Synde daar 'n gedagte geplaas is om 'n gesprekslyn oor braai met 'n Weber te maak, het ek dit goedgedink om hierdie te begin.
Ek weet dat sommige braai-puriste reken dat braai met 'n Weber is nie braai nie. Ek het al by geleentheid die program "Kom ons Braai" op die VIA-kanaal gekyk. En daar het ek al 'n paar uitgesprokenes gehoor indien 'n deelnemer dit sou durf waag om op 'n Weber te braai. Houtvuur is in hulle oë die enigste ware manier van braai. Dan sê ek sommer in my stilligheid: "Gaan skyt man." Of daar's diegene wat hulle uitspreek teenoor die byvoeging van brikette (of houtskool) by 'n houtvuur se kole. Weereens wil ek diesielfde as hierbo in my stilligheid sê.
Die Engelsman sou sê: "There's no two ways about it" dat 'n houtvuur 'n fantastiese atmosfeer skep. En daarteen stry ek glad nie. Maar dat jy op 'n Weber net sulke lekker vleis kan braai, of selfs lekkerder, as op 'n houtvuur se kole, is nie altemit nie.
'n Weber verleen hom tot veelsydige maniere van kosmaak. Maar dit is nie waaroor dit gaan nie. Dit gaan oor braai op 'n Weber. Ek beskik ook oor 'n gewone grootte Weber, maar ek sukkel om dié ding baas te raak om te braai. Omtrent al wanneer ek dit gebruik is wanneer ek meer as een ontbeende heel hoender moet gaarmaak. Maar laasgenoemde is op indirekte hitte. En ek gee toe dat dit nie braai is nie. Maar dat só 'n hoender lekker is as dit op 'n Weber voorberei word, is ook nie altemit nie.
Ek gee myself nie uit as 'n kenner van die gebruik van 'n Smokey Joe (die mini-Weber) nie. Maar oor 23 jaar het ek al 'n paar "tricks" geleer hoe om op hierdie apparaatjie te braai. My eerste Smokey Joe het ek bekom toe ek ingeskryf het vir 'n destydse resep-kompetisie van Coleman mosterd. Dit is 'n storie vir 'n ander dag. Die eerste prys was 'n Weber gasbraaier, maar ek het een van die troospryse gewen, nl die Smokey Joe - wat vir jare in my motorhuis op 'n rak gepak was - want ek het met hout gebraai. Meer spesifiek met rooikrans en sommige kere met Myrtle - laasgenoemde moet nie onderskat word nie. In my Grabouw-jare het ek vragte rooikrans vanaf Stanford en Gansbaai aangery - of in sommige gevalle laat aflaai.
Maar voordat ek my mede-forumiete verveel met hierdie lang inleiding - ek sal op 'n volgende inset of twee 'n bietjie meer inligting verskaf oor my ervaring met 'n Smokey Joe (wat my totaal "bekeer" het daarvan om met 'n houtvuur te braai).
Lekker braai
Daardie ot en kiep lyk heerlik.
Ek het nou nie ‘n Weber nie, maar het self lekker gebraai die afgelope naweek. Ek het my eie hamburger patties begin maak, en het Saterdag ‘n nuwe resep probeer. Dit was nou regtig heerlik. Hier is hulle voor die braai. Ek het nie ‘n na foto geneem nie.
Ons het vir Pierre van Pletzen leer ken toe ons baie jare gelede saam met sy vrou in ‘n skrywerskring was. Hy het my Donderdag laat weet dat hy ‘n boerewors help ontwikkel het vir SPAR, en ek het dit gister probeer. Dis vrek duur, maar regtig nogal lekker. Dis tans net in die Wes-Kaap beskikbaar.
Tuisgemaakte patties
Tuisgemaakte patties bly maar die beste. Ek het al by slaghuis duur betaal vir patties met die hoop dat dit die beste is, maar tuisgemaak wen maar elke keer.
Ja....R180 is aan duur kant vir wors, maar deesdae se wors wat R130 kos is nie altyd meer baie smaaklik nie.
Lekker braai
Chris, my skoonseun maak 1kg gewone mince met 0.5 kg vark mince. Dis nou lekker.
Ek geniet ook om patties te maak.
Ek gaan uitkyk vir oubaas se wors. Nie geweet hy is n kos kenner. Vir ubaas gesien op "Hannes by huis" of so iets waar hy oubaas n onderhoud gevoer het. Baie diep persoon.
Ek maak weer die heerlikste hoender snitzels. Pappie hy is lekker. Eie gemaakte brood krummels ens ens. Op n toer maak ek dit vooruit dan vries jy dit in vakuum verpakte sakkies. Dan braai jy dit net in die plat potjie. Heerlik met n kaas sousie. Heerlik. Ek gebruik net die hoender borste wat aan die been is. Hulle is werklik sappiger as plein borste. As ons lank staan by onrus dan maak ek hom van Scracth af want ek het mos die tyd.
Geert hoe het die spit gekom...
Plein borste....
Ek gaan my bek toehou en vingers van die knoppies af, oor enige kommentaar oor watter borste lekkerder is,
Kyk hoe lekker laat ...
... "smile" ou Wessel my nou. Maar 'n lekker ferm bors is darem maar mooi om na te kyk en binne jou hand te voel. Ek praat natuurlik van 'n hoenderbors.
Lekker man ...
... lekker Geert. My ruimte in die Honda is beperk, maar die Smokey Joe gaan beslis saam Dwarswegstrand toe.
Smokey Joe
Ek het op hierdie mooi 2de handse Smokey Joe op facebook afgekom....sal hom saamneem op langer kampe ipv groot Weber
Ideaal ...
... Geert. Alhoewel my reisende Smokey Joe nog in 'n goeie toestand is, sal ek dalk binnekort moet oorweeg om my huis s'n te vervang. Ek sou ook só een opraap.
Yummy!!
Dit lyk heerlik Geert - soos altyd.
Is dit 'n termometer in die malvapoeding? Indien so, sak my moed bietjie in my skoene - dink nie ek sal 'n kampgebak so gesofistikeerd kan aanpak nie. Ek stel voor jy begin 'n draad waar jy bak en braailesse aanbied
Nou nie 'n Weber nie, maar in my soektog na 'n oond (van 'n aard) wat ek tydens kampering kan saamneem, het ek onthou van 'n Cobb wat ek tien jaar gelede op 'n Sarcda uitstalling in Midrand gekoop het. Ons het dit eenmaal gebruik en besluit dat die steentjie (die "brandhout") wat daarmee saamkom 'n vreemde smaak aan die vleis gee. 'n Paar weke gelede lees ek toe iewers dat mense ook charcoal daarin gebruik en nie uitgepraat kan raak oor al die gebruike nie. Myne is afgestof en die eerste probeerslag was 'n mieliebrood waar nie te veel kan fout gaan nie - heerlik. Daarna het ek ook 'n heel hoender in die Cobb gaargemaak wat 'n groot sukses was. Volgende gaan 'n massiewe waagstuk wees. Lw., waagstuk....ek kon nog nooit eens 'n koek in die beste huisoond bak nie, maar ek wil Tannie Ina (Paarman) se wortelkoek in die Cobb bak
(sonder 'n termometer). Eers moet ek net weer 'n koekpan gaan koop - myne het gietvorms vir sementwerke geword.....
Cobb
Rona. Ek het al menigmale gehoor hoe lekker die kampeerders smul vanuit hul Cobb. Ek het amper destyds een aangeskaf, maar met navraag het die mense vertel dat die enigste nadeel van die Cobb is, is om hom skoon te maak wat klink baie werk is.....en daarvoor is ek allergies. Ek sien daar is heelwat bybehore wat mens kan aanskaf. Dis lekker om so buite op vuur kos gaar te maak. Mens kan basies enigiets wat mens in die oond kan sit, ook op n Weber sit.....gemaklik om 180° c te handhaaf.
Vark en hoender
Gister vark en hoender saam gespit in Weber....heerlik gewees