Mollers ATKV Eiland 2023 Maand Kamp

Ek sou dit geniet om nou by Eiland Spa te wees om hulle "somerweer" te geniet. Lekker vooruitsig Shaun.

Dis ‘n wonderlike vooruitsig!

Middag Shaun

Vir so 'n 30 dae kamp by die Eiland, pak julle seker maar baie speelgoed in. Ek bedoel, hoe kry mens die tyd om, dus speel julle seker kaart, domino's, woordspeletjie[scrabble], rumicup, strippoker ensovoorts.

... die man gaan sy longe uitdans. Na só 'n aand van braai en kuier het jy minstens 2 dae nodig om te herstel. En vat hy seker sy rolballe en jukskeie ook saam.

My seun-hulle daag oormôre daar op. Vanaand nog in Skukuza (waar hulle vanaand op 'n Sunset Drive gaan) en môre-aand by Swadini. Die kinders kan blykbaar nie wag om by Eiland te kom nie.

My skoondogter stuur vroeër vandag vir my dié twee foto's. Ek weet nie wanneer die eerste een geneem is van die twee kleingoed nie, maar die tweede een is vanoggend geneem.

...die tyd. Daai 2 fotos moet julle soos goud bewaar.

Die prys van kinders en kleinkinders oorsee is DUUR.

.............ek aanvaar dit is Boet en Sus.  Kan nie glo hulle tydjie in die Wildtuin is so te sê iets van die verlede nie.

Ns.  Die somer-kleredrag is iets om te waardeer as jy van die koue Kaap af kom !

Boet en sus. Verskil slegs 15 maande. Die tyd vlieg. Ek kan amper nie glo dat dié 2 pikkies wat so gereeld sommer vir 'n week of langer by oupa en ouma kom kuier het in hulle kleuterdae, nou hoërskoolkinders is nie.

....of nie. Is julle ook gaande oor die wildtuin??

Jy moet tog met fotos en al vir ons agtergeblewenes ophoogte hou van julle vakansie.

.... jammer dat ek dit op jou draad plaas. My seun-hulle het gister by Eiland Spa arriveer en vir my 'n paar foto's gestuur van hulle kamp. My hart trek met 'n punt daarnatoe.

.................so 'n karavaan-vakansie lyk darem (en is altyd) hemels.  Daardie staan-skinkborde wat oral rondstaan is tipies ook van ons kampopset  -  onontbeerlik.  Daardie lang, dun, swartpaal op die eerste twee fotos is seker een van daardie herlaaibare spreiligte wat vir Eskom kompetisie gee.  Die twee dames op die laaste foto spog seker via hul selfone met vriende tuis hoe lekker hul nou kuier.  Lyk vir my hulle maak vuur op die grond en daarna gaan die kole op die braaiertjie wat staan en wag.

As ek so na die beligting van die Penta kyk, lyk dit vir my of die McGyver "fuse" nog sy ding doen !

...daar is vele sterk manne en hande betrokke. Tot 'n groen heining, seker maar vir wind[?] of privaatheid!!

Ek en Marie kampeer in vergelyking met die foto's spartaans, of dalk soos plakkers

Die ergste is, ons wil nog afskaal wat werk aanbetref.

..... werk nog. En die lang paal is toegerus met 'n LED spreilig.

Die groen heining is iets wat die klong by sy pa "aangeleer" het. Maar ek gebruik myne (40 meter in totaal) slegs as ons lank kamp by Eiland. By Eiland is dit nogal redelik algemene gebruik. En ek laaik dit. Dit gee amper 'n gevoel van "dit is my erfie". Dit bied geen privaatheid want die net is deursigtig - maar dit gee vir ons 'n "cozy" gevoel.

Toe ek nog 15 jaar gelede gewerk het, het my verlof na die laaste dag se werk om 16:30 begin.  By Sasol werk dit blykbaar deesdae anders en sal alleenlik begryp kan word as jy verlede nag se nagskof gewerk het !

Shawn, geniet julle kuier by Die Eiland wat sekerlik 'n heerlike verandering na Secunda se sneeu gaan wees.

Wanneer ry julle ?

Geniet dit ou maat

Shaun het so net na tien pad gevat

.....nou wag ons maar geduldig om van jou Eiland vakansie te hoor en te sien. 

Moet nou nie te veel goed opslaan en uitpak nie, mens moet dit gewoonlik later terugpak.