Die Lapskag se Kaapse tuin roete toer

Willows is baie rustig soos gesê, so 12 staanplekke met privaat ablusie waar ons nou staan, skoon en redelik gelyk. langs die staan plekke is die rondawels en so entjie verder is die ander deel van die karavaan park met n skoon netjiese gesamentlike ablusie blok. Hier is een winkeltjie maar nie met veel in nie. Jy moet maar inry vir groter aankope. Ek sal weer terugkom om rustig vir langer hier te staan. Net gety poel swem plek maar nie swem strand hier nie. Soos die fotos wys is hier baie rotse.

Ons kamp so lekker dat ek skoon vergeet om te groet hier. Donderdag het ons so vinnig verhuis tot in Jeffreys baai. Net geeet en oorgeslaap daar want ons wou eintlik hier inBuffelsbaai kom afpak. Ons is so beindruk met die natuurskoon hier dat ons met niemand anders gesels nie. Nellie is mal oor die plek en het toe sommer besluit dat ons Oudshorn en Kleinplaas op n volgende keer gaan besoek. Ons het sommer die 2 dae ekstra hier gevat. Maar oë wee, gisteraand toe kom maak die wind ons bymekaar tot laat aand toe. Moes toe maar vinnig wind seile opsit en sommer die voorkant ook toe maak. Vandag was die weer mooi tot agtermiddag, so vinnige reen bui wat die temperatuur sommer laat daal hier. Buffels baai is lekker stil en skoon, veilig hier en ablusies is mooi skoon en kleurvol wat dit aantreklik maak om sommer weer te gaan stort. Knysna net oor die 2de bult ssou jy iets nodig kry. Gaan reeds more groente kry vir n lekker hoender pot en potbrood saam met die pot.  Groete eers vir nou tot ons weer gesels, sal more kyk vir n foto of 2 

Goeie môre, gaan kyk of ek fotos kan laai van cellfoon

Goeie môre, Johann ons het nie sleutels gekry nie,  2 blokke is oop vir gebruik. Die dame by die hek maak maar oop en toe.

Gister 'n baie snaakse ding ondervind, dooie gety sê hulle vir my. Met die wind wat weer aan die gang was het dit laagwater gebly gister middag. Ken dit glad nie.

Ander hartseer ding beleef, my buurman van Piketberg se druiwe boere braai met stukke olienhout en ons betaal duur vir so stukkie hout om iets te maak. Waar gaan die mensdom heen vra ek jou. 

Jeffereys baai se fotos

Nog van Buffelsbaai se mooi natuur

Probeer weer

Nog so n paar

Dit bly maar lekker hier in die Kaap. So groet die wind ons op die laaste ook lekker en waai dat die biesies bewe. maar braai het ons gebraai, kruip maar agter die karavaan weg. Ons bure van Piketberg het sy voertuig so in n "L" vorm getrek en toe laat waai ons. Ja Chris die wind was maar moeilik so party dae maar anders eitlik heel skaflik.

Die oggend toe ons daar moet ry is dit n pragtige oop windstil dag. Tot die dolfyne het daar verby geswem om ons te groet. Ons toe maar op die pad na Glentana.

By Glentana aangekom is daar wel n paar lang staan bejaardes wat op ons wag en n paar bleek kolle van langstaaners wat reeds weg is. Die plekkie baie beskut, mooi skoon en netjiese ablusie blokke, maar voel vir ons soos 'n tronk of sommer net 'n ouetehuis park. Heelte mal te stil en net so 'n paar spinnekop vroutjies wat net rond drentel en baie klets. Die boepens omies het nie hemde nie en loop krom soos kieries, lyk of hulle Glentana se sorge rond dra. Gelukkig net 2 aande daar gestaan. O ja en die rondloper katte wat daar is is eintlik 'n pyn en pla maar in die nag.

Nie regtig 'n park vir ons gewees nie. Die restaurant by die hek is oop maar verkoop net op naweke draai roomys, wat 'n teleerstelling.

So ry ons maar verder uit die ouetehuis van oggend oppad Jongensfontein toe. Tannie google gee ons 'n kortpad en ons beland toe op n stuk grond pad. Skoon boos vir die gedoente, ry toe maar stadig want is net 'n paar kilometers. Sal beslis beter huiswerk moet doen om so iets te voorkom. 

Hier aangekom (net voor die kantooer dame met ete gaan), kon ons maar gaan kyk waar ons wil staan en kan later die middag kom sê en betaal vir die 3 nagte. Vat toe staanplek 88, voor in die ry sodat ons darem die see goed kan sien. Na Buffelsbaai is ons mos nie meer bang vir die wind nie. Sommer klaar gereed gemaak daarvoor ook. 

Kon darem lekker vleisie braai sonder om skuiling te soek en kon vir almal om ons kyk terwyl die lekker takie verrig word. Gaan weer lekker slaap met die see wat gesels so in die voorgrond.