Red Sands en Augrabies

Hallo Wessel.   As ek nou my mening hier gaan moet gee met btrekking tot die 2 bogenoemde plekke dan gaan ek net snert praat.   Ek gaan maar op jou staatmaak om vir my verslag te kom lewer nadat julle daar was.   Sterkte met die beplanning en ek hoop jy gaan hope insette en mening kry.  

PS.  Hoe lyk jylle beplanning vir Asvoëlkrans  14 - 17 Junie 2019? 

Sterkte met daai beplanning as jy jou oe uitvee haak jy en vertrek was ook nog nooit daar nie hopelik sal iemand jou meer raad kan gee ook op 4X4 Community forum is daar baie drade oor Kalaghadi geniet die beplanning 

Red Sands is 'n aangename park - veral as jy vooraf een van die staanplekke met eie ablusie bespreek. Alhoewel ek 'n groot voorliefde vir Sanparke het, is Augrabies (wat kampering aanbetref) een van die swakkeres. My ervaring van die ablusies (2 jaar gelede) was nie goed nie. En die blou-ape en bobbejane was amper erger as wat ons tans hier in Punda Maria ondervind. Maar as jy nog nie voorheen by Augrabies was nie, behoort jy dit beslis 'n deel van jou reisplan te maak. Die valle en ravyn bly maar mooi.

.... die fasiliteite by Augrabies is darem nie só sleg nie. Maar Oranjerus klink ook na 'n goeie opsie. Nog net goeie dinge van Oranjerus gehoor. En om alles by Augrabies te sien, het jy inderwaarheid nie meer as 'n dag nodig nie.

Wessels, Red Sands is baie oulik om oor te slaap.  Ons het ook in Augrabies oorgeslaap en dit nie te sleg gevind nie, want ons wou eintlik na die valle en omliggende gebiede in die park kyk.  Ons sal moet terug gaan want ons het laat middag daar aangekom en weer vroeg die volgende oggend Riemvasmaak toe vertrek.  Dit was nie vir my genoeg tyd nie, want ek kon nie die res van die park per voertuig verken het nie.  Die ape/bobbejane was 'n pes, maar hou net alles toe.  Ek stem saam met jou, sal eerder my eie badkamer opslaan, maar as jy net vir een nag gaan, sal dit nie 'n te groot probleem wees nie.