Karavaan spaarwiel

Ek sou dan liewer 'n bracket gemaak het wat bo-op die A-raam is en wat dan oor swaai indien ek by die neuskas wil uitkom.

Ek sou dit agter onder monteer met 'n meganisme wat so skuins uitswaai. Amper soos wat ek my trappie gemaak het

Ek glo glad nie daaraan om gate te boor in die a raam nie, dit verswak hom (my eie mening). Ek ry my spaarwiel maar op 'n matjie in die karavaan saam en haal hom anderkant uit. Ek wil ook nie sukkel om by die neuskas uit te kom met die spaarwiel in die pad nie. Laat ons weet wat jy gemaak het, altyd interesant om te hoor van ander.

Tuinslang, ek hou van jou idee om dit onder die A-raam te monteer, solank dit net sover agter toe as moontlik is. Die rede: om nie te veel gewig na die haak self te verplaas nie.

Ek het gedink om ‘n bracket aan die a-frame vas te maak en die spaarwiel tussen die 2 bene van die a-frame te vervoer.  Hy behoort nie veel laer as die jockey wiel of as te wees nie.

Indien ek hom benodig sal ook nie te veel moeite wees om af te haal nie.

Moet net nie boor in die A-raam nie, brackets wat maklik kan los, en vas maak, met 'n slot ook, sal tot jou voordeel wees.

Jarques, ek het die spaarwiel monteerder by karavaan handelaars gekoop. Gewoonlik sit die meeste kampeerders die monteerder agter onder die karavaan. Probleem is het 3 hande nodig om die wiel vas te maak ( 2 hande nodig op wiel op te lig en derde hand nodig om die wiel vas te skroef. Ek het die monteerder met 8 boute en moere vas gemaak. Ek haak die spaarwiel teen die frame channel en lig dit op met 1 hand en ander hand om die wiel vas te skroef. Die slot word met plastiek en insulation tape toegedraai vir stof en roes. 

Ek het dit op die regterkant naby die as gemonteer. Kon nie op linkerkant gemonteer nie agv lugreelingpype en elektriese drade in plastiek tubing loop teen frame channel

Baie netjies Noel.

As ek jy was, sou ek baie mooi dink oor :

• Is dit ideaal om 'n noodwiel onder die wa te monteer ?  Veral aan die regterkant waar karre en trokke verbyjaag.  Oorweeg mooi die verdere gevare as die wa met 'n domkrag opgelig is en jy spook onder die wa en 'n trok jaag verby en ruk die wa af van die domkrag
• Oorweeg baie mooi die buite-eenheid van 'n lugversorger wat binne-in die neuskas gemonteer is met swak lugsirkulasie.  Jy het allerhande pype nodig om die warm lug na buite te herlei en jy moet altyd jou neuskas ooplaat.
• Oorweeg gerus die volgende :-

    (1) Laat jou noodwiel in die neuskas waar hy hoort en maklik bereikbaar is

    (2) Oorweeg 'n lugversorger op die stert van jou wa:  oorgenoeg lugsirkulasie; neuskas bly toe;               moontlike waterkondensasie bly buite jou wa; doemprofete verkondig die wa sal swaai  -               dis twak !

      (3) Eerste foto is van myne en die tweede foto is van iemand s'n wat langs my gekamp het

En dit dan, is die rede waarom hierdie forum so lekker loop, jy kry opinies in alle rigtings, met verduidelikings waarom👍

Ek sou ook eerder vir Len se opsie gegaan het nadat hy die verduideliking tov die lugversorger gegee het. Die voordeel van Len se opset is dat hy 'n Exclusive het met dubbelaste wat wel makliker sleep.

As jy hom onder wa wil monteer gaan koop vir jou n bakkie se spaarwiel katrol en dan draai jy hom op en af met slinger

.................se Super Sport het 'n noodwiel wat agter die as, onder die wa gemonteer is.  Die raam lyk soos 'n sleepwa se onderstel waarvaan die "A-raam" na agtertoe kyk.  Die A-raam se punt hang aan 'n "wing nut" (gesluit met 'n slotjie).  As jy die noodwiel wil uithaal, maak die een "wing nut" los en laat sak die "A-raam".  Jy kan ook die "A-raam" 'n bietjie oplig en die hele gedoente na agtertoe uittrek, soos om 'n laai oop te maak en daar lê jou noodwiel, so te sê agter die karavaan.

As jy hom onder wa wil monteer gaan koop vir jou n bakkie se spaarwiel katrol en dan draai jy hom op en af met slinger

Goeie idee, mens moet net plek kry om dit te kan doen. Ek het nie in die begin mooi gelees nie en aangeneem jy wil dit bo die a raam installeer. Onder die wa is baie beter en die vraag kan gevra word: hoeveel keer kry mens nou 'n pap wiel, nie elke week nie? Dit is nie gerieflik om die spaarwiel in en uit te haal elke keer as jy gaan kamp nie, hou ons asb op hoogte wat jy gaan maak.

Ek kan ongelukkig nie my spaarwiel in die neuskas sit nie, want die vorige eienaar het klaar die lugversorger se buite eenheid daar laat insit. Ek verkies ook die buite eenheid agter, want hy raas nogal voor naby die bed as dit baie warm is en hy werk die heeltyd, mens moet gewoond raak aan die geluide voordat jy rustiger slaap.