Oktober 2026 saam gesels

Goeiemôre!  ☀️☀️☀️

Goeie môre Anton, ek sien daai girls ie al spoggerig met die kamp opset.

Het iemand kennis van hierdie karavaankamp? 'n Gradering elders gee die omgewing net 2/5. Wonder op grond waarvan - veiligheid of net geen uitsig? Nie 'n idee wanneer die gradering gedoen is nie. Die res lyk goed.

Rona - ek kan my net verlaat op CaravanParks.Com (CPC) se resensies en eenkeer se persoonlike inloer. Daar is 11 resensies en dit gee die plek gemiddeld nogals nie 'n sleg gradering nie - 4 uit 5 vir sekuriteit, ablusies, staanplekke en waarde vir geld. Die laaste resensie is 2 jaar gelede gedoen. Ekself het eenkeer daar gaan inloer toe ons in Ciolesberg in 'n Lekkeslaap plekkie oorgebly het. Vir my het dit heel goed gelyk.

Ek weet dat Goeie Hout een of ander stel daar afgetrap het - ek dink 'n kragkabel van hom is vasgelê. Maar ek weet ook van 'n paartjie van Bellville (ene John & Nita) wat elke jaar lankstaners by Eiland Spa is. En Onze Rust is al vir jare hulle standaard oorbly-plek.

Persoonlik verkies ons Forever Gariep se staanplekke met privaat ablusie wanneer ons in daardie omgewing is - puikl!!

Hallo Rona.  Dit is nie n karavaan staanplek soos ek en jy dit ken. Hier staan jy in n reguit lyn met karavaan gehak.  Letterlike langs n braai.   Dit is net vir 1 oornag.  Maar ek het deurgeloop met my ekstra 30m kabels wat voete gekry het.

Sal maar Gariep Dam gaan staan.

Baie dankie, dit is welkome inligting. Met nog geen idee van Desember se brandstofprys nie, loer ek in hierdie stadium na die kortste afstand Kaap toe. Ons ken nie oorslaapplekke op die N1 nie - het nog altyd die N12 verkies, maar die afstand tot by die N7 en daarvandaan na Tulbagh is verder. Ek vermoed elke km gaan tel. Neem ook kennis van die "moet vooraf bespreek", maar dit kan nie gebeur voor die Des. brandstofprys aankondiging nie. Waarskynlik dan te laat vir Gariep, sal maar moet sien.....

As ek net aan die N1 met die hordes trokke dink kry ek sommer 'n koors wat nog 'n naam moet kry. Daan reken dis ok - die trokke, darem nie die koors nie 👀 

Met hierdie inligting klink dit dan eerder na 'n "hou verby" kamp, al sou ons dit net as aftrekplek vir een nag beplan. 

Nou vir die laaang wag tot Desember.

Dis nou nie n roete wat ek gereeld ry nie, maar as ek weer Kaap toe sou ry, sal my keuse N12 wees. Daai N1 was nie vir ons lekker nie. Toe ons N1 gery het, was sekere dele tussen Bloem en jhb al goed vrot gery deur trokke....en vir ons baie vervelig gewees

Die N1 is bedrywig met die groot trokke - geen twyfel. En 'n gedeelte, net suid van Hanover, se oppervlak was maar treurig.

Maar die N12 tussen Kimberley en die afdraai na De Aar (net noord van Britstown) is vodde gery deur die "side tippers), veral as jy suid ry - want dit is die rigting wat hulle met vol vragte ry. Die gedeelte suid van Strydenburg, verby Kambro tot by die afdraai na De Aar is 'n nagmerrie - veral as jy 'n konvensionele padkaravaan sleep.

Neewat - ek trotseer 'n 100 keer eerder die N1 se trokke.

Geert se beskrywing van die N1 is vir my in die kol. Voeg dan nog al die trokke by wat mens heeltyd op die punt van jou sitplek hou, dan is dit nie 'n prettige rit nie. In ons werksdae moes ons hierdie pad tot vervelens toe ry en al wat mooi was tussen die Noorde en die Kaap was gewoonlik so vyf of ses Peterbilt trokke (die 379's) wat ek nie meer sien nie. Ek kon nie een bekostig nie en koop toe maar my bussie.....Indien ons (Daan) wel besluit om die roete te vat, wil ek die pad net oorkry - een stop. Reyneke Park Bloemfontein kan dalk werk. Ek onthou dit was al Len se aftrekplek en hy het nie te veel gekla nie. Dit gaan twee baie lang trekke wees, maar dan is dit verby.

Ek hoor wat Chris sê van die N12, maar is baie lief vir daardie gedeelte van die Karoo. Enigste manier om dit weer te sien, is ry dit. Die Kambro is ook een van ons gunsteling aftrek plekke - met min staanplekke en gewild oor Desember glo ek dat ek lank reeds moes bespreek het. Bietjie verder aan is Rooidam. Ons het nog net baie daar verby gery - moontlik ook 'n opsie. Maar goed, een trek van hier af Britstown toe is dalk 'n te groot hap. Ons ken nie Riverside Country club by Ritchie nie, maar op die N12 is dit 'n moontlikheid vir 'n eerste oornag plek. Daarvandaan iewers op die N1 naby Drie Susters of Beaufort Wes (kan maar net nie van dit af wegkom nie). Karoo NP -   moet bespreek - dink dit gaan sekerlik vol wees in daardie tyd. In daardie omgewing is meer plekke, ek moet net weer my gedagtes laat gaan.

Nou het ek my kop deurmekaar gedink. Tyd vir 'n lafenis.