by Ou Skip in Melkbos gesien toe die ouens jou 'n streep getrek het en 'n swartman omgepraat het om kamptig op jou staanplek vir hom tuis te maak !  Ek onthou ook jy bly in Van Soelenlaan in Rietondale, Pretoria en jy ry 'n Land Rover met 'n hele werkswinkel  -  nie seker of dit vir die Landy se breke was nie en of dit vir 4x4 vasvalle was nie !

Hoe's dit vir 'n geheue ?

Môre Len,

Ek moet jou ongelukkig reghelp dié keer.

Jou geheue is GEDEELTELIK reg.

Waar dit jou egter in die steek laat is dat die werkswinkel VIR daai Landrover gebruik word en tweedens dat 'n Landrover VASVAL.

'n Landy gaan staan soms maar dis net tot die drywer homself agtermekaarkry, die regte rat kies, nog 'n paar voorbereidinkies tref en dan RY hy weer.

Honde sit vas -- Landrovers gaan staan.

Die res van Jan se pedigree en geskiedenis herroep jy egter heel korrek.

Hallo André

Dankie, maar ek moet jou ongelukkig ook reghelp.  Jy sê "Goeie môre", maar in die siwie-wêreld is 12:19 al "Goeie middag " !

Ek is verstom oor jou wye kennis vam Landies  -  ek het nie geweet die Weermag ry ook Landies nie, julle bou mos julle eie rygoed of hoe dan ?

En dan het julle ook veearts-ervaring gegewe jou kommentaar oor honde !

Maar moenie worrie nie André, ek like jou nog steeds !

Maggies, maar julle is skerp?

Nou hoe welkom moet arme ou Jan nou voel??, hoop hy gesêls na dese saam.

Gegroet  Johann,

Begin maar inset met 'n meer algemene groet want Len is nogal puntenerig op die kleiner detail.

Johann, jy moet maar asb vir my en Len verskoon. Ons het heelwat eenderse raakvlakke en Jan (Toermoer) verstaan hierdie intriges aangesien hy beide van onstwee ken en al persoonlik ontmoet het.

Mens probeer maar met 'n goedige geskerts 'n draad aan die gang hou en nie te erg formeel te laat klink nie.

Ons gaan nog met tyd een of ander iets ontdek waarmee ons aan jou haakskene ook kan knaag. Byt maar terug as jy wil, ons sal maar ons geskerts aanpas nav jou reaksies en alles word in 'n ligte trant uitgedink.

Groete

Welkom oom Jan.

Ek is nie so goed met ordentlike afrikaanse woorde nie.

Ek weet dat n knormoer n starter is.

Maar toermoer?... is dit die afikaanse word vir Landrover?...of ford dalk... 

Geen probleem nie Andre, dit is presies hoe ek die situasie gelees het, daarom die, terug skerts.

Dit is juis die geskerts wat gesêls aan wakker, gelukkig is ek self lief daarvoor om humor in te bou.

Jammer dat ek nou so bietjie die draad gaan kaap of dalk transvaal, ek glo almal van ons ken vir Vinnige Fanie, een van ons beste bowlers paar jaar terug.

Sy broer en die se vrou is albei doof, eendag spot ek en hy so oor onse gehoor probleem, (ek het darem 30% gehoor). Beduie hy vir my, as hy en sy vrou kwaad is vir mekaar, maak hy net sy oë toe as sy in vingertaal te hard op hom "skree"

Nou kom ek gee gou vir jou so vinnige les in Afrikaans, seer sekerlik die mooiste taal met die oulikste uitdrukkings van alle tale.

Jan Toermoer, se Landy  se knormoer het gegroet, toe gooi hy 'n vloermoer. (tantrum)

My maggies ek het vergeet OJ kan ook met 'n rekenaar werk of is dit nou 'n Grandpa of Penado ?

Welkom Jan !!!

Gesie, jy toets my alweer met jou stories oor Landie en FORD, jy weet goed dit is twee goed wat my baie na aan die hart le!!

Enige mens wat net 'n greintjie meganiese kennis het WEET dat daar net twee voertuie op die mark is, FORD en 'n ou Land Rover. Die nuwe goed met die BMW enjins in en nou met die Indiese base is net nie meer die ou Britse Landie nie.

Ek sou skat die nuwe Indiese Landy sal seker so in die selfde klas as Toy val en net so bietjie bo Nissan?

Ek weet van Toermoer maar nog nooit ontmoet nie, maar ek sou reken dat 'n man wat 'n Landy ry redelik goed ingelig is, dus ry hy maar 'n werkswinkel saam om al die Toy's en Nissans wat langs die staan regte maak

Ja swaer, is swaar swaer, nou gaan die Toy manne, EN LEN, vir jou uithaal Arie.

Dankie tog ek ry 'n "No Name Brand"???

Arie sê ".......wat my baie na aan die hart lê........"

Dat iemand nou wraggies só harteloos  kan wees !  Arie, ek aanvaar jou hart sit nie meer links bo nie en is oppad in die middel onder uit !