KOFFIE ASB!

Kry ek vanoggend 'n video van die liedjie waarvan Freda praat. Baie oulik

Heerlike lente

Koffie loop soos stroop julle moet naweek geniet en die wat kamp geniet en die wat braai die naweek gooi kole

Spring is hier, dis amper naweek en môre is Wijan 8.

Amper vergeet ek my beker koffie en om môre te sê.

Goeie môre almal, hoop julle het 'n aangename lentedag vandag.  Lieflike dag vandag hier in die Kaap.

Willem, Wijan verjaar dus saam met Hendrik Verwoerd  -  die enigste rede hoekom ek dit onthou is omdat ek in Hendrik Verwoerd Hoërskool in Pretoria was en dit ook die skool se verjaarsdag was.

Ek het nou nie 'n seuntjie wat 8 jaar oud is nie, maar ek het darem 'n kleinseuntjie met amper dieselfde naam, Wian, wat verlede week ook 8 jaar oud geword het !  Foto asseblief van hierdie mannetjie. Willem, jy mag maar spog !

More almal.   Ek hoop jul koffie en tee smaak ekstra lekker op hierdie lente oggend.  Hier by ons lyk dit beslis na lente daar buite.   

Wat is dit wat lentedag so spesiaal maak?   Vir my is dit nie die besef dat winter verby is nie, want ek is eintlik meer 'n winter as somer mens.   Ek neem met 'n tikkie hartseer afskeid van die winter.   Maar lentedag beteken daar is meer kleur en meer lewe rondom ons.  Dit bly maar net 'n dag van blydskap en dankbaarheid.

Mag daar vir almal op die forum nog baie lentedae beskore wees.   Geniet julle dag.

Baie geluk, Wilsur, met jou grootman se 8ste verjaarsdag more.   Len, ook met jou Wian s'n verlede week.   Twee van my 3 kleinkinders, wat NZ toe getrek het, verjaar binne die volgende week.  Marli is 11 op die 4de en Juan is ook 8 op die 8ste.   Hul heel eerste verjaarsdae wat Ouma hulle nie self 'n drukkie kan gee nie.    

More almal.  

Hier by ons het die lente voor middernag kom kop uitsteek.

Kort voor middernag slaan die blitse en die weer grom vir ’n vale. En ja daar het seker so 50mm reën geval.

 ( Die druppels so 50mm uitmekaar)

Geluk met Wijan se 8 verjaarsdag het gister aand 2 mm gereen in Secunda

Goeie more.

Het nou n lekker beker koffie met beskuit geniet. Vanoggend so n ou koue windjie hier in Centurion.

Willem, geluk met die knapie se verjaarsdag. n Hele 8 jaar oud. Geniet die dag saam met hom.

More Dusty.   Nou maak jy my ook lus vir beskuit maar het nie in die huis nie, sal maar 'n broodjie moet maak.

Ek hoop almal het 'n aangename Saterdag en 'n heerlike naweek.  Ons het geen planne vir die naweek nie en niemand kom kuier nie.   So, Oupa en Ouma sit maar op die stoep.

More almal.  Geniet die naweek.   Freda julle moet nou net nie pere eet nie

Ja, die koolbredie en bonesop is ook van die spyskaart afgehaal vir die naweek.

More almal

More daar die koffie loop sooos stroop geniet julle dag

Goeie naand almal !

Dis winderig (wind wat buite waai en nie ander winde nie) vandag hier by ons en Maandag voorspel hulle 33º !  My swembadkombers is darem oorgetrek om verdamping te voorkom.

My karre se wiele is gewas met Vrydag se bondel wasgoed se spoelwater en lyk onder die omstandighede weer spoggerig  -  ons mag mos nie karre met munisipale water was nie.

Gelukkig het ek hulp gehad :-

More Anton en die res. 

Het vanoggend koffie en beskuit sommer in die bed gehad. Sien die voorspelling voorspel n lekker dag.

Geniet die dag