Kalaghadi versus Kruger

Hartseer was ek nog nie in die Kgalagadi Transfrontier Park gewees nie maar is nou al te lank op my lysie. 

So ek sal maar net hier volg.

Laat ek maar my sent in die blikkie gooi.

Kgalagadi sal my seker nooit sien nie, my vrou en my wa is nie gebou vir die terein nie. Sy hou nie van "rof" kamp nie en my Penta is ook nie gebou vir daai paaie nie

Selfs om haar te oorreed om Kruger toe te gaan vat maande se haarfyn, subtile, praatjies.

Ek sal graag een jaar saam met my niggie-hulle met 'n tent wil gaan, maar weerens, my vrou soek luukse om haar, hulle gaan elke jaar met hul bakkie en tent en kom "brêk" oor hoe hulle dit geniet het.

Dis soos om vir ‘n ouer te vra watter een van jou kinders is jou gunsteling. Elkeen het aspekte waarvoor jy bitter lief is, maar elkeen het ook iets waarvan jy minder hou. 
 

Ek wil glad nie spog met wat ek nou gaan sê nie, maar daar is ‘n rede waarom ek ‘n lysie gaan maak van die reservate wat ek nou aan kan dink wat ek al besoek het so wees net gou geduldig met my. 

• Kruger wildtuin en aangrensende Timbavati, Klaserie, Balule, Sabie Sand, Manyeleti en al die kleiner privaat reservate rondom Hoedspruit
• Mapungubwe
• Marakele
• Privaat reservate rondom Vaalwater en Warmbad
• Hluhluwe-Imfolozi
• St Lucia
• Mkuze
• Ndumo
• Ithala
• Pongola
• Pilanesberg
• Addo
• Bergkwagga
• Kgalagadi
• Bontebok
• De Hoop
• Golden Gate
• Mlilwane in Swaziland
• Matobo, Hwange, Gonarezhou en Zambezi NP in Zimbabwe 
• Mabuasehube, Sentraal Kalahari, Moremi, Savuti, Chobe en drie privaat konsessies in Botswana 
• Mosi-O-Tunya, Lower Zambezi en South Luangwa in Zambië 
• Etosha en Waterberg in Namibië 
• Serengeti en Ngorongoro in Tanzanië 
• Reservate in Gaboen, Sentraal Afrika Republiek en Madagaskar 

Amper elkeen van die reservate is spesiaal, en sou ek weer die geleentheid gegun word sou ek almal behalwe Mlilwane weer wou besoek. Ek was baie lank gelede daar, maar ek onthou bloekom bome en ander uitheemse plantegroei en ‘n baie onegte natuur ervaring. Sommiges is baie rof en moeilik (en duur) om by uit te kom. Ek was gelukkig dat ek die meerderheid besoek het as deel van my werk in toerisme, en selfs ‘n paar sente ontvang het in plaas van om self te betaal.

Plekke soos Botswana het ek vreeslik geniet omdat dit so ongerep is en in die konsessies het ons meestal die plek vir ons self gehad (wat waarskynlik is hoekom ek nou nie lief is vir skares soos in die Suide van die Kruger wildtuin binne seisoen nie). Maar raai watter een is my gunsteling? Die Kruger wildtuin. Dis ook die beste plek vir enige gemiddelde mens om sonder enige spesiale voertuig of toerusting ‘n eersteklas natuurervaring te geniet en wonderlike dinge te sien. 

Ek voel soos ChrisWH hierbo dis onregverdig om Kgalagadi op te weeg teenor die Kruger Wildtuin of omgekeerd.  Netsoos die onderskeie ruskampe het elkeen 'n eie, unieke aantrekkingskrag.  Almal weet teen hierdie tyd dat ek jaarliks die 2000km aflê om by die Kruger Wildtuin uit te kom terwyl die Kgalagadi 'n skamele 1000km hier vanaf Kaapstad is.

Ek is soos so talle baie ander mense (veral die boswa ouens) baie lief vir die Kgalagadi, maar omdat ek oor 'n teerpad-karavaan beskik kamp ons net by Tweerivieren en is sodoende in 'n mate beperk.  Die enigste, enkele ding wat my afsit van Kgalagadi is die toestand van die paaie.  Vriende van ons was 'n maand gelede daar en volgens hulle was al die paaie in 'n baie goeie toestand  -  behoorlik geskraap na die lieflike reën, maar dit gebeur nie sommer nie.  Hier kamp ons heerlik by Tweerivieren en het selfs 'n heerlike Kalahari reënstorm in Septembermaand gehad.

Wildbesigtiging in Kgalagadi is besonders, heelwaarskynlik as gevolg van die skaarste van water en die drinkgate wat naby aan toeristepaaie aangebring is.

Na die lekker Kalahari-reënstorm lyk dit so by Samevloeïng van die Nossob en Auab riviere :-

Die Kgalagadi bly 'n wonderlike plek, netsoos die Kruger Wildtuin !

Ek voel dis onregverdig om Kgalagadi op te weeg teenor die Kruger Wildtuin

Vir ‘n verandering stem ons saam  

Chris, ek wou al verskoning aanbied dat ek alles wat jy sê verkeerd verstaan, maar voor ek dit kon doen vind jy toe gelukkig iets waar daar nie 'n "verkeerd verstaan" is nie.

Van my af na Tweerivieren lyk soos 950km waar van my tot by Letaba net 525km is.

Dalk moet ek eendag maar oë toe3knyp en net gaan.

Wessel, jy was gelukkig om Kalagadi so "mensloos" re ervaar. Ons was al hele paar keer daar, en gevind dat dit maar bedrywig kan wees met tye  Eenkeer was ons in n vasgevang in n verkeersknoop waar n paar sotte dwars in die pad gestaan het om n paar slapende leeus te bekyk, waar net die ore sigbaar was. Hulle het seker beplan om so te bly sit tot Ta wakker word...eendag.

ek wou al verskoning aanbied dat ek alles wat jy sê verkeerd verstaan

Nee wat Oom Len, dis dalk eerder ek wat so swak verduidelik. Ek sal in elk geval nie kan kwaad word vir iemand wat so lief vir die wildtuin is nie. Dis mos my kerk se mens! 

jis, Chris S se inset het nou my kop in 'n liederlike rigting gestuur.

Eerstens moes ek net eers seker gaan maak het, maar die spelling soos Chris dit gebruik, en in titel,  is die korrekte ene. Ek kan dit net nie onthou nie, en kry dit altyd verkeerd.

Ek oorweeg dit ook sterk om volgende jaar weer 'n Kalahari [baie makliker] kuier in te werk. Dalk moet ek die jaarlikse vêr sleep na die mooie Kaap omgewing inboet vir 'n besoek aan die Kalahari. 

Ek weet Kruger is baie nader en daar is 'n groter verskeidenheid wild, maar ai, ek wil ook nog Nossob omgewing verken. 

Dis nou op die punt waar die gedagtes nou rerig liederik sleg raak. Om tot by Nossob met gemoedsrus te sleep, het mens mos 'n 4x4 en ordentlike boswa nodig. 

Chris B, is 'n 2.4 Hilux 4x4 'n ordentlike aanbevole trokkie, of moet ek iets beter soek?? Wonder of jy kan/gaan antwoord  

... nie in die minste nodig vir 4x4 op die twee hoofpaaie  (Auob & Nossob) in die park nie. Ek sal nie deesdae sommer met 'n platkar die park se paaie aandurf nie, maar ek was met minstens 4 geleenthede in die park met Cressida's - o.a. tot heelbo by Unie-end.

Verkeerde antwoord, nou sterk jy Marie in haar teen argumente.

Ai tog, ten minste sal my makelaar van jou antwoord hou, maar hy is nie die persoon met veto reg nie . 

As jy die paaie in die park in Twee Rivieren se omgewing kan ry, kan jy tot by Nossob ry. Mata-Mata ook. As jy dit vang kort na dit geskraap is soos tydens ons 2023 besoek sal jy met ‘n padkaravaan ook kan gaan. Die Kavango was al twee keer in Kgalagadi sedert ek dit het, en voorheen ook ‘n hele paar keer maar toe in Mabuasehube se gedeelte. Dit is ‘n ordentlike boswa.