One Drive Memories

... snoek het gewoonlik eers in die later deel om Kaappunt ooswaarts beweeg, maar beslis nie meer nie. Vroegwinter is steeds vangtyd langs die Weskus, alhoewel ook heelwat minder as vroeër jare. Daar word gespekuleer dat klimaatsverandering, wat hoër see-temperature meebring, waarskynlik 'n rol daarin speel. Ons kry langs die Kaapse kus nou sommige spesies (alhoewel raar, maar tóg) vissoorte wat eens net langs die Natalse kus voorgekom het.

Twee jaar gelede - die laaste keer wat ek saam met my seun by Hentiesbaai gaan hengel het - was die tradisionele yskoue water waarin jy beswaarlik jou groottoon wou druk, so warm dat jy lus gekry het om te swem.

Dinge het verander en verander steeds. Ons snoektande is behoorlik getrek hier in Kleinmond - alhoewel ek nog altyd die Weskus se snoek verkies het. Laasgenoemde was nog altyd vetter as dié hier by ons. En 'n vis moet vet wees om lekker te proe.

... wat ek vandag vanaf One Drive ontvang het.

In Augustus 2020 word ons toe mos "vrygelaat" na 'n paar maande in die Covid-tronk. Ons het besluit dat ons dit moet vier met 'n kort toertjie na plekke hier naby ons. Op 15 Augustus vat ons toe die N2 in 'n oostelike rigting en slaap vir die eerste aand oor in een van die Bontebokpark se uitstekende chalets. Ons het voorheen al verskeie kere daar gekamp, maar het dit nog altyd in gedagte gehad om hulle vaste akkommodasie te beproef. Ek kan dit met vrymoedigheid aanbeveel. Op pad daarnatoe was dit volblomtyd van die Canola-lande. Watter gesig!

Ek het by vorige geleenthede gesien dat Chalet No 7 die beste uitsig oor die Breederivier bied. 'n Oproep vooraf na die park se ontvangs, het verseker dat ons No 7 kry vir die aand.

Ons uitsig oor die rivier:

Ons chalet:

Ons was skaars daar of 'n paar bontbokke het kom dagsê:

Die akkomodasie van binne:

Ek weet nie of van my ander forummaters die destydse Vaalbos Nasionale Park besoek het nie. Ek het die voorreg gehad om twee keer daar besoek af te lê en in hulle nostalgiese huisies te bly. Die park is gedeproklameer nadat eise teen die grond deur diamantdelwers ingestel is. Omdat dit gebruik was as park waar skaarser wildsoorte geteel is, het die deproklamasie aanleiding gegee tot die vestiging van die huidige Mokala Nasionale Park.

Omdat dit só 'n pragtige park was, was ek destyds nogals redelik ontsteld dat hierdie juweel deur delwers omgedolwe moet word. Hier is 'n foto, waaraan One Drive my vandag herinner, van die mooi ou huisies (een van slegs drie) wat daar was. Die ligte was danksy solarpanele en die yskas, stoof en warmwater was afhanklik van gas. Saans was dit pikdonker buite met slegs die naggeluide van o.a. jakkalse. Dit was 'n idilliese bestemming.

... plaas ek sommer weer 'n paar foto's waaraan One Drive Memories my gister herinner het. Dit is almal op 19 November in die onderskeie jare geneem. Ek verwag nie kommentaar nie en kyk maar daarna net as jy sou wou.

2005 - Een van ons eerste kuiers in die Bontebokpark. Dit was nog voordat die nuwe ablusies gebou was - die ou ablusies was net agter ons karavaan.

Destyds, soos vandag nog, kom die bontbokke gereeld in die kamp kuier. Dit bly maar vir my een van ons mooiste (kleurvolste) boksoorte.

2011 - 'n Ouma is soms maar verplig om haar lyf nog jonk te hou as die kleinkinders kom kuier en besig gehou moet word.

2013 - Mokala Nas Park. Ek het nog net by twee geleenthede hase in die wildtuin (ruskampe uitgesluit) gesien en een keer in Karoo Nas Park. Hierdie was die enigste keer wat ek twee hase saam gesien het. Ons het in Mosu Lodge, met sy uitstekende akkommodasie, gebly.

2018 - Ons was met 'n werkstrip op pad Oos-Vrystaat toe en het in 'n Lekkeslaap selfsorgplek (Be Blessed) in Richmond oorgebly. Ek was verras met die pragtige tuin wat hierdie mense in die Karoo onderhou het.

2020 - Ek was weer met 'n werkstrip op pad noorde toe. Soos baie ander kere kon ek nie die versoeking weerstaan om 'n paar dae weg te breek wildtuin toe nie. Ons het hierdie keer in onderskeidelik Letaba, Shingwedzi en Bateleur oorgebly. Hier volg 'n paar foto's van 19 Nov 2020.

Ons eet nie baie in die wildtuin se restaurante nie, maar is tog lief om 'n lekker "brunch" by Mopani se restaurant te geniet. Nie net is hulle kos en diens goed nie, maar jy geniet 'n pragtige uitsig oor die Pionierdam.

Dit was ons enigste keer in Bateleur. Synde ons in afslagtyd daar was (40% af) kon ons dit bybring om in hierdie andersins duurderige bosveldkampie oor te bly vir 3 aande. Dit is 'n mooi ou kampie met 'n besonderse lekker atmosfeer. Maar ai, die eekhorings se wangedrag is 'n kopseer. Hulle het deur die dak gekom en in die tweede slaapkamer, waar ons kruideniers gestoor was, elke liewe "long life" melkboks stukkend gevreet.

Vir julle ouens met die sonpanele is daar ander faktore wat ook in gedagte gehou moet word. Maar No 29 was vir my 'n lekker staanplek in Tsendze. So ook No 26 (my persoonlike gunsteling). No 13, waar ek die eerste keer gestaan het, is 'n lekker skaduryke plek (vir die warmer dae) en is seker juis vir daardie rede gewild (ek kon dit nog nooit weer kry nie. Maar dit sal sekerlik nie deug vir solarpanele nie.

Dalk moet ek maar eenkeer Motswedi kampeerterrein in Mokala met my tent aandurf. My ou waentjie sal dit nie tot daar maak nie. Ek het al daar gaan inloer - en dit lyk baie bakgat.