Wildehont se nuwe ou Ranger

Ek hoor jou Wessel, die gespande seiltjie lyk netjies maar ek is teen die gate. 
Ek stem saam met Oom Neef. Ek kan stroke wrap opsit om die verf te beskerm. Die bakkie se neus en voorkant het reeds daarvan op. Ek is gewoond aan die rekke van my vorige Ranger af en dit het vir baie jare op alle bakkies so gewerk. 
Die Tusk kappie na koerier en opsit kos dieselfde as die Ramkappie en dit lyk dieselfde, net ‘n ander naam. 

Oom Len, daar is nog ‘n klein kans dat ek ‘n kappie sal opsit. My vriend in die tweedehandse motor bedryf kon nie die week by Ramkappie uitkom om te hoor hoeveel hulle hom sal vra as hy vir my ‘n kappie laat opsit deur hulle besigheid nie. As dit in die lae R20k is sal ek dit oorweeg. Intussen geniet ek dit om weer ‘n bakkie te hê waarop ek goed kan laai. Ek het gister vir die kinders elkeen ‘n lessenaar gekoop by Game, en die twee dose het netjies agterop die bak gepas. 

Ek begin dit oorweeg om self ‘n kappie aanmekaar te slaan. Dis maklik om alles te koop wat mens benodig, dit kos net tyd. Ek werk nie van 22- 26 Desember nie. Die uitdaging sal net wees om alles aan te skaf wat nodig is voor 16 Desember, want daarna kan dit sukkel. Ek vermoed ek kan vir helfte van die prys ‘n kappie bou, maar ek moet eers nog bietjie sit en pryse kry van materiaal nadat ek afmetings gevat het. 

As dit nie kant en klaar is voor ons Dwarswegstrand toe gaan nie ry ons met die Prado. Ek wil nie ‘n tydelike oplossing hê nie, ek wil die bakkie ordentlik inrig. Dit sal ‘n lekker projek wees, en dis nie nodig vir sweis nie. Connect-it het swaardiens koppelstukke wat SABS getoets is en sommer alles mooi haaks sal hou sonder klampe. Dis ook baie vinniger as sweis. Gaan kyk gerus na hulle webwerf. 

Ek het die webwerf gekry van ‘n verskaffer wat vensters, gaslifts, slotte, dakrakke en al die nodige hegstukke voorsien aan kappie vervaardigers. Ek gaan by hulle kwotasies aanvra vir die res van die materiaal. Die vervaardigers kry natuurlik afslag, maar die materiaal gaan my steeds ordes minder kos as om ‘n kappie te koop. 

Ek hoor wat Oom Neef sê, en ek weet dit is waar. Dis eintlik maar die lus vir ‘n projek wat my gisteraand laat soek het op Google na selfdoen opsies. Hier is ‘n artikel wat ‘n ou wat sy eie gebou het geskryf het met foto’s. Hy het nie werklik so baie gespaar nie (dit het hom sowat twee derdes gekos van wat ‘n kommersiële produk sou gekos het). 
 

Ek gaan ‘n ander projekkie kry vir die paar dae wat ek nie werk nie en nie weggaan nie. Ek oorweeg dit om ‘n raam te bou waarin ek my sonpanele gaan monteer tussen toere sodat hulle die huis se omsetter kan voer en ons ‘n paar Mandelas kan spaar op elektrisiteit. 

Hier is ‘n maatskappy wat laser en plasma snyers en ‘n CNC buigmasjien het. As ek ‘n tekening vir hulle gee (ek kan CAD gebruik) dan sal hulle vir my al die materiaal kan sny en buig presies soos ek dit wil hê. Ek hou nie van die aluminium tread plate as materiaal vir ‘n kappie nie, want dis te blink. As mens vlekvrye staal plaat gebruik en dit laat powder coat na die tyd kan dit baie netjies uitkom. 
 

Met die laser en plasma sny werk sal al die nodige gate en snitte 100% akkuraat wees en sal bv slotte en venster rame perfek pas. Dan is dit net ‘n kwessie van aanmekaar sit en sal die finale produk netjies lyk. Ek sal graag wil weet hoeveel goedkoper dit sal uitwerk as ‘n gekoopte kappie, maar ek het eintlik nie tyd om deur die hele oefening te gaan nie.
 

As ek nou geweet het dat dit bv helfte soveel gaan kos as om een te koop, sou ek tyd gemaak het daarvoor. Maar die premie wat mens gaan betaal omdat jy nie in grootmaat materiaal koop nie, plus die koste van die sny- en buigwerk gaan waarskynlik daartoe lei dat die besparing nie só groot gaan wees nie. En dan sit mens met ‘n produk wat nie ge-engineer is nie en dalk kan faal as jy Kgalagadi se paaie tref tussen skrape. 

Afgesien van die tyd faktor (party van ons werk nog en het kinders in die huis), en die feit dat mens waarskynlik nie soveel goedkoper gaan uitkom met self bou nie is daar ander risikos. Daar is ‘n leerkurwe en potensiële duur foute. Soos ek vroeër genoem het sit mens dan ook met ‘n stuk raaiwerk, nie ‘n ingenieurs ontwerp nie. Met ‘n bakkie se vering op erge sinkplaat gaan so kappie aan kwaai stress onderwerp word. 
 

Ek is nie seker dat al die kappies op die mark wel ingenieursontwerpe is nie. Dis eintlik potensieel gevaarlik. As jy enige staalstruktuur bou - selfs ‘n afdak - moet ‘n ingenieur dit afteken. Ek wonder of dit die geval is met aftermarket produkte soos kappies, staal buffers en dakrakke.
 

Ten minste kom al die kappies waarop ek kwotasies gekry het (al die make wat ek kon opspoor) met ten minste ‘n jaar waarborg. Dit sal darem nie snaaks wees as mens R30k betaal vir ‘n kappie en die ding kraak, lek water of suig stof in nie. 
 

Ek het gisteraand na ‘n YouTube video van ‘n Bushtec kappie gekyk, en ek moet sê dit lyk na ‘n ordentlike produk. Dis vrek stewig en slim ontwerp so bykomstighede kan maklik bygevoeg word. Die basiese model kos egter amper R38k vir my Ranger, en dan het dit nie ‘n dakrak nie.
 

Omdat ons waarskynlik nie ‘n lang toer gaan aanpak sonder die Kavango nie, is die ander bykomstighede in die kappie/bak nie nodig nie. Ek sal wel graag ‘n dakrak wil hê, omdat hout laai altyd ‘n uitdaging is. Met ‘n bakkie waarskynlik minder so as met bv die Prado, maar soms wil mens sommer 10 sakke hout laai, en dit vat baie plek en kan mors. 
 

Ek sien vanoggend ‘n kappie wat van checkered plate gemaak is maar nie so blink nie. Mens kry natuurlik daarvan wat geborsel is en nie so erg blink nie. Bushtec maak ook daarvan wat gekleur is. Die gladde plaat wat powder coat op het lyk net vir my mooier, en gaan beter pas by my Ranger se kleur. Dit gaan egter baie warm word in die kappie, en ons gaan die Engel agter op die bak laai. Die tweede battery ook. Bushtec het insulasie as ‘n opsie. Mens kan seker ‘n ander kappie ook self insuleer sonder om te veel gewig by te voeg. 
 

Daardie BT50 se kappie lyk nie sleg nie, maar mens gaan sukkel om self iets te maak wat so mooi afgerond is soos die kommersiële produkte. 

Dit lyk ook na ‘n netjiese kappie. Nadat ek die kant vensters, interne liggies, insulasie en dakrak bygesit het trek dit egter by R37780 en dan sal daar nog koerier koste bykom. 
 

Ek wil nie nie die ou wat moontlik vir my afslag kan kry irriteer nie. Almal hardloop maar rond die tyd van die jaar en kom nie by alles uit nie. Die kappie sal waarskynlik maar moet wag tot volgende jaar. Ek kla egter nie te veel nie want ek gaan moet skuld maak daarvoor, en die Prado is slaggereed. Ek het vanoggend daarmee gery omdat die tuin ingenieur besig is om goed wat ek wil weg ry op die bakkie te laai, en dit bly maar ‘n plesier om mee te ry.