November saampraat

Mense mense, ek eis as ek moet dink my jongste kleinkind is nou amper 6 maande en ek wil nie die fooie sien nie.  Ek kry die ouers jammer.

Ek kan nie glo R15 000 fooie nie.  Jislaaik dis rof.

Op n ander nood van kamp in skool tye begin nou vir my sin maak.  Chris B, my swaer wat jy ontmoet het in Kruger kamp November en Feb vir n maand in onrus.  Die kamp is vol en dit kos maar R3000 vir n maand.  

Dit sal my laaste kamp oor Desember in Onrus wees.  Ek gaan eers vir n paar keer by my dogter in Strandfontein kamp oor Desember.  Dan is ek reg vir die kampe in skool tyd.

Mooi week verder.

Gepraat van kinders en kostes. Ons oudste kleindogter het vandag gr 12 klaar geskryf. Volgende jaar by Kovsies ingeskryf. Gelukkig bly die ander oupa daar, en sy deel ñ woonstel op hulle werf met ñ ander meisie student. So die is gecover. Maar wat die klasgelde, boeke, sakgeld, etc,etc deesdae gaan wees, laat my gril.

Op ñ stadium was altwee ons dogters by Kovsies vir ń periode van 4 jaar gelyktydig. Ai my vader.... dit was bitter rof. 

....wat gaan sy studeer??? Hopenlik iets wat 'n goeie ROI inhou. 

ROI= return on investment vir ons wat nie rekenkundig en finansiële bestuur elke dag besig nie. 

My kinders het reguit gesê, hulle gaan nie wetenskappe studeer nie, hulle wil nie so arm as hulle pa uitdraai nie

Wessel is korrek. Die pragtige berge wat Worcester omring sny ons af van die oseaan se matigende uitwerking op klimaat. Hier beleef ons uiterstes. Vandag was dit 41° sonder ‘n bries maar ek kla nie. Ons hitte is 95% van die tyd droeë hitte.
 

Dit is ‘n bietjie vroeg in die somer om so warm te wees maar hopelik kan ek Maandag weer swem nadat die sjirurg die steke en krammetjies uitgehaal het. Ons swembadwater is wel tans 30°, maar dit voel koel as dit so warm is buite. 

Ek ken jou pyyyyynnn.  Ek het vir 34 jaar ook 2 op Stellenbosch gehad.

Dit was rof, maar ons is daar deur.  totdat die 2 mos besluit het om in dieselfde jaar te trou.  Weereens deur genade daar deur.

Ek en ma het gemoan oor die wond.  Toe wys spikes ons n ding gister.

Sterkte vir die manne wat daar warm kry.  My dogter op Van Rhynsdorp het gedraai laag in 40's.

Mooi dag.

Sterkte Chris S met stapels.

hoe bedoel jy nou----34 jaar, 2 kinders op Stellenbosch!!!!

Dit moes verskriklike kursusse gewees het, of jou kinders hakkel.  

 Nou lekker vir Wessel se streke gelag. Ek dink wat Goeie Hout bedoel is wat baie waar is. Die eerste dertig jaar van kinders grootmaak is die ergste. Sodra hulle klaar geleer het, bly hulle ongelukkig vir nog ń tyd lank in jou sak. Dit is woonstelle en beter rygoed en nog sakgeld ook om die karige begin salarisse aan te vul. My geval was dit so, dalk nie by almal nie.

Kleindogter gaan B Com law studeer Wessel. Maatskappy wet etc.

Sodra hulle klaar geleer het, bly hulle ongelukkig vir nog ń tyd lank in jou sak. Dit is woonstelle en beter rygoed en nog sakgeld ook om die karige begin salarisse aan te vul

As dit by ons die geval is sal ek maar die huis moet verkoop en in die Kavango gaan bly. My ouers het ons egter nie so gehelp nie. Ek moes my ma se Mazda323 by my pa koop op skuld (met rente) toe ek begin werk het. Ek moes ook huur betaal aan my ouers toe ek klaar geswot het. My eerste blyplek uit die huis uit was ‘n “tuinwoonstel” (eintlik ‘n enkelmotorhuis wat omskep is) in iemand se erf in Triomf. Ek het self die huur betaal, en die laaste week van die maand spaghetti met pakkies pastasous (die poeier soort wat met water aangemaak word) geëet. My ma het darem die eerste ruk my klere gewas naweke en ek het daar geëet ook naweke. 

....is om met sy eie hande te werk, sal altyd kos op die tafel hê. 

Sulke ambagsmanne met 'n besigheidsin, vaar meestal finansieel baie beter as ons ouens met grade wat vir die staat gewerk het.

Ek het verneem dat daar tans veral 'n groot aanvraag na meulmakers is, of dan "millwrights". 

Daar was die storie van die brein chirurg in wie se huis 'n pyp gebars het. Hy kry toe 'n loodgieter om die nodige herstelwerk te doen. Toe die ou klaar is gee hy sy rekening aan die chirurg. Die ou kry amper 'n beroerte van skok toe hy sien hoeveel hy moet betaal. Toe hy sy misnoeë aan die loodgieter te kenne gee reken die toe mos: "Ek weet presies hoe jy voel Dok, toe ek 'n chirurg was het ek dieselfde gevoel", "het toe maar 'n loodgieter ambag gaan doen"

Wessel, ek wonder oor die millwright aanvraag ding. Dis iets wat sy oorsrpong in die destydse Yskor gehad het. Hierdie mense het meestal hulle ambag in die staalbedryf be-oefen. Dis juis die bedryf wat op die oomblik met rasse skrede agteruitgaan. Die Mittal werke in Newcastle is besig om te sluit, so ook die Vereeniging aanleg, Saldanha is al lank toe, en en en..

Dit moet 3 to 4 jaar gewees het.

Dog my spelling het verbeter.

My wereld.  Ek moes ook huur betaal Chris S.  Het al vergeet van dit.  Wat my ma toe gedoen het was om n gedeelte van die geld by UNITED BUILDING SOCIETY n spaar rekening te open in my naam.  Die dag toe ek trou toe gee sy dit vir my.  Wonderlike ouers.

Wys jou net.

.... met verwysing na " 3 to 4 jaar" aanvaar ek jou wiskunde en rekenkundige vermoë is veel sterker as jou spelling

Moenie bekommer, ek weet jy tik vinnig by die werk

Ek moes ook huur betaal 

As ek reg onthou moes jy dit doen as jy mondig word (voorheen 21) en ‘n werk het. Die manier wat my ouers my grootgemaak het, het my ‘n verantwoordelikheidsin gegee (iets waaroor ek soms spyt is ).

My pa het my ook geleer om vir niks behalwe ‘n motorkar of ‘n huis skuld te maak nie. As ek nie nou grootliks skuldvry was nie sou ek nie kon bekostig om geld weg te dit vir ons kinders vir na skool nie. Of dit nou studies, ‘n ambag of ‘n besigheid begin gaan wees. Hulle sal darem ‘n paar Mandela’s hê om te help daarmee. 

Baie dankie dat julle by ons omstandighede aangepas het met die kuier en veral vir die miergif. 

Dit was weereens lekker om saam te kuier en ons het dit baie geniet. Ons lag nou nog oor daardie Kuger petalje met die broek. 

My ou swaer se altyd.  Jy betaal die krag, so sit die dam pot op krag.  Hy het so n klein plaaikie van CLICKS wat hy sy poikie op maak.  Dan maak hy van kakkk  praat hout  n vuur sodat dit atmosfeer skep....

Neef Herman, geen 34 spelfoute......