Toer plan ( nog rof Baie rof)

Oranje/ Garieprivier deel 1

Hier is die plan......  ( Rof kort nog baie werk)

Dag 1 Ry tot by Zastron en slaap daar oor.  ( Mountain View woonwapark is net die regte plek daarvoor) Ons het al daar oorgeslaap en dit was ’n baie aangename plek.  Daar is ook CHALETS beskikbaar.  Vir ons hier vanaf Meyerton is dit so ongeveer  550km op die agterpaaie langs.

Dag 2  Ry na die punt waar die Senqu rivier uit Lesotho kom en die Gariep rivier word, so 40 km vanaf Zastron. Is nog nie heeltemal seker of daar ’n pad is tot by die punt nie maar kan wel tot redelik naby kom met die pad. Van daar ry ons na Aliwal-Noord so naby as moontlik aan die rivier, Dit is nie altyd moontlik opreg by die rivier te ry nie.  Gedeelte van die pad is grondpad en ek het geen aanduiding van die pad toestand nie.

Op Aliwal-Noord wil ek graag die  Anglo Boere oorlog Blokhuis besoek en ook graag foto’s neem van die Hertzog brug waar ons dan terug sal ry vanuit die Oos-Kaap na die Vrystaat.  Dan tot by Bethulie waar daar ’n lekker kampplek is waar ons kan oorstaan vir die nag. Afstand ongeveer  200km vir die dag.

Dag 3  Ry oor die 2de langste brug in SA die Hennie Steyn Brug, dit is ook ’n treinbrug, tot by Norvals Pont. Dan terug en draai dan op die R701 verby die Gariep damwal tot by Orania. Kamp hier vir die nag. Wou nog altyd gaan loer het hoë die plek lyk.  Afstand vir die dag is ongeveer  177 km.

Dag 4 Orania tot by Witsand oor Hopetown  en Douglas, waar die vaal rivier en die Gariep saamvloei, dan oor Griekwastad  na Witsand om die brulsand te gaan kyk. Kamp  in die Witsand natuurreservaat. Afstand vir die dag ongeveer 450 km

Dag 5  Ry terug Huis toe. So ongeveer  718km.

Hierdie is net ’n rowe plan en sal nog aangepas word.  Het nog nie al die POI’s ingesit wat ek graag wil gaan besoek nie.  Dit is ook moontlik dat die afstande kleiner gemaak sal word en ’n dag of wat bygevoeg sal word om meer tyd toe te laat vir die besoeke aan POI’s.

Die plan is dat wanneer ons dan volgende jaar die Namakwa Eko roete gaan doen tot by Alexander baai ons die hele Gariep rivier lang gery het en ’n gedeelte daarvan geroei het.

die ander opsie is om na die KNP toe te gaan vir ’n paar dae en diere te gaan kyk........  ( wil dit ook graag weer gaan doen maar was darem al daar.

Ek is nog besig met die beplanning so hierdie is nog maar ’n baie rou roete en plan. Daar is ook nog nie eers datums nie...... 

As daar iemand is wat meer inligting kan gee oor die omgewing, die wat is waar’s ens. sal dit baie welko wees.