Ons het toe ons heerlike kamp-kuier Vrydag 20/12 afgesluit en huis toe gekeer.
Die laaste dag of twee in Hartenbos het ek opgemerk dat Annatjie se linkervoet rooi verkleur en was maar heeltyd bekommerd daaroor. (15 maande gelede is haar regtergroottoon geamputeer en ook dooie weefsel uit haar hak gesny, so groot soos 'n golfbal, as gevolg van bloedvloeiprobleme). Die volgende dag Saterdag 21/12 is ons na MediClinic Cape Gate se ER want ons huisdokter was al met vakansie. Hier is daar bepaal dat die bloedvloei in haar linkerbeen feitlik tot stilstand gekom het en geen bloedvloei bereik haar voet nie. Omdat Annatjie se vaskulêre chirurg ook met vakansie is, is sy dringend per ambulans oorgeplaas na MediClinic Panorama in Parow waar daar wel 'n vaskulêre chirurg aandiens is. Twee chirurge het gister probeer om dmv 'n angiogram-prosedure die blokkasie in die aar oop te kry en was ongelukkig onsuksesvol om die baie groot blokkasie in haar bo-been van omtrent 200mm oop te kry. Hulle wou haar vandag geopereer het om 'n aar-omleiding te doen, maar sy het gesmeek om Kersdag by die huis te wees vir 'n groot familie Kersete. Die chirurge het ingestem op voorwaarde dat sy op die laatste Vrydag geopereer sal word. Alles is nou so gereël en ek het haar nou gou gaan haal.
Jammer vir die lang treurmare, maar hoop dit verduidelik my gesels stilte op die forum.
Oom Len Baie sterkte met…
Oom Len
Baie sterkte met die nuwe hoofstuk van julle lewe.
Die lewe loop soms 'n snaakse draai met jou, en al wat jy kan doen is om aan te pas. Vandag 'n week terug het ek 'n pragtige vrou gehad en eergister het ek begrawe.
Ek glo dit sal goed verloop met oom en die tannie.
Jaques
Die speelveld....
...is effe ongelyk. Die gedagte van die huis het vlietend deur my kop getrek, maar Brits se huispryse vergelyk maar swak met Brackenfell/Durbanville pryse.
Ek moet darem iets in reserwe hou om vleis te koop, en jaarliks Kruger toe te sleep.
