Meyer's se droom toer.

Môre Jan

....eers 'n guns vra asb. Sal jy die totale hoogte vir my meet wat bykom weens die dakrak op die kappie. Meet dit sê van die bokant van die gleuf van die kappie.

Ek aanvaar dat jy 'n Rhino dakrak op die Rhino kappie gesit het. Is die dakrak plat bo, of het dit voor/agter en links/regs 'n tipe verhewe deel wat keer dat goed kan afgly?? Ek oorweeg dit om ook 'n dakrak te koop, maar kry dit nie te siene nie.

Julle het op die oog af 'n lekker skadu ryke staanplek gekry, dit lyk sommer net lekker en privaat.

Dis seker nie meer veilig om te stop en na die fort op die tonneltjie te stap nie? 

Dis seker nie meer veilig om te stop en na die fort op die tonneltjie te stap nie? 

Darem sleg dat mens daaroor moet wonder. Oor die algemeen is dit nog redelik veilig langs die R-roetes in die Wes-Kaap maar daar is natuurlik geen waarborge nie. Die R-roetes in die Wes-Kaap word ook baie goed onderhou, en selfs opgegradeer.  

Baie dankie vir die mooi beskrywende fotos.  Ons ken hierdie oord en kamp altyd baie lekker daar.  Hoop mevrou Hitler was darem nie te onvriendelik met julle nie  -  maar dat die oord goed bestuur word is nou maar wors !

Ons was een keer by Badenklub, net Noord van Montagu. Ons het nie enige probleme gehad nie, want ons het by die reëls gehou. Ons vriende wat gereeld daar gaan kampeer sê egter hulle is ook baie streng, en mens word vinnig aangespreek en soms selfs gevra om op te pak as jy enige reëls oortree. 
 

Reëls is reëls en as dit nie toegepas word nie kom die wiele soms af. Soos my ma egter altyd gesê het; enigiets met ‘n “te” aan is nie goed nie. Totale nie-toepassing van reëls beteken daar kon net sowel nie reëls gewees het nie. As mens egter heeltyd dopgehou word en oor die vingers getik word is dit ‘n ander storie.

Ek dink dis ‘n moeilike balans om te handhaaf. My mening is dat mense met inboek pertinent bewus gemaak moet word van die reëls, en dat indien dit nie nagekom word nie daar gevolge mag wees. Die beginsel is dat ignorance of the law nie ‘n verskoning is nie, maar ek dink mense in SA het só gewoond geraak daaraan dat hulle wegkom met oortredings dat dit ‘n kultuur geraak het.
 

As eienaar van ‘n oord (en eiendom) is dit jou volste reg om die reëls te maak wat jy glo nodig is vir die beskerming van jou belegging en die genieting van jou gaste. Maak net seker almal weet wat die reëls en die gevolge vir oortreding daarvan is. Moenie wag tot hulle ‘n reël oortree en hulle dan voor ander gaste kom uittrap of wegjaag nie. 

Baie bly julle kuier lekker  -  ons hou ook baie van hierdie oord.  Ek is ook 'n voorstaander van reëls en die feit dat dit nagekom moet word.  Ek hou daarvan dat dit afgedwing word wanneer kampeerders dit ignoreer. MAAR, vriendelikheid en taktvolle optrede kos niks nie en dit ontbreek soms by bestuur en die personeel  -  net 'n klein aanpassing in hul optrede sal 'n verdere, wonderlike verskil in hierdie oord maak.

Baie dankie Jan vir die mooi foto's wat die hoogtes mooi tegnies een-eenduidig aantoon. dis mos nou lekker, geen verwarring nie.

Ek sal nou kan gaan meet, moet net eers bakkie so parkeer onder die garage deure dat ek nie 'n fout maak nie. ek het ongelukkig 'n deurry garage met deure voor en agter. 

Grompie en Corolla wissel gedurig plekke tussen die staanplekke.

...ek is bly julle hou van daai omgewing. Julle sal oplet, dat tussen Asthon en Bonnievale, weg van rivier af, is dit semi Karoo. Hoe nader mens aan die Breërivier beweeg, hoe groener word die omgewing, en boerdery slaan oor na wingerd en sagte vrugte.

Dalk moet julle op R62 in rigting van Barrydale gaan verken vir padstalletjies. Wat van die Koo pad, die R318?? 

Dis ver van waar julle nou is, maar moet nooit druiwe by die smouse langs die N1 koop in De Doorns nie. Jy gaan of beroof word, of ‘n doos met bakstene in kry wat met ‘n lagie druiwe bedek is. 

....Frau Hitler vra waar julle stalletjies kan gaan soek.

Geniet dit Jan. Jy was seker bly oor daai boksie appelkose.

Môre Jan, ek raai/vermoed daai pilare toon die hoogte wat die vloedwater bereik het. Ek vermoed die foto is geneem in die kloof waar die hotel en piekniekterrein is. In my kinderjare was dit 'n lieflike dagbesoekers terrein, en mens kon selfs stap/klim/swem in die kloof tot by 'n grot.

Volgens oorlewering het daar 'n baie ongelukkige insident in Coggmanskloof gebeur. 'n Kind het daar hoog in die berg geval, in een van daai vreeslike nou skeure in. Hulle kon daai dae nie by die kind kom om hom te red nie. Sy Pa moes die kind maar self uit sy lyding verlos, deur hom te skiet van vêr af. Onthou dit het gebeur nog voor ek 'n kind was, en dis al amper 60 jaar gelede. 

Dankie dat jy ons tuisblyers op hoogte bring met julle gekuier.  Waar is die volgende bestemming ?

Vandat Nuy kelder ‘n paar jaar gelede daardie kompleks gebou het, het hulle besoekers aantal binne ‘n maand iets soos 80% vermeerder. Wynverkope uiteraard ook. Die uitsig van die koppie af is lieflik. Hulle kelder is ‘n hele ent verder in, amper teen die naaste berge.
 

Julle moes laat weet het julle kom die kant toe. Daar is ‘n hele aantal ander lekker plekke om te besoek, aan al die kante van Worcester. En alhoewel nie meer so goedkoop soos voorheen nie, is die wyn steeds baie billik in vergelyking met anderkant die tonnel.