November 2018 Koffiekroeg

Môre sê Kampforum.

Was gisteraand by Tinus in Wilgers.  Daar het dit gereën maar niks hier by die huis nie.

Sterkte almal.

Genuet jou dag in vrede.

More willem.

Tinus? Nie dalk Tinus Lombaard?

Nee dit is Tinus Redelinghuys wat ingeboude kaste maak, van Pta. Noord.

Sterkte daar vir hom Willem, ons dra hom op in ons gebede.

Goeie more almal. Baie dankbaar vir die reen afgelope 3 dae 44mm reen gemeet. Witbank se krag is nog steeds af van gisteraand 7 uur af en was Sondag hele dag ook af. Gooi 800KVA generator elke 8 ure 1000L diesel.

Baie sterkte vir die met die siekte en dra hul met gebede asook vir Harry met kragonderbrekings. 

Lekker dag vir almal 

Hallo Noel.   Dit is goed om weer van jou te hoor.  Dit is lekker reën wat julle gekry het 

Nou raak dit tyd om te begin dink aan Kersfees kos.  Ek het nou by my slagter 'n gaar Gammon en 3 plaashoenders gaan bestel vir Kersfees.  Die een hoender wil ons vir die vrou gee waar ons karavaan onder haar afdak staan.   Dit is al wat ek hierdie jaar koop.  Ons gaan by Colin se kinders, saam met nog van hul familie, Kersfeesdag deurbring en al wat ek moet maak is die Trifle.   Ons is vasberade om hierdie jaar 'n ekonomiese Kersfees te hê en nie geld onnodig uit te gee nie.

Ek ook Antie, sal vir die graai sorg by my karavaan by die Eiland.  Niks en geen familie om te impres nie.

Goeie môre !

Hier by ons ook koelerig met 'n halwe milimeter reëntjie wat geval het.  Dis nie nou ons reëntyd nie, maar so 'n lekker bui sou heerlik gewees het.

Ja Freda, oor 'n maand is ons vlakvoor Kersdag en vir my is dit altyd wonderlik dat soveel mense probeer om saam met familie en vriende dié dag deur te bring. 'n Mens moet sulke bymekaarkomste koester en nie verwaarloos nie.  Ongelukkig is dit ook 'n dag vir vergete eensames om verder te vereensaam.

'n Baie mooi gebaar Hennie !

Hennie, dit is inderdaad 'n mooi gebaar, en ek glo jou kinders en familie ondersteun julle ten volle in die saak.

Sulke vriende is min gesaai👍

Baie mooi gebaar Hennie, ja elke mens soek so vriend beslis.

Hennie, sulke vriende is maar yl gesaai. Ek het ook so 'n vriend gehad. Het mekaar deur dik en dun by gestaan. Hy was so 10 jaar gelede gediagnoseer met 'n brein tumer. Hy is so 9 jaar gelede al weg. Sy weduwee bly nog steeds langs ons. Ons was vriende vir 20 jaar voor hy weg is. Baie dae mis ek hom nog steeds.

My pos gister, die 19de :-

Ag asseblief !

Dankie.

Middag almal.  Nou eers gou n kans gekry om gou te kom nloer.

Deon, hoe gaan dit nou met jou gesondheid?

My broer, net jonger as ek, het gister 'n ligte beroerte gehad, hy het nie 'n medies nie en my skoonsus moes na die staats hospitaal toe met hom. 

Johann baie sterkte vir jou broer.  Dit vat baie lank om weer reg te kom.

Dankie vir die belangstelling.   My regterkant voel nog steeds geen tempratuur nie en is ook maar nog so n bietjie kui ( nie dat ek dit agterkom nie. Ek is mos maar van natuure lui).  Ek het ook besluit om nie nou die nek ding te doen nie.  die dr. reken pynpille is minder gevaarlik as die opperasie in my geval. 

Gebruik maar nog steeds die tee en die help baie of dalk worry ek nie as ek dit gedrink het nie 

Mooi dag vir almal.  Ek sal maar weer kom loer as en n kans kry.

My regterkant voel nog steeds geen tempratuur nie en is ook maar nog so n bietjie kui 

Dan het jy nie meer 'n braai tang nodig om die vleis om te draai nie? 

Len, ek verstaan glad nie jou inskrywing hier bo nie???