Verskynsels in die natuur...

... is ook die plek waar ek dit die enigste keer gesien het - sogenaamde "jumping beans".

Die springende saadjies het groot vermaak verskaf toe ons jonger was. Ongelukkig is daar nie tambotie in die noorde van die Krugerwildtuin waar ons heengaan nie.
 

Die verspreiding van swartrenosters kom terloops ooreen met waar tambotie voorkom. Hulle word nie geraak deur die giftige melk van die boom nie. Waar hulle daaraan gevreet het sny hulle die takkies op ‘n kenmerkende skuins manier af. 
 

Mense is egter nie bestand teen die giftige melk nie. Selfs braai op die hout of inasem van die rook van ‘n tambotie vuur kan ernstige maagwerkings veroorsaak. 

Nog nooit gesien nie, maar al gehoor van die saadjies wat so hop. Hoe op aarde kan die wurmpie, of wat ook al binne die saadjie sit , dit die lug laat inspring?

Is dit dalk die "bone sop" effek waar interne druk skielik en onwillekeurig ontsnap? 

Laat ek die week se waarneming van vertel.

Elke laat middag sit ek en Giep  op ń bankie by ń visdamnetjie hier voor ons huisie. Die muise wat daar 3 families van om die dammetjie woon, sit al op hulle stukkies " strand" en wag dat ek hondepilletjies vir hulle gooi.  Krappe lê ook en wag, hulle geniet die hondepille net so baie, en natuurlik die magdom  Vleikurpertjies.

In een hoek van die dammetjie is ń hele klomp klippe wat daar gesit is vir wegkruipplek, die visvangers geniet die kurpers baie. Nou die klippe is ook ń gunsteling plek vir die Skerneus paddas wat in die dam woon. Hulle sit en wag vir insekte wat seker kom water kry, en vang hulle dan.

Eergister sit dieselfde twee paddas weer roerloos op hulle poste. Die een so bietjie hoër as die ander en staar so bo-oor die ander een wat hier onder hom sit so 300mm weg. Die een sit weer op sy beurt reguit en kyk vir die padda op die " troon". Albei roerloos stil.

Soos my geluk dit wil hê, kyk ek in hulle rigting net toe die padda wat laer sit die ander een bo van sy verhewe troon afduik dat hy daar trek, en vat die sitplek oor.

Kon nie anders as om lekker te lag nie.

 Lekker vertelling                                        dankie Herman.         

Sit ons ook elke middag nadat die son agter die bome in is en uit die oë die voeltjies en  dophou vanaf ons stoep.  Die geskasrrel vir die laaste water drink en party nog bad ook inkry. 

Lekker bioskoop en verniet. 

....dit was nie dalk effe rowwe voorspel vir die "padda wou gaan opsit" nie??

Geniet daai paradys, ek het solank julle adres opgegee vir onteiening

Ons het in April, was dit 2006 of 2007, vir twee aande oorgebly in Witsand - nie gekamp nie. Daardie tyd was die kampeerterrein, veral die ablusies, baie netjies.

Ek was vol hoop om die brulsand te ervaar, maar daar't reën net 'n paar dae vantevore geval en die sand was te vogtig om te brul. Maar klaarblyklik is dit 'n belewenis om die gebrullery te ervaar.

Ons het van Olifantshoek se kant af die reservaat benader met 'n pad wat in 'n swak toestand was. Die mooi kampeerterrein is beslis net vir boswaens.

Ons het al daar oorgebly, ek dink in 2012?? Vir ń paar dae in ń huisie. Die grondpad soontoe was so vol sinkplaat dat dit met moeite gery was. Net so rof soos die Kalaghadi N Park se paaie. Die grasdakhuis was enorm groot amper ń Villa, en het lekker gebly. Inwonende  duiker oopmond aangestaar wat wragties ń fisant se kuiken gaps en opvreet! 

Baie lekker staproetes, bome gemerk. Ook saam ń Gids gaan stap wat die Park en sy plante, spore baie interssant vertel het. Eerste vir ons, ń Erdvark helder oordag. Beslis nie ń Groot Vyf bestemming nie. 

Die brulsand duin gaan uitklim, maar het nie die dag gebrul nie. Ek onthou vaagweg iets van warm lug wat tussen die sandkorrels ontsnap waneer dit versteur word, wat die brulgeluid maak?

Die Wit sandduine is pragtig, en op een hoë duin is ń fontein . Blykbaar is die grondwater wat daar opwel die rede dat die sand so wit gewas is/word. 

Rona, die Kameeldorings daar is pragtig.  Die Witgatwortel ?? Of dan Shepards tree, is daar ook van pragtige voorbeelde.

 Onthou nog wat die gids vertel het van die Witgatwortels, vrek dit is ń vreemde naam! Elk geval omrede die bokke altyd onder die bome uit die son skuil, is die grond onder dit beset met Tampans, luise, bosluise etc, en nie ń goeie plek vir ons haarloses om te gaan slaap nie.

Die duine by Witsand is vulletjies vergeleke met Namibia se menere.

Ek en Salomien het Desember 2007 daar kampeer oppad Kgalagadi toe. Ons het lekker gestap, in ‘n skuiling gesit en die brulsand besoek. Ek het foto’s iewers waar ons om die beurt teen die duin afhardloop en spring. Die sand het geluide gemaak, maar ek sal dit nie brul noem nie. As jou voete gly deur die sand voel mens dit vibreer en dit maak ‘n roggel geluid.
 

Ek het die gevoel ook al meermale op strande ervaar, onder andere by Dwarswegstrand. Soms, as mens jou voete so effe sleep deur die sand voel jy so vibrasie. Ek het egter nog nie werklik gehoor dat die sand op strande ‘n geluid maak nie. Dalk raas die see te veel.