Desember 2021 - Koffie Kroeg

Goeie môre almal. Nog net vandag en môre, dan gaan ek ook bietjie geniet wat julle pensionare niks van het nie en ook nooit meer kry nie!   Moenie te bly raak nie, ek praat van verlof

Goed om jou weer hier raak te lees oom Slot

Goeie môre kamp-maters !

GG, vertel ons 'n bietjie meer van jou verlof  -  waarheen gaan julle en wanneer presies ?

Ns. Onthou julle ouer garde nog, voorheen het alle staatsmotors 'n nommerplaat gehad wat begin met GG (Government Garage) met nog 'n wit plaatjie aterop en in swart letters : "In Her Majesty's Service" ?

Oom Len,  daar was nie eers plek bespreek vir Des die jaar nie want daar was 'n ander projek wat aandag gevra het (lees kombuis vir mamma).  Die verlof sal seker gebruik word om hier en daar aan die hie-wil-ek  te werk.  Nie te min, ek wil loer of ons 'n plek kan kry hier naby die huis om net paar dae gou te kamp vroeg in die nuwe jaar. 

Môre vriende, en spesiaal oom Len

Staan ek mos op vanoggend met erge kampeer onttrekking simptome. Net daar besluit ek om my slegtigheid te los, en gaan was toe maar die grondseil. So dis nou mooi skoon vir my Maart-April sleep DA-land toe.

Goeie môre Kampforum, geniet die dag, hier het ons darem 18mm reen gister gehad. Staan nou al 375mm vir die seisoen sover🙏

Goeie môre almal, wie op die pad gaan vandag, wees veilig en geniet die tyd.

Lyk na 'n baie warm dag wat voorlê.

Wessel, as daar nou een ding is wat my sal oortuig om eendag die kamp ding te los is dit die was van grondseile. Jy moet ernstig verveeld wees om dit te doen vir 'n kamp diep in volgende jaar....stel voor as jy weer daai gevoel kry jy 'n glasie van die Boland se beste of 'n yskoue Germaanse bruisdrankie skink....dit is wonderlike medisyne en laat die "grondseil was" gevoel blitsvinnig verdwyn 

Ai, ons het darem nou lekker gesels die afgelope dag of twee.  Ek hoop nie die naweek gaan veroorsaak dat 'n doodse stilte nou op die forum gaan neerdaal nie.

Môre almal, geniet die dag terdee.

Willem sterkte met Wijan ek hoop hy is beter teen die tyd wat julle ry🙏

Geseënde Sondag almal.

Lekker pak Willem. Wens ek kon 

Goeiemôre Stephan.  Ek hoop dit gaan goed met julle.  

Hello Anton. Gaan voor die wind dankie en hoop dieselfde aan julle kant. 

My vrou sukkel nog na haar heup en knie operasies maar werksgewys kan ons nie kla nie.

Hi. Hier by ons ruik dit sedert eergister na 'n appelkoos-"jam" fabriek. My seun het ons verras met 'n groot karton appelkose wat hy vanaf Robertson gebring het. En 'n ryp appelkoos is nie juis 'n ding met 'n lang raklewe nie. Gevolglik moes die appelkose so gou moontlik verwerk word. Dus, sedert Vrydag is ek en Ralie bykans voltyds besig om appelkooskonfyt te maak.

Ek sny oop, ontpit en sny merkies uit. Die maalproses is ook myne. Die kookproses los ek vir die kenner, maar dan neem ek weer oor met die bottelering (twee elle of een?). Ons is tans besig met die laaste kooksel. Ek voel en ruik al soos 'n appelkoos. Môre lê die etiketering (twee "t's" of een) voor.

Binnekort (net na Nuwejaar) lê kerrie perske-atjar voor, sowel as piekeluie. En moenie van die vyekonfyt vergeet nie. My vrou is in haar element om allerhande goed in te maak. Teen ongeveer April is kwepers en makketaan (kom ons bly maar polities korrek) weer aan die beurt.

Middag Chris B

....besige mense. Jou vertelling vat my terug na my kinderdae. Ons het 'n appelkoosboom in die tuin gehad, en kon hy vrugte dra. Ma kon nie voorbly nie, dus het ons aan Koo "gelewer". Tot 18 kiste van 'n enkele boom. Die voordeel van Koo-lid was al die ander ingelegde blikkies wat mens op kwota kon bekom. 

... julle appelkoosboom laat my dink aan my Tzaneen-dae. Die buurt waar ek gewoon het was aangelê in 'n ou avo-boord. Dus het baie van die erwe oor een of twee avobome beskik. Myne het ongelukkig geen avo-boom opgehad nie. Maar 'n kollega van my, wat drie huise van my af gewoon het, het 'n reuse-groot avoboom op sy erf gehad.

Ek weet nie watter variëteit dit was nie, maar sy vrugte het sterk herinner aan 'n Fuerte. Nietemin, hy't jaar na jaar avo verpakkingskartonne by die koöp gaan koop, avo's gepluk en verpak. Hy't gewoonlik 'n groterige sleepwa gehuur, agter sy 3L Cortina bakkie gehaak en sy avo's Johannesburg-mark toe geneem. Hy't sodoende sy jaarlikse 3-weke vakansie in 'n woonstel in Margate kon betaal - uit 'n enkele avoboom.

Hierdie laat my dink aan wat ek vir ouma nou die dag vertel. Ons het so 20 hennetjies, en lewer elke week die ekstra eiertjies by n fancy restaurant af. Op die manier sorg die klompie vir hulle kos, en ons kry eiertjies verniet.

Nou groei hier kattekruie in my groentetuin so wild soos kakiebos en eintlik lastig. Maar ek weet dat die baie gewild is on in katte se speelgoed, in gedroogte form, te sit. En, die prys R1800/kg gedroog.Nou dink neef hy moet die tamaties uitpluk en kattekruie verbou en so 10kg elke maand versend.... Nuwe Ford bakkie, hier kom ek...Sal maar sien.