KOFFIE ASB!

Goeie more almal,

Tee is gemaak en so ook die koffie.

Wind waai darem nie vanoggend te erg nie. Gistermiddag se winf was baie erg gewees.

Freda, is bly dat julle reen gekry het. Nou moet net julle damme ook weer vol word.

Geniet die week breker

More Dusty en al die ander.   Ek is vanoggend weer vroeg uit die kooi.  Gisteraand het dit so lekker gereën en dit was omtrent koud, toe is ons vroeg bed toe.  Ek het twee bladsye van my boek gelees, toe slaap ek.  

Ek sien gisteraand op die nuus daar was erge stofstorms in Johannesburg.   Alles is so opgebou daar, kom die stof van die mynhope af?   Ten minste, met die Baai se berugte wind, kry ons vars lug as hy van die see af kom.

Geniet julle dag.  Dis Woensdag, wie gaan braai?

Goeie more.

Gaan nou eers vir my tee maak. Die koffie masjien is aan die gang, besig om te prut. 

Voel vanoggend dat die weer aan die draai is. Moontlik weer nog 'n skelm koue?

Lekker dag vir elkeen

My tee is klaar gedrink en ek is al besig met koffie.   More mense, ek hoop julle het 'n lekker slapie agter die rug en vol lewe vir die nuwe dag.   

Dit het so rukkie terug weer hier by ons begin reën.   Ek twyfel of dit lank sal aanhou.   'n Ander broer van my en sy vrou kom vandag by ons kuier.  Ons gaan 'n vuur binne maak om te braai.  Ons pensioenarisse kuier maar in die dag, saans bly ons eerder weg van die strate af.

Lekke dag vir almal hierdie Nescafe classic loop soos stroop vandag

Goeie more op hierdie Vrydag.

Sit reeds en tee drink. Koffie ook aan die gang. Nog 5 minute dan is dit ook gereed.

Het vanoggoggend weer alleen gery. Kollega het 'n oogspesialis afspraak.

Wil vanmiddag vroeg ry om pyp te kry by NFM vir pote vir my extra rally. Plek maak reeds 14:00 toe op Vrydae.

Lekker dag vir elkeen en geniet die naweek

Dis nou twintig voor agt en behalwe ek en Voortrekker is daar net twee ander ouens hier aangeteken.

Die geselsery wil maar net nie van die grond af kom nie  -  nie eers die GraceGate-storie of die Plaasaanvalle storie trek aandag nie.  G'n mens wil mos net in die wind praat sonder reaksie nie  -  mors ons nie Anton en ander se tyd nie ?

Dus van my kant af, net Môre ! en nie Goeie Môre nie want die môre is nie goed as niemand, of dan bitter min, op 'n vriendelike groet wil teruggroet nie.

Hierdie koppie koffie draai ek op vandag aan my jongste Marlize dis haar laaste skool dag eksamen vakansie end eksamen Dankie Vader vir al ons blessings julle almal moet n awesome dag he

Goeie more vrienne, mag julle die koffie geniet op die lieflike Vrydag oggend.

Die wie gaan kamp, of net op die pad gaan, wees veilig en geniet elke oomblik.

Ek sal maar die "goeie" bysit, hopende dit is 'n goeie more vir almal en dat dit ook 'n goeie dag gaan wees.   Ek het wasmasjien gelaai vanoggend en eers dingetjies in die kombuis gedoen.  Maar hier is ek nou, met 'n lekker koppie koffie.

Ai, ou Len, jy probeer so hard om die mense te motiveer om te gesels.   Dit is niemand se skuld dat dit nie gebeur nie.  Hier is 'n dosyn of wat mense wat hard probeer, maar almal sal ook nie op al die drade kommentaar lewer nie.  Dus kry mens maar soms powere reaksie op 'n draad wat jy begin het en dan voel jy maar redelik afgehaal daaroor.

Ons kan seker praat tot ons blou is in die gesig, maar sal nie verstaan hoekom tientalle mense aansluit by 'n forum as hul nie belangstel om daarby betrokke te raak nie.   Ons moet onthou Kampforum staan nog in sy babaskoene en dit neem seker jare om te groei tot waar die aktiewe lede groot nommers bereik.   Selfs by CP kom en gaan die aktiewe lede.  Mense wat baie aktief was, het net verdwyn.   Op een gegewe tyd is daar eintlik nie veel meer as so 20 - 25 lede wat gereeld kommentaar lewer nie.  En hul het 'n paar duisend geregistreerde lede.

Wel, daar was 'n draad op CP wat bietjie vol hitte was en ek sien  dit is verwyder.  'n Ander draad n.a.v. die draad is deur iemand geopen.  En op die tweede draad is daar 'n steek, wat ek vermoed vir my bedoel is.   Kyk, as jy op so dubbelsinnige manier iets wil sê en dit nie reguit kan doen nie, dan lag ek net daaroor.  

Ek wag in spanning vir 'n paar van ons "regulars" wat stil en besig geraak het met ander dinge, om 'n terugkeer te maak.    Hierdie is 'n baie oulike forum, vriendelike mense en geen dwarstrekkery.    Ons moet maar uithou en aanhou.

Môre sê, hoop julle het 'n wonderlike dag en naweek.

Ja dit is waar, almal praat nie altyd saam op die Forum op al die drade nie.  Soms is dit te ver van die hart soms seker te naby ?

Len julle kamp nou al lank en wyd, hoekom het jy nog nie 'n plek opgesit op die "Raai die Kamp plek" nie ?

Dit was altyd my handskrif.

Want die atwoord sal te maklik wees, of Kruger Wildtuin of Hartenbos !

Môre almal. 

More julle die koffie loop vanoggend my oudste kleinkind kom oorslaap by oupa/ouma daar vra hy toe wat gaan met die bulle hulle verloor dan nie

Ek hoop almal het 'n heerlike Saterdag.   Hier by ons is die lug blou en dit is nie juis koud nie. 

Vanaand takel die Bokke die Pumas anderkant die water.   Dit gaan nie maklik wees nie.  Ek hou maar duimvas.

Ek sien die son wil-wil deur breek hier in die Moot maar redelik bewolk en koud.

Ek voel beter vanôre want daar is al 5 groete-boodskappe op die forum, maar ongelukkig net 5 aanlyn op die oomblik.  Voor iemand dit sê, ek weet dit is Saterdag vandag !

In elkgeval, Goeie môre almal, ek hoop julle dag is bestrooi met rose vandag.