Musiek

Jy kan vir my stuur - sal graag wil hoor en sien.   Ek sal dit dan oplaai d.m.v. youtube.

0823017096

maar sal ook baie graag na sy musiek luister. Dankie vir die gedagte Maurits, sien uit daarna.

Is dit nie hoeka dieselfde persoon (Servaas) aan wie Wildehont gedink het toe ons gepraat het van deelname aan die ATKV musiekkompetisie nie? Indien so, Maurits, dra sommer asb. die boodskap oor - daar is nog 'n week tyd om in te skryf.

Eerste video

2de video

Dankie Maurits en Voortrekker. Dit was lekker om te sien en hoor. Servaas kan met 'n vorige era se musiek nog vir 'n hele paar van die hedendaagse musiekante "a run for their money" gee.

... jy't toe reggekom om jou videos van Servaas gelaai te kry. Ek het gesukkel om die langer video clip na my e-pos te stuur- sodat ek dit van my laptop kon laai na You Tube. Voortrekker is beslis nie so tegnies-gestremd soos ek nie.

Servaas was my eertydse bankier en sy vrou, Martie, het nog vir etlike jare na sy aftrede by Nedbank in Kleinmond gewerk. My seun se "start" van sy besigheid was moontlik danksy Servaas wat die nodige finansiering destyds bewerkstellig het. Hy is steeds, na 22 jaar, 'n lojale Nedbank-kliënt. Dankie Servaas!!!

Ek word  elke jaar gevra om by Onrus Gemeente se bazaar te kom speel. Ons geniet dit baie en dit bring 'n lekker atmosfeer by die bazaar. Toe ek weer sien toe staan Maurits voor ons met sy kamera.

Dankie vir die inloer hier op die forum en ek wil sommer so voorbarig wees om te vra dat jy asseblief nooit weer moet weggaan nie. Terwyl Mauritz hierdie draad geskep het, wat van so 'n klein video-bederfie af en toe?

Dan weet jy seker ook nou van die ATKV se musiekkompetisie vir 50+'ers. Ek dink darem die mans in die foto val net-net in daardie kategorie en vir die dame behoort hulle 'n uitsondering te maak.. Miskien het jy reeds ingeskryf?

Ek weet nie so lekker van die kompetisie nie maar ek sal wel probeer inskakel by musiek groepe waar ek kom. Ek moet nog 'n gaatjie kry in die karavaan of kar vir een  kitaar en een klein amplifier. Sal maar mooi praat met my vrou.