Prins Albert & Gamkaskloof (Die Hel)

Môre Chris B

Afgesien van die ooreet aan al die lekker Karoo-disse, beny ek julle wat daai wêreld van onse Neef Herman gaan platry.

Jy gaan seker sommer kortpad vat van Prins Albert af, deur die Swartbergpas na Die Hel toe.

As jy dit met 'n Ford Escourt kon doen, sal ou Grompie sekerlik oor daar kan gaan spore los. 

Ek sien uit na jou verslag oor die lekker verkenning.

Ons gaan Desember Oudtshoorn toe en wil dan ook by Die Hel gaan inloer. Ons het n plekkie daar onder bespreek, maar nie kampeer nie. Ons gaan ons karavaan by Oudtshoorn in die karavaanpark los vir daai aand. As ons terug ry moet ons miskien ook gaan loer hoe lyk dit by Prins Albert en n paar van daai Karoo tjoppies gaan oplaai waarvan jy nou praat....klink lekker

Môre Chris.

Ons is so week gelede hier oor die berg noorde toe. Van my huis is dit 50 km tot in Prins Albert, so ek sny seker n 100km draai uit sou ek op teerpad hou  Oudtshoorn, de Rust en dan Prins Albert.

Die pad is paar plekke vreeslik verspoel, nog na die laaste Weskaap vloede, en ek was verbaas dat dit nie gesluit was nie. Sommige plekke gevaarlik. Hoe die pad lyk af in die kloof, seker ook n paar growwe stukke.

Ons het so half uur langer as normaal gery. Laat vir die kloof besoek so paar ekstra uur of twee toe vir veiligheid.

Môre Herman en ander belangstellendes

Ek het al videos op You Tube gesien waar boswaens deur Swartbergpas getoets/gesleep was.

Wat is jou mening, is dit doenbaar met 'n smal ligte boswa agter 'n 2x4 trokkie? Wat is die grootste probleem, steil op en af, kort draaie of is die pad hoofsaaklik smal. 

Volgens daai videos het die pad vir my eintlik baie ry/sleepbaar gelyk. 

My broer het nou gaan aftree in Prins Albert. Sy huis is amper klaar gebou. Ons was so 6 maande terug daar en toe het hy nog in die karavaanpark gebly om die bouwerk te bestuur. Ons het vir hull gaan kuier en het vandaar oor die Wartbergpas terug gery George toe. Ons was seker so 1 km van die kruin af toe ons 'n bakkie met 'n Exlusive karavaan voor ons sien. Gelykkig het ons hulle nie aan die begin van die pas gekry nie. Toe die man bo is toe trek hy af. Ons het ook by hulle stil gehou want on kon nie glo wat ons sien nie. Hy was wit in die gesig. Hy het nie geweet die pas is so moeilik nie en sommer 'n kans gevat. Hoe hy weer aan die ander kant, Oudtshoorn se kant gevaar het weet ek nie want aan daardie kant van die pas was die pad nat en glad. 

....ek maar dit nie doen nie. Netnou raas Chris B met my. Gelukkig het Grompie 'n sensor, sirene en "lock brakes", alles in een pakket genaamd Marie. 

Net soos Chris sê Wessel. Dit word verbied om presies die redes wat jy noem. Lang dele is basiese grondpad, maar daar is gedeeltes waar mens regtig een, een by mekaar verbyskuur. En dan moet die man wat afgaan aftrek. Opkomende verkeer kry voorrrang, die bordjies dui so aan.

Die pad het ek beslis meer as n duisend keer gery, en die stories te vertel wat toeriste aanvang is baie. Onder anders het ek uitlanders gekry waar die vrou bestuur. Aan die verkeerde kant van die pad op jou afgekruie kom, sonder om jou raak te sien. Die angs op die spierwit gesig is werklik. Dan beweeg jy maar in enige rigting om uit die pad te kom. 

Tydgewys is dit dieselfde vanaf Prins Albert tot in Oudtshoorn oor die pas of De Rust om. 

My gunsteling stop- plek is by droë waterval, vanaf Prins Albert kant gekom. Op die oomblik is daar n stroompie wat soos n sluier lyk. Meestal net n druppie. Jy stop daar, doodse stilte, net bye en voëltjies en bekyk die stuk pas wat hier voor jou soos n slang die berg op kronkel met die handgepakte klip keermure.

Ek sal nooit moeg raak vir die pas nie. 

plan maak soos Geert. Die wa êrens los, en die pas gaan ry.

Servaas: Wat is jou indruk van woonwapark in Prins Albert??

Dis nogal 'n nadeel van Meiringspoort, die verkeer en trokke. Ek het verlede jaar gestop vir eet en koffie in die poort, want daar het reeds 'n woonwa gestaan. Die jaar het ek dit nie gedoen nie, raak ook maar skrikkerig as ek vreemde voertuie sien. Die stilhouplekke is eintlik baie netjies uitgelê. Het nie die toilette besoek nie.

Wessel, ons het heel lekker gestaan by Bushman Valley net voor jy Prins Albert binnekom van Oudtshoorn se kant af.

Pasop vir Oliewenhof se muskiete !!!! Het  al daar in n huisie oorgeslaap, sonder muskietgaas, nie geweet van die muskietbevolking nie. Ek was amper siek gebyt, nare ondervinding.

Ek moet vra, wat doen mens vir n paar dae daar? Vir my is dit n treurige plek. Vroeg oggend is die straatjies stowwerig en leeg. Na 9 sien jy so paar verdwaalde siele rondloop en kyk die hoofstraat deur. Na 3 in die middag brand die son almal onder die skaduwee in. Die Suid Oos steek op op, en als word omhul in n stofwolk. My gevoel  van die plek. Het heel paar projekte daar gaan raadgee, en selfs n huis daar besit vir n jaar of wat.

WEessel. Die kamp wat ek van weet in die dorp is op 'n olyf plaas. Dit was baie netjies daar. Ablusie was oud maar word skoon gehou. My broer het seker so 6 maande daar gebly en dit was hom heel aangenaam. Wat ek wel opgelet het oor die vakansietye was dat lankstaners die kus oorde verlaat en dan daar gaan staan totdat pryse weer aan die kus bekostigbaar raak.

Ek stem met jou saam. Die mense wat ek mee gedeel het wat daar bly, my broer ingesluit, sê egter hulle bly baie lekker. Lekker mense en redelike sosiale kuier so tussen die lot. Hulle moet ook seker maar so sê. Ek sal maar weer met hom praat oor so jaar of drie oor sy gevoelens dan.

Prins Albert is pragtige Karoo dorpie. Die  argitektuur en goeie toeriste attraksies vir n kort besoek stem ek heelhartig saam Ek geniet die Saterdag markie baie, en het paar goeie vriende daar.  Moet die van die lekker kaas vergeet nie Chris. En die wynplasie binne die hoofstraat. Jy is reg, ek is bevooroordeeld, eintlik n goeie bestemming.