Nou wat sê jy van die plaaslike verkiesing ?

Môre Len

My kommentaar as volg;

1] ek adverteer geen pary nie, nie eers op my kruiwa nie

2] die arme Dr PC se kopdoek was sekerlik te styf om sy kop gewees. Ek sukkel om met die man te identifiseer, mag seker nie op voorkoms oordeel nie.

3] ek verkwalik hom omdat hy in 'n plek soos Potch nie gaan stem het nie. Die hele Noord Wes se munisipaliteite laat veel te wnse oor.

4] Ek dink hy vereenselwig homself met 'n paar partye, maar omdat hy verbonde is aan 'n universiteit en in die publieke oog, en gereeld op TV verskyn, wil hy dit nie so bekend maak nie. 

5] op hierdie stadium is 'n geen-stem, of 'n bedorwe stem nie 'n opsie nie, daar is net te veel op die spel. 

.... kommentaar gelewer op Netwerk24 t.o.v. die berig oor Piet Croucamp. Ek deel jou sienswyse 100% Len. Ek luister ook graag na hom op die radio. Maar ek was teleurgesteld in hom toe ek gisteraand die berig lees.

Ek vertrou ons goeie blou stadsraad sal die pyp hier by ons ook rook. Ek lees hoeka dat ons Overstrand Munisipaliteit, saam met Agulhas Munisipaliteit tans die twee bestes in Suid-Afrika is.

Inderwaarheid is dit jammer dat politiek in plaaslike owerhede ingebring is. Ek weet dit was nog altyd so in stedelike gebiede, maar nie in ons kleiner plattelandse areas nie. Ekself was in die vroeë 90's self op Grabouw se stadsraad - en politiek het geen rol gespeel nie. Dit het bloot daaroor gegaan om vir jou gemeenskap 'n diens te lewer. Daardie tyd het ons 'n maandelikse honorarium van R80 ontvang. Deesdae is dit 'n beroep.

Ek het nie gister gaan stem nie.   Maar dit was nie moetswillig nie -  alhoewel ek ook nie 95-100% met een party identifiseer nie.    Ek het gisteroggend verby my stemlokaal gery om te kyk hoe dinge daar lyk en of ek sommer vinning kon stop en my deel gaan doem, maar die ry was baie lank met mense wat in die son vir seker 'n uur en half moes tou staan.   Ek moes toe apteek toe om dringend medisyne daar te kry en toe huis toe.    Ek en vroulief moet apart gaan want ek gaan nie met my 5 en 6 jarige in die lang tou staan vir 2 ure nie.  Vroulief het toe 4 pm gery en staan toe vir 2 ure in die ry en wag voordat sy haar merkie kon maak.   Toe sy terugkom was ek bitter bly en kon ek toe ry -   met my fiets om te gaan oefen en het so 7pm  in half donker by die huis aangekom -  dit was goed gewees want ek het myself bietjie gedruk en het toe ook my persoonlike gemiddelde spoed vir die betrokke roete verbeter.  Daarna 'n lekker warm stort en toe aandete en toe was dit 8pm en ek het moeg gevoel na die harde trap -  en toe het ek glad nie gestem nie.    

Ons het die naweek heerlik gekamp in Weesgerus, tuisgekom en so 6 uur gaan stem, in en uit binne 10 minute.

As jy jou kop in die grond druk gaan die leeus jou aan die gat hap. Om te sê om nie te stem nie stuur ‘n sterk boodskap is belaglik. Wat sal gebeur as ons almal so redeneer? Dan gaan stem net die politici en die wat die meeste gesinslede kan saamsleep om vir hulle te stem neem daarna besluite oor wat met ons belasting geld gebeur. Mense soos Piet moet maar eerder emigreer as hulle nie wil deelneem aan die demokratiese prosesse nie. 
 

Ek het geregistreer vir ‘n spesiale stem en dit het my Saterdagoggend 5 minute gevat om te gaan stem. Maar al moes ek gister in die aan en af reën wat ons gehad het gaan wag het vir twaalf ure sou ek dit gedoen het. My grootste belegging is my huis hier in Worcester. As die dorp sy gat sien, dan sien my grootste belegging ook sy gat en moet ek en my gesin steeds daarin en in die dorp woon. Dit sal dus waansinnig en onnosel van my wees om nie te gaan stem nie. 
 

My opinie : Die plaaslike verkiesing se prioriteit-doelwit is dienslewering wat deur die munisipaliteit aan my woongebied gelewer word onder leiding van die betrokke raadslid, ongeag aan watter politieke party hy behoort.

Len, ek stem volkome saam met ou stelling. 

2] die arme Dr PC se kopdoek was sekerlik te styf om sy kop gewees. Ek sukkel om met die man te identifiseer, mag seker nie op voorkoms oordeel nie.

Wessel, ek kon nog nooit vat kry aan dié "kopdoek ou" nie, destyds was hy van KykNet afgehaal oor politieke stellings as ek reg onthou.

Ek is geensins 'n kenner van politiek nie want ek luister nie na hulle voorbrande nie, maar ...
Ja, ek verstaan ook nie hoe kan mense sê/besluit om nie te gaan stem nie en dan om die braai is dit gewoonlik die een wat die meeste te sê het as politiek tersprake kom. 

Reken as jy besluit om nie te stem nie verbeur jy ook die reg om te kla oor wat die wen party agterna aanvang?

PC nog 'n gereelde gas op KykNet se  Verslag-program .

Ja, ek weet en gesien hy is weer terug.  Ja "he calls a spade a spade" maar dit maak nie dat ek van hom hou nie. 

Reken as jy besluit om nie te stem nie verbeur jy ook die reg om te kla oor wat die wen party agterna aanvang?

Stem.

Reeds voorheen gesê het nie veel ooghare vir die DA nie maar het gestem om ander partye uit te hou. Kon vir twee verkiesings nie stem nie omdat ek dood verklaar was en het nou my reg om te stem uit geoefen.

Sien dat DA se gewildheid taamlik getaan het maar hoe dan anders as hulle nie eers met mekaar kan klaarkom nie. 

Dink tannie Zille doen hulle baie skade aan.

Môre vriende

Dit wil blyk dat die Oos Kaap alweer "en mass" vir die geel truie gestem het. Ek hoop dat iemand vir hulle die boodskap kan oordra;

Kry vir julle, moet nou nie een skool, munisipaliteit eiendom ens brand nie. Moet ook nie kla en strate versper nie, julle het gevra daarvoor.

O ja, dieselfde geld vir Dr PC met kopdoek, sonder stem ook!!

dieselfde geld vir Dr PC met kopdoek, sonder stem ook!!

😂👍

Wat die nie-stem storie betref,  is dit interessant dat dit  deesdae'n redelike prominente gesprek vorm wat nie soos in die verlede noodwendig as apatiese optrede gesien word nie.

As jy bewustelik besluit om nie jou stemreg te gebruik nie, laat jy jou lot oor aan die noodlot. Dit is nie net apaties nie, dis onnosel.
 

Oortuig my van watter voordeel dit vir jou inhou om nie te stem nie. Asseblief.  

... ek deel jou standpunt 100%.

Het my deel gedoen as jy nie gestem het nie so party mense wat ek ken moenie kla nie jou stem maak n verskil

Nog 'n 100% stem van my.

Ons het nou ook ‘n hung council. Die plaaslike DA het op hulle louere gerus na twee termyne aan bewind, en het baie steun verloor hier. Uit 41 setels het hulle net 19 gekry, en kort dus twee vir ‘n meerderheid. Ek neem aan hulle sal vir die VF ‘n onder-burgemeester pos aanbied om hulle twee setels in ‘n koalisie te kry ten einde aan bewind te wees. 

Môre DA landers??

Ek is bekommerd dat dit die geval mag wees orals. Julle moet nie die magte van die duisternid onderskat nie.