KOFFIE?

Ja'k bly eerder weg van daardie F woorde!!!!

Ek sien ons forum aansig bo se groen is so bietjie verander!!! Ek hou van die groen wat weg "fade"na die bokant!!! Mens kan sien jy spandeer baie vrye tyd om dinge te verander, en ek dink ook al die ander gebruikers waardeer dit, alhoewel dit nie altyd gesê word nie!!!!

Dankie Frans.   Ek probeer vir ons hier 'n heerlike kalm en vriendelike platform skep wat maklik navigeer en interaksie aanmoedig!

Wat F en F aanbetref, die name was maar so 'n grappie tussen myself en LoL-La -  

...die budgies se name is Kieppie en Kaddas

Dit kan dalk beter op die oor val, die Kiepie en Kandas?  of soos jy seg, Kieppie en Kaddas!

Ek het jare terug klomp kokketiele gehad, sommer twee hokke vol, en die goed moes opsluit naweke saam gaan kamp!!! Dit was van hierdie wit vierkantige hokke, en he tsommer hele tent volgestaan!!! (ou Caravaette 4 gewees).

Die ma en pa was mak, en uit die hok gelaat om bo-op te kan sit, en maak ek fout om kleintjies ook oop te maak. Vlieg een kleintjie toe by tent uit, ek en die pa kokketiel daar agterna, van boom tot boom!!! Hele dêm middag gesukkel met die affêre, en laat middag kom die klein blik-emmer self terguggevlieg!!

Ai, wat jy tog nie alles sal doen vir die kinders nie!!!, eende, hoenders, hase!!!, en op die einde van die dag versorg Pa alles!!!

Goeie more. Tyd vir 'n beker wakker word.  lyk so ietwat oortrokke hier by ons.

More Voortrekker en al die ander mense.   Jou koffie lyk baie lekker, Anton.  Hy vra sommer om gedrink te word.

Ons het gister deur die dag so nou en dan 'n bui reën gehad.   Dit is koud maar darem nog nie regte winterkoue nie.  Ek het nog nie gehoor dat ons damme water gekry het nie.

Waar is Frans vanoggend?   Slaap seker laat.  More Frans, wag vir jou groet!

Ek is laat, hier by ons buite 6grade gewees so teen 7:30.

Freda, ek/ons is effe aan die slegte kant deesdae, SUKKEL om aan die gang te kom!!!

Hier by my is daar trappies wat opgaan na sitkamer en ander deel van huis, uitstekende plek om die voorgenome vakansie benodigdhede te begin uitpak, ons doen altyd so!!, wel eerste goedjies begin plek kry daar!! DIT vat tyd!! Besluite oor wat gaan saam!! Gebruik NIE bagasiewaentjie hierdie keer (gaan hom dalk maar smous aan Tinyiko van ander forum), so, ons moet  oordeelkundig pak!!

Het darem al by hierdie masjien draai gemaak netnou!!!

Lekker dag vir almal!!!!

Goeie more Freda.  Dankie dit sal lekker wees!

Plesier Voortrekker, laat hy val waar hy wil.     

Hoe drink julle mense jul koffie?   Swart koffie is vir my nogal lekker, maar dan moet dit soet wees.  Ek drink dit baie selde so, gewoonlik met melk en pilletjies versoeter.  'n Knertsie room by koffie is ook 'n treat.  Ek het saam met 'n vrou gewerk wat 5 teelepels kitskoffie gebruik het vir een koppie koffie.  Dan drink sy dit swart en bitter.

Goeie môre, myne swart, 1 lepeltjie bruin suiker met een pilletjie, dankie!!!

Ek laat vandag, maar dit maak nie saak nie, dis mos soort van vakansiedag, geen aflewerings om te doen!!

Geniet die dag!!!

Myne met melk en 2 Suiker dankie!

Goeie more Segekok!

Goeie more al die koffie en tee drinkers,

Sit reeds met 'n beker tee voor my en het die koffiemasjien aan die gang.

Weer terug in die tuig. Opvangs waar ek was was baie swak gewees.

Lekker dag vir elkeen

Goeie more Dusty.  Dit is lekker om jou weer so vroeg hier te hê.

Ek gaan ook nou die keteltjie aansit.

Goeie môre, jinne Dusty, jy het al gepraat van vroeg roer, maar jou opstaantyd is soos die ou mense gesê het"ou-nag"!!!!

Dankie, ek het my bekertjie gevul!!! Nou in die pad val met aflewerings.

Lekker dag!!

Ek sit sowaar nou eers met my eerste koppie tee van die oggend.  Lekker laat geslaap vanoggend.

Aan almal wat weer moet begin werk na die vakansie en langnaweek, sterkte.  Vanoggend was die huise, met skoolgaande kinders, weer in rep en roer.   Dit bly maar 'n storie om almal betyds op en aan die gang en gereed te kry.  Veral as jy in die stad bly en die verkeer moet trotseer oppad skool toe.

Ag nee, 

Swart, sterk en bitter ????

Dan is dit n straf.

Mens drink mos koffie vir die lekker. Of wat praat ek alles.

Toe ek my inset op die koffiedraad gesit het vanoggend, was dit al na 8.30.   Maar langs my inset wys dit 6.41?  Omtrent 'n verskil van 2 ure.  Dusty wys by my 2.00, dalk was dit toe 4.00.  Ek plaas die inset nou om 9.50.

Freda, is jou tyd zone Jhb Africa?

Nee, dit is West Central Africa.   Ek het nou deur die lang lys gegaan en dit is die enigste een in Afrika.  Daar is gladnie 'n Jhb Africa nie.   My tyd wys reg op my rekenaar.  Tans 10.10.  Hoe laat wys my insette by jou Voortrekker?

Freda, stel jou tydsone op "Africa Harare", dit strook met Suid-Afrika

Daar is ook nie 'n Africa Harare, of net Harare nie.  Ek het nou een gekies wat die tyd langsaan het 12.00+.   Dit is Catham Islands.   My rekenaar sê nou die tyd is 11.15.   Ek wil nou sien hoe laat wys dit op my inset.