WilSur se Karavaan Jacks

Dankie Willem, ek onthou hierdie inset en fotos van jou iewers in die verlede.  Clive Cock (spesifiek so gespel) se antwoord aan jou 6 jaar gelede in 2013 is een van die redes hoekom JurgensCi amper in sy moer is  -  die vorige bestuur het nooit na hulle kliënte se verbeteringsvoorstelle geluister nie en het altyd 'n katterige, beterweterige antwoord gehad, indien hulle wel geantwoord het.

Ek het net so 'n domkrag soos jy, maar het nie jou oulik idee om 'n plaat vas te bout op die onderstel waar die domkrag die wa oplig nie  -  ek het 'n ou Exclusive en wil nie graag gate boor in die onderstel nie.  In joune se geval is daar reeds gate beskikbaar.

As ek 'n papwiel met die Exclusive sou kry (in 14 jaar en na 70 500km nog nie een papwiel met die Exclusive gehad nie !), sal ek die wiel wat nie pap is nie op my "geel blok" optrek, die domkrag onder die betrokke as inskuif en dit dan verder oplig.  Het dit reeds getoets en dit werk goed.

Len, ek sou ook poog om nooit gate in 'n onderstel boor nie, dit verswak 'n kritieke komponent van enige voertuig. 

en wil nie graag gate boor in die onderstel nie.

Willem, dit lyk of daar genoeg grondvry hoogte is om die domkrag so te monteer👍

Ja, mens moet maar versigtig wees, as hy aan iets haak, gaan jy skade kry.

Ek is so hartseer, ek het so twee weke terug my skêr jack op gevoeter. Ek was by my broer op Kriel vir die naweek met die karavaan en wou die karavaan oplig aan die linkerkant om iets onder die wiel te sit om dit gelyk te laat staan. Die karavaan was nie gehak aan my bakkie nie en die punt waar ek die jack sit om dit op te lig ( Iets soorts gelyk as Wilem sin)  is omtrent 200mm voor die as.

Ek het die jack in gesit en die karavaan begin lig. Die jack was later omtrent heel op sy hoogste en ek kon nie verstaan hoekom lig die wiel nie van die grond nie, my konsentreasie was heeltyd op die wiel wat moet lig. Toe ek ondersoek instel hoekom die wiel nie hoog genoeg lig nie sien ek die neus van die karavaan het heel op gelig. die volgende oomblik gee die jack mee onder die karavaan en strip toe die tande onder op die jack. Geluk het die karavaan nie skade gekry nie, maar nou het ek nie meer n jack nie. Die motor werk nog maar die jack is daarmee heen.

Dalk is hier iemand op die forum wat het jack het en die motor werk nie meer wat ek dalk kan oorneem nie.

Ek is baie ongelukkig met myself.

Pieter, jammer oor jou "jack" wat die gees gegee het, maar ek dink 'n wa moet ALTYD onder die as, of minstens een van die aste as daar twee is, opgelig word want dan is daar geen moontlikheid dat die karavaan-struktuur kan koeksister-"twist" nie.  Dis onder andere hoekom 'n wa nooit op een van sy hoeke opgedomkrag moet word.  Hoe verder weg jy van die wa se as is as dit op gedomkrag word, hoe groter gaan jou skade wees.  In Willem se geval domkrag hy wel die onderstel op, maar sy "bracket" is presies in die middel van die twee aste en 'n koeksister-"twist" is nie moontlik nie,

Deur eerder 'n as op te lig, lig die wiel(e) baie gouer van die grond af op en hoef jy nie die spulletjie so hoog op te lig nie

Pieter, jammer oor die skade, dit is nie lekker nie.

Wat my egter bekommer is, wat is die domkrag se "rated" gewig, 'n 2 tonner behoort nie met 'n karavaan te "strip" nie want jy lig mos net een kant op?

Willem, dankie ek het 'n verkeerde gevolgtrekking gemaak, sien wat gebeur as mens nie oplet in die klas nie

Hallo Willem, nee ek het hom nog nie uitmekaar gehaal nie. Ek het gister toevallig in Midas na hul jacks gekyk en het gewonder of ek dit nie kan oor bou nie. Ek moet maak soos jy sê en weer gaan kyk.

Dankie.