Geert, ek begin sommer die gesels.
Ek loop deur onder Herman se korswel oor my volgepropte kappie. Omdat die Kavango nie juis pakplek het vir groot items nie, word die volgende agter op die bakkie/kappie gelaai;
320Watt konvensionele sonpanele
2 groot opvou kampstoele
National Luna
2x kampkratte bo-op mekaar
3-laai kombuiskombinasie
sonsambreel, besem en geelwig
volle stel ekstra tentpale
graaf , boor, pomp vir bande
ekstra elektriese neuswiel, wat nou onnodig is
windskerms vir gasstoof
braairoosters en staander
volledige tent in sak
grondseil
emmer met 7 stukke pool noodle vir tentpenne
3x sakke brikette
5x 5l bottels water
gasbottel en gasbraaier
klein gewone houtvuur braaier
boksie met houtblokke om onder domkrag te plaas, blik gatvol, snotstroppe ensovoorts.
3x rubbermatte om onder neuswiel te sit in sagte grond
Dan mag Marie nog skoon goedjies op agter sitplek plaas.
Bakkie vs SNV
Ek sien swarigheid om al ons kamp katoeters in 'n SUV te pak. Ek pak bo-op bed in Kavango net droograk, 2x opvoustoele, en opvoutafeltjie. Dan kom die Coleman op die grond in die paadjie.
Ek het al baie gedink wat ek kan los, maar aikona, alles moet maar saam.
NS: Ek moet seg Chris B, jou lysie is ook baie, gedagtig daaraan dat jou vrieskas op 'n glyblad is.
elektriese neuswiel
Geert, eintlik nie veel meer as gewone volledige jockey nie.
Die "handle" wat ek vashou, skroef los van pyp. 12v motortjie. Werk skaflik op plaveisel, maar nie in losgrond nie.
Agterop
Ja...is voordeel as daar pakplek in die karavaan is. By ons is hoofsaaklik hout, kole en as ons Weber saamneem agterop. Ek het al op paar geleenthede klompie sakke hout by die oord gekoop en agterop bakkie gesit en huistoe geneem, net om bietjie gewig agterop te kry....kombinasie voel nie vir my stabiel as bakkie leeg is agter nie. Ander rede is ook dat ons soms grondpaaie ry en my bakkie erg stof suig agterin
Geert...
...julle verstom my met julle minimalistiese kampeer opset. Ek het al baie na jou fotos gekyk, en gewonder waarom sukkel ek met so baie katoeters.
Ek het agterklap met 1xkant sponsstroke geplak, en hou kappie se voorruit oop, op grondpaaie. Kry bittermin stof in.
Stof
Ek het al oorweeg om daai kit te koop om bakkie stofvry te maak, maar lyk of jy by die regte plek moet koop aangesien nie almal so goed werk nie. My broer was nou 10 dae by Skukuza met nuwe Ranger....hy het heelwat grondpaaie gery en sê daar was basies geen stof in sy bak nie...so klink of Rangers dit nou standaard is?
Ek het my stofdigting by…
Ek het my Hilux se stofdigting by Hermanus Auto Fitment Centre laat doen - deels Toyota "kit". Ek sal dit vir die eerste keer die komende naweek in die wildtuin toets.
Stofdigting
Sal gaaf wees vir terugvoering ChrisB. Een van my vriende het n kit op n skou gekoop. maar nie gewerk nie. Verskaffers se verskoning was toe dat rubberising op sy bakkie te dik is.
Stofdigting
Ek het my Hilux se stofdigting by Hermanus Auto Fitment Centre laat doen - deels Toyota "kit". Ek sal dit vir die eerste keer die komende naweek in die wildtuin toets.
Het stofdigting goed gewerk? Ek lees elders dat iemand sê dat mens net n venster van die canopy oop moet maak, dan is probleem opgelos?
Stofdigting
Ek het slegs die S56 gruispad gery. Of dit dus 'n objektiewe waarneming is? Daarvoor kan ek nie instaan nie. Maar ek het nie 'n teken van stof waargeneem het nie.
Ek het klaar op 'n ander…
Ek het klaar op 'n ander draad verduidelik wat ek alles agter in die kappie pak. Maar bygesê, baie van die items is slegs wanneer ons kom lank-kamp by Eiland Spa. Ek het al meermale vir Ralie gesê dat 'n wildtuinbesoek en kuier by Eiland nie lekker saamwerk nie. Daar word baie items vir die lankstaan by Eiland ingepak wat eintlik net in die pad is terwyl ons in die wildtuin kamp.
Nadat ek gelees het van Wessel se inpaklys, besef ek daar is verskeie items is wat ek uitgelaat het o.a. tent of stoeptent met sykante, kompressor, gereedskapkis, tassie vir elektriese boor, klein boogtent om te dien as stoorkamer en nog meer.
Vir korter kampe pak ek beslis minder in. Maar aan die anderkant - ons gaan weinig deesdae met kort kampe. Alhoewel, my agterent jeuk vir 'n 2 - 3 weke kamp in Karoo Nas Park.