Media24 se koerante en tydskrifte op jou tablet

Len, my Tablet het ook nie ń sim kaart nie, en tel die huis se wifi op, selfde met laptop, sonder simkaart.

Jy weet seker hoe om onder die "settings" by "available networks" te konnekteer , met die tablet. Vat net die password saam vir die Vodacom .

Jy kan ook met jou foon ñ mobile hotspot maak en daar inlogg.

Len jou laptop sal ook die netwerk se web blaaie kan op tel (lees makliker as tablet), die tablet sal ook, mits dit op jou wifi gekoppel is.

Ek is nou-al so gewoond daaraan om my koerante op die selfoon te lees dat ek glad nie meer die papierweergawe mis nie. Ralie mis dit slegs om een rede - sy't die ou koerante in en onder Stoffel se hok gebruik.

Soggens gaan maak ek koffie, neem hare in die bed en ek kom sit in die sitkamer. Ons drink ons koffie en lees beide rustig koerant. Dieselfde as ons met vakansie is. Ons selfoonkontrakte sluit genoegsame data in om dit tydens vakansies te doen. Ek lees selfs my koerante wanneer ek by my kinders in Roemenië kuier - dan danksy my kinders WiFi.

Ek het grootgeword met Die Burger wat soggens afgelewer is en het self daarmee voortgegaan tot etlike jare gelede. My intekening vir aflewering het aansienlik meer as die maandelikse koste van Netwerk24 beloop, maar dan het jy toegang tot laasgenoemde ook gehad. So waarom sou ek toe aansienlik meer betaal as ek slegs op Netwerk24 inteken. Toe ek probleme begin ervaar met my laaste luigat afleweraar wat nie meer die koerant in sy doelgeplaasde houer kom plaas nie (maar sommer enige plek in my tuin neersmyt), het ek aflewering gestaak. Ek het nooit die Rapport gekoop/gelees nie. Maar noudat ek dit ook as deel van my Netwerk24-pakket ontvang, saam met Weg, Wegry & Sleep, Huisgenoot, Sarie en nog meer, is ek 'n gereelde Rapport-leser.

Ek ontvang ook Vrye Weekblad en ons plaaslike koerantjie (Overstrand Herald) per internet.

Ek het eers die Transvaler (‘n middag koerant) en later die Beeld (oggend koerant) afgelewer vir sakgeld toe ek op skool was. Dit het my ‘n volle R1 per intekenaar in die sak gebring om elke oggend vroeg op te staan en in die donker met my fiets van huis tot huis te ry. Woensdag was die Huisgids bylae ook by, en was die sak koerante ekstra dik en swaar. As ons die dag moes toets skryf het ek soms met my notaboek op die handvatsels gery in ‘n poging om iets in my kop te kry wat ek die vorige middag nagelaat het. 
 

Ek is nie ingeteken op Media24 nie, en wanneer ek met vakansie is bly ek weg van die nuus af. Dis my tyd om my kop skoon te maak, so ek dink nie aan werk of aan al die nonsens wat in die wêreld aangaan nie. 

As ons met vakansie is, is nuus lees nie deel van ons program nie.

Indien ons in Grompie is met nuustyd, sal ons daarna luister. 

Ons het die jaar vir 1ste keer 'n radio gekoop om saam te neem. Nou kan ons ook in aand na iets soos nuus, die weer of musiek luister.

Nuus word so wyd versprei op sosiale media dat ek nie koerante lees nie. Ek geniet nogals Maroelamedia se insette

Kan iemand wat afgetree is "met vakansie gaan"? As afgetredende is mens mos heeltyd "met vakansie", of hoe?

...ai my vriend, die afgetredene is voltyds besig met niksdoen soos kompleks admin, tuinwerk en los huiswerkies. 

As ons met vakansie gaan, dan is ek voltyds besig met ontspan, penne inslaan [kap?] en ander lekkerder niksdoen aktiwiteite. 

Ek is ook 'n Netwerk24 intekenaar en die Beeld word Saterdae by my afgelewer. Ek sal dit ook nou moet verander as ons Kaaptoe trek. My vrou lees ook baie die tydskrifte op haar foon. Ek doen dit weer op my rekenaar.

Om nie te veel slegte nuus te lees nie is nie sleg nie. Ek bedoel nie mens moet jou kop in die sand druk en maak asof die Kaap Hollands is nie. Maar veral terwyl mens met vakansie is, moet mens eerder fokus op die mooi dinge soos die natuur waarin jy jou bevind saam met die mense vir wie jy lief is. Ek probeer niemand voorskryf nie, dis maar net my mening. Lees my inset asb in daardie lig. 
 

Vakansies gaan verby, en dan moet mens weer die werklikheid in die gesig staar. Maar om vir ‘n week of twee drie daarvan te ontsnap kan mens net goed doen. Dit waarop mens fokus bepaal jou gemoedstoestand en jou uitkyk op die lewe. As mens al die slegte nuus oor ons land en die wêreld elke dag moet lees/luister gaan jy ‘n taamlike grou beeld van die werklikheid met jou saamdra. As jy egter op die positiewe en mooi fokus gee dit jou hoop om voort te gaan. 
 

So was ons bv in 2021 toe die land aan die brand was met Zuma se kort verblyf in die tronk in die Kruger wildtuin. Ek is gelukkig glad nie op Facebook nie en lees/luister nie nuus terwyl ek met vakansie is nie. Ek het dus grootliks daardie gemors gemis en die natuur geniet. 

...ons was ook met die Zuma kaskenades in die KrugerNP. Ek moes egter tydens daardie periode huistoe kom, en was nogal bekommerd oor die beskikbaarheid van brandstof.

Soos ek sê, ek sal nuus luister as ek naby 'n radio is, maar andersins hou ek my soos Len besig, met poleer van woonwa-neus, die wiele, reguit kap van penne, was van bakkie. 

Het ook Media 24 op laptop, en lees omtrent nooit nie. Luister nuus as ek in skuur werk, anders is die ou man totaal onbewus van wat aangaan.  Tv gebruik ons ook net om Britbox te kyk, dalk 2 keer per maand. Soos gesê word...., Ignorance is bliss.  

Ek stem 100% met jou inset, wou net niks sê nie want dit kon maklik verkeerd op gesom word. Ek het mos die manier om 'n ding verkeerd te stel, anders as wat volgende persoon lees.

By die huis lees ek Maroela Media en die bietjie nuus wat op google se tuisblad op kom, radio en TV werk nie vir my nie (kan nie elektroniese klanke mooi uit maak nie).

Len, gaan geniet jul KNP toer, vergeet van wat gesê word en doen wat jy van nou.

Gepraat van die Transvaler, en was verslaaf aan daai koerant, het dit ook elke oggend af gelwer gekry.

Toe dit gestaak is, het ek die Beeld probeer, maar helaas, dit wou net nie "dieselfde lees" nie.

My ouers het myle gery om die destydse Sondag Stem te bekom en later die Raport, maar selfs dit het my nooit werklik "gevat" nie.

Op facebook kom op my feed die afgelope 3 weke berigte op van media24...veral vanaf Rapport. Ek kan nie dink dat mense nog betaal om daai oningeligte gemors sensasie te lees nie (gebasseer op aflope 3 weke se news feeds) Ek sal hul liewer  betaal dat hul gemors glad nie by my opkom nie. #Rapportmustfall

...geniet ek om te lees op Netwerk 24. 

Dan lees ek ook die Weg en Wegsleep tydskrifte.