PENTA YSKAS

Hi Neelsec.    Ongelukkig kan jy nie foto's groter as 2 megabyte op die forum laai nie.   Die beste grootte is eintlik so 200 - 400 kB.

Die maklikste manier om dit te doen as jy  op 'n PC werk is om Paint te gebruik.  Maak die foto oop met paint en selekteer dan die resize opsie.    Jy kan % of  pixel grootte kies.   Ek kies gewoonlik pixel grootte en maak dan die breedte 600 pixels (hoogte sal outomaties aanpas)  en kliek ok  en dan moet jy die foto save.   Nou belangrik!   Jy moet Save as en 'n nuwe file maak sodat jy nie die oorspronklike foto en sy grootte verloor nie.

PS.  met paint kan jy jou foto's so bietjie crop ook as jy wil.   Ek hoop bogenoemde help?

Maak asb jou foto's kleiner.

Hoop jy kom reg n yskas is n moet as n ou staan en kamp sterkte

Neels, jou nuwe yskas lyk netjies, mooi man !

Die twee waaiertjies :-

• Jy het nou 'n elektriese kompressor yskas, waarvoor is die waaiertjies dan ?
• Ek vermoed die waaiertjies was vir jou vorige absorpsie yskas  - is dit op die boonste of onderste luggat gemonteer ?
• Blaas of suig die waaiertjies ?

Baie netjies Neels, nou kan jy lekker kamp. Ek hou van die veiligheids knippe wat jy op gesit het, myne sit net te diep en ek moes sulke lelike swart bande op sit. Dit werk met "press studs", ek wil dit nog verander.

Len, daai waaiertjies is "extractor fans", of so lyk dit vir my.

Johann, ek vermoed dit mag dalk "extractor fans" wees, maar waarom indien daar nie meer 'n absorpsie yskas in die Penta is nie ?  As dit wel 'n "exctractor fan" is, is ek nuuskierig om te weet of dit op die boonste of onderste luggat gemonteer is ?

Vandaar my vrae.

Neelsec, Daai keerstuk/stopper werk baie goed. Ek gebruik dit ook gereeld

Neels, ek het ook van daai deurknippe by babawinkel gekry, maar my Hisense yskas kombinasie sit te diep in gebou, daar is nie plek om daai knippe aan te bring nie.

Joune lyk perfek, netjies en pas mooi.

Len ek verstaan wat jy sê, ek het ook gedink dit sal op die boonste vents wees vir hitte uit suig uit die karavaan op warm dae.

Dit gee my nogal 'n idee, die (ou - tweedehandse)  suig waairtjies kry mens mos verniet by van die rekenaar winkels.

Ek wil nie lugreëling insit nie (my Penta se gwig is te naby die as se limiet).

Neels, weereens, dit lyk baie netjies.

Dankie Neels.  

Ek het my waaiertjies jare gelede op die boonste "vent" van my Exclusive gemonteer om die warm lug wat deur die gasvlam of elektriese hitte element veroorsaak word bo uit te suig en varslug by die onderste "vent" in te suig.  Omdat ek verknog is aan my absorpsie yskas (en ook my afsonderlike absorpsie vrieskas) het behoorlike lugsirkulasie deur die waaiertjies wondere verrig in die werking van die toerusting. Ek het 'n skakelaar binne die karavaan en skakel net die waaiers aan as dit baie warm is.  Ek skakel dit ook gedurende die nag af sodat die sagte gesuis nie hoorbaar is as 'n mens slaap nie.

Ek was nie bewus daarvan dat kompressor yskaste hitte genereer wat nadelige werkverrigting veroorsaak nie.

So lyk my waaiertjies :-

Baie netjies gedoen Len.

Neels, dankie vir die raad, ek sal by Sensation (bote) gaan kyk, hulle fabriek is hier naby my.?