Malaria
Middag vriende
Ek het vanoggend ons malaria-pille gaan haal by die apteek. So dus ook gedoen. Ek skrik nie vir Vigs nie, maar malaria en Covid wel. Ek kan myself vrywaar teen eersgenoemde, maar die ander twee bekruip 'n mens ongemerk.
Ek het Malatec gekry, mens begin dit drink 1 aand voor jy gebied ingaan, dan elke dag, en vir nog 7 dae nadat jy uit die gebied is.
Goeie roep
Ons het net voorsorg getref dat die muskiete ons nie byt nie. Deeglike aanwending van hetsy Tabard of Peaceful Sleep room. Ons doen dit ook hier by Eiland. Ek en Ralie gaan gewoonlik in die laatmiddag (ongeveer 16:30 - 17:00) stort. As ons daarvandaan terugkom laat waai ons met genoemde middels.
Toe ons November in die wildtuin was het ek ook Malateq gebruik plus afweermiddels. Ralie word egter baie naar van Malateq en het slegs die afweermiddels gebruik. My persoonlike ervaring is dat sitronella-olie en die hond se agterkant bykans dieselfde is. Muskiete vlieg draaie om Ralie om my by te kom. Sitronella-olie lyk vir my of dit eerder muskiete na my toe aanlok. "Touch wood", maar sedert ons op 30 April in die Laeveld arriveer het, weet ons nog nie van muskietbyte nie.
Mense wat ons in Punda ontmoet het met ons onlangse verblyf het beide malaria in Punda opgedoen.
Wessel, ons speel ook maar…
Wessel, ons speel ook maar altyd veilig en het getrou ons Mozitec gedrink - gelukkig het nie een van ons newe-effekte gehad nie.
Magnetiese LED stafie
Middag vriende
Ek het darem reggekry om die LEd lig se haardun draadjies aan 'n 30 amp BH-prop te koppel. Wat 'n gesukkel vir 'n onhandige ou.
Ek het eers 'n primere lus van dik koperdraad gemaak om in die BH se koppelinge vas te klem, en sommer soldeer ook. Die dun draadjies is toe versigtig weer daaraan gesoldeer.
Die moeilikste deel was om daardie koppelinge in die BH in te druk, tussendeur die plastiek en metaalplaatjie, totdat in posisie klik.
Na 'n gesukkel, brand die liggie, ewe met keuse tussen wit en geel lig. Ek is nou so lus vir die wildtuin, ek kou sommer 'n malaria pil, en sluk dit met 'n bier af.
Goed gedoen
Mooi so Wessel. Dis tog lekker om selfs iets te doen/maak. En al die voorbereidings maak mens net meer lus vir die toer. Ek leef nog in geloof dat ons en julle wel sal mag gaan. Ek glo die regering besef dat nog ‘n streng inperking die ekonomie te veel gaan seermaak. Blykbaar is dit in elk geval te laat daarvoor, want die mense wat tans positief toets het al ‘n tyd gelede aangesteek. Die statistieke is dus ‘n week tot 10 dae agter, en die kruin is reeds bereik. Laat my maar toe om te rasionaliseer, en hou saam duim vas dat ek reg is.
Veels geluk met jou…
Veels geluk met jou elektrisiën-takie Wessel, jy vorder goed !
Hoe is julle program na die eerste nag by Maroela ?
Ns. Onthou by Maroela moet jy redelike lang kragkabels hê - die kragpunte is maar swak beplan en uitgelê. En, as jy by die mansablusie ingaan en jy val bo-oor 'n simpel trappie vir geen sinvolle rede nie, dink dan aan my wat elke keer wat ek die badkamer besoek het, daaroor geval het !
Mooi so Wessel, ek glo julle…
Mooi so Wessel, ek glo julle gaan dit baie geniet.
Wessel kamp n
Julle gaan lekke kuier en kamp n leeu uit oom Paul se tuin
P-dag aangebreek
Middag vriende
Die groot Pak-dag het aangebreek. Wa staan voor huis, ekke moet die groot goete pak, die trokkie en beterhelfte maak nog kosse om saam te neem.
Ek dog die vleise, wors en brood is die kos, maar toe nie. Daar moet allerhande groente en sydisse saamgaan, arme eseltjie gaan wee brul!!!
Hopenlik laat my kommunikasie tegnologie en die internet sein toe, sodat ek darem periodiek kan gesels hierso.
More sleep ons tot Swadini, en dan Sondag verder tot in Maroela.
Wat n vooruitsig
Geniet daai pak Wessel dis deel vannie fakansie
Wessel dit is mos nou lekker…
Wessel dit is mos nou lekker man, lekker klaar pak en veilig sleep.
Hou ons asb op hoogte met die deur ry van Gauteng, hoop nie jy deel vanaand 'n sel saam zumpies nie
Chicken!!!!
Naand vriende
Nee, ek gaan moeilikheid vermy.
Ek ry van Brits af, Assen, Koedoeskop, dan voor Mabalingqwe verby tot in Warmbad. Daarvandaan N1 tot voor Pietersburg.
Groete
Wessel, ek dink dit is 'n…
Wessel, ek dink dit is 'n wyse besluit, ek lees net vanoggend dat jagters nou toegelaat word om deur Gauteng te ry. Dit sê vir my ander "deur" reise is taboe.
geniet Wessel! Ons sit nog…
geniet Wessel! Ons sit nog teen alle hoop in en wag dat die Prez die grense weer oopmaak dat ek uit Centurion pad kan vat Scotties toe :( Maar met die syfers wat hulle is dink ek dis nog 'n jaar by die huis...
Julle moet veilig ry en die…
Julle moet veilig ry en die vakansie geniet.
Die "ompad" om Gauteng te mis klink darem nie te erg nie.
Veilig ry Wessel
Ek dink ook dis ‘n wyse besluit om Gauteng te vermy. Ons het gister net voor Laingsburg en voor Beaufort-Wes standaard padblokkades gehad waar lisensies nagegaan word. By Beaufort-Wes het hulle ons nie eers gestop nie.
Boswa en ompaaie na KNP
More Len
Ek gaan jou hier antwoord, anders besoedel ons Chris S se draad.
Die probleem met ompaaie is nie of my trokkie en boswa dit kan doen nie, maar veel eerder of die ompaaie deur veilige gebiede gaan. Deesdae is mens nie eers seker van 'n onbelemmerde deurgang op ons hoofpaaie nie, wat nog op landelike paaie.
As mens ingedagte hou die ervaring van Chris B toe hy sy vrieskas bedrading moes laat regmaak op Louis Trichardt, dan is ek vreeslik kieskeurig waar ek wil ry.