Help my gou om ‘n naweek by ATKV te wen asb

Dankie julle. Dit werk!

Dankie julle, stem asb weer vir my woord. Die finale prys word eers môre toegeken aan die woord uit die drie finaliste wat wen. 
Mag julle nooit ‘n talmwalm kry in julle karavane, tente of motors nie. 
Toe ek in Botswana gewoon het, het my motor in Kasane by ons kantoor gestaan terwyl ek in die bos was, soms vir tot 5 maande. Die een keer, na goeie reens was daar bietjie van ‘n ontploffing in die knaagdierbevolking. Die mense by ons kantoor dink dit toe goed om Rattex uit te sit sodat die rotte nie ons motors se kabels of pypies afkou nie. Die probleem met Rattex is dat dit die rot dors maak en wanneer hy water drink aktiveer maar ‘n ruk vat om te werk. Die rot gaan vrek gewoonlik dan in sy/haar nes. Dis ‘n nare gif wat die ingewande opvreet. Toe ek my kar oopsluit om SA toe te ry vir ‘n breek na 5 maande in die bos, is daar ‘n doodsreuk wat my meisie van daardie tyd amper laat opgooi het. ‘n Rot wat in my paneelkissie nes gemaak het, het toe daar gevrek en gelyk asof dit oor die plastiekomslag met die diensboekie en handleiding gesmelt het. Ek moes dit skoonmaak (met ‘n effense wingerdgriep onder lede na die vorige aand se afskeid voor ons met verlof gaan) en toe met al die vensters oop, vir 12 ure ry Pretoria toe. Die talmwalm wat oorgebly het, het nog 5 maande geneem voor dit gewyk het.