Watter boskaravaan koop ek?

Hallo Rabiel en baie welkom by kampforum!    Ek glo die mense hier sal gou inspring en advies gee 

Rabiel, welkom op Kampforum.

Ek self het nie 'n boswa/boskaravaan nie, maar drie van ons kampvriende het elk 'n Bushlapa, 'n Rooimier, 'n Boskriek en 'n Baobab.  Die vriende met die Baobab het hulle Vlooi gou-gou ingeruil omdat hulle dit te beknop gevind het, veral wanneer jy by jou bestemming in slegte weer opdaag  -  daar is feitlik geen beweegruimte binne nie.

Aldrie is in vervoering met hulle Bushlapas, veral die puik afwerking en naverkoopdiens van die fabriek in die Paarl. (Ons bly almal in die Weskaap).

Sterkte met julle besluit.

Leon, baie welkom op kampforum.co.za, hoop jy kry die nodige inligting

Jy kan ons gerus van jou fotos wys wat jy van jul kampe geneem het, ek verstaan jy is 'n fotograaf👍

Welkom Rabiel

Soek julle ‘n twee-slaper? Ek het die jaar alle dinge ondersoek en glo ek het die goeie behou deur vir my ‘n Echo Kavango te koop, maar ek het ‘n vier-slaper gesoek. 
Wessels (sy forumnaam) het ook een, maar ‘n baie nuwer een as ek (myne is ‘n 2008 model maar daar is niks fout daarmee, behalwe die A-raam vir die spaarwiel agter wat ek besig is om te verstewig) en hulle is net twee wat daarin slaap so hy kan in daardie opsig kommentaar lewer. 
Die Imagine Comfortvan lyk ook vir my oulik en is aansienlik ligter as die Kavango maar hulle is baie skaars 2de hands. Jy het nie gesê of jy nuut wil koop nie. Dis vir my heeltemal te duur en waarom ek ‘n ou model moes koop. 

Welkom op die forum hier is n paar waens wat ek self van nader ingeklim het Afrispoor Serval en Cheetah , Bushlapa Boab ,Gecko , Bushwaka Sundowner sterkte met jou besluit

Môre Rabiel

Wat 'n lekker tydjie wag op julle--- die soek, oorweeg en dan besluit is soveel lekkerder as die finale koop. Laasgenoemde klap mens se beursie hard.

Ek het omtrent al wat bekostigbaar is oorweeg en gaan aanpas. Einde ten laaste 'n gebruikte Kavango gekoop. Ons is net 2 persone en vind die Kavango gerieflik klein. Stort/toilet stoot uit na buite en wanneer ons net vir 1 nag oorslaap, stoot ons dit nie eers uit nie. Agterste gedeelte word meestal as eethoek gebruik, veral as weer slegs is.

 Terloops daar is 'n forumlid wat syne wil verkoop. Kontak gerus Pierre via die forum.

Jou wenslys kan effe verwarrend wees---Kompak, maar met billike pakplek, en plek vir lugreeling.  My Kavango het lugreeling wat nie baie plek in beslag neem nie. Moet net nie dit bo-op die dak monteer nie, dit maak dak swaar en beperk jou hoogte vir bêre in garage.

Dit klink of jy welbekend is met die Echo produkte, maar jy noem nie die Chobe wa nie. Dan is daar natuurlik ook die Jurgens produkte, Explorer en Escape. Eersgenoemde effe groot en swaar en laasgenoemde was net te beknop na my smaak.

Deel jou vrae, op die forum gaan jy baie opinies kry, maar onthou die keuse is jou beterhelfte s'n.

Groete

Hello Rabiel

Ek is so meegevoer met jou soekery dat ek skoon vergeet van die nuwe produk op die mark.

Bundu trailors in Schoemansville, by die Hartbeespoortdam het 'n nuwe boswa ---die Bundu-X. Ek het daarna gaan kyk en is baie beindruk, veral met die prys, ongeveer R300 000 vir splinternuwe. 

Dalk die moeite werd om uit te ry en te gaan kyk. Hulle is regs van die hoofpad as jy van Jasmyn-padstal ry in rigting van Schoemansville.

Groete

Sterkte, ek weet presies hoe jy voel, Daar is so baie boskaravane op die mark dat dit eintlik onmoontlik is om te kies. Hulle het almal een ding in gemeen Hulle is almal beknop binne, en almal weeg  swaar 1ton+. As jy ruimte soek is daar een Mobilodge. Hy is egter baie duur en baie swaar. Ek was in dieselfde boot as jy, ek het iets gesoek wat lig is en wat spasie het binne. Ongelukkig kry jy nie 'n Offroader met die eienskappe nie. Dis hoekom ek my eie gebou het. So lyk my vloerplan. Dit slaan op in 10 min en jy het net 1 ankerpenne as jy toer, en 4 penne as jy 3 dae en langer wil staan. Hy weeg net 700kg as hy gelaai is. 

Stem saam Tora baie nice waens oppie mark maar swaar en van hulle be knop binne daai boswa van jou Tora is n wenner

Ek dink die Imagine Comfortvan is net 850kg en kom in 2 of 4 slaper uit. Die 4 slaper het ‘n ekstra tent wat oopslaan/uitskuif wat die 2 slaper nie het nie. Hulle het ook ‘n Trailvan wat bietjie kleiner is. 

Dalk is daar 'n kampwa bouer wat die wa op die mark kan sit. My nuwe konsep kan gebou word vir R50000 en die koper kan dan bysit wat hy wil. 

Dalk is daar 'n kampwa bouer 

Hierdie ouens bou baie netjiese kampwaens en bou volgens kliente se behoeftes: 

Kliek:   Custom Camper Canopies & Trailers

Daar was 'n forum lid by die Sionberg saamtrek wat uitstekende produkte gebou het, ek kan net nie onthou wie dit was nie? 

Johann, ek dink dit was Louw's campers of so-iets

Stoffel, hulle het bo by die kaffee aan die linker ksnt fsn die pad gestaan.  Maar jy is reg, Louw Camper vans was ook daar, hulle het naby aan Nico (Ski) en ons gestaan.