Springbokke

Ons het nou weer gekyk na die skouerloop van Farrell op Esterhuizen aan die einde van die wedstryd.   Dit was so onwettig!!  Mens kan nie glo dat die skeidsregter die eindfluitjie geblaas het, ipv 'n strafskop gee nie.  As Pollard dan kon oorskop, het ons gewen.

Julle ken my....   Ek moet maar iets sê oor die Bokke vs Frankryk vanaand.  Die Bokke het regtig 'n goeie span en as hul net nie so baie onnodige foute maak nie, kan hulle wen.  Hopelik is Malcolm Marx weer op vorm vanaand.  Sekerlik kan hy nie verlede week se swak spel herhaal nie.  Ek is baie bly Faf de Klerk is weer daar vanaand.   Kom ons hou maar styf duim vas vir hulle.

Ons gaan maar 'n lekker groot vuur maak om bietjie later eers te braai.  Sodoende die aand bietjie rek om op en wakker te bly tot 10 uur en dan nog die hele wedstryd te kan kyk.   Sal dan eers rondom middernag in die bed kom.  Bietjie van 'n moeilike opdrag vir die Antie, maar as die Bokke my kan wakker hou, sal ek dit maak.

Bokke het 29=26 gewen, Voories.   Die wenpunte in die laaste oomblikke van die wedstryd gekry.  Hulle het maar weer teleurgestel.  Ek sê eerder niks!