Oktober 2026 saam gesels

Toe lees ek Wessel praat van die 2de ikon vanaf regs. Op my foon is dit net so bleek vertikale strepie.

En hier is Kalagadi se diesel prys gister. Eish

Op App Store / Play Store is 'n baie oulike app wat branstof pryse naby jou wys, dit word gereeld ge-upadate deur die eienaars. Dit het ook 'n huidige ligging in wat, sou jy in ander areas wees, soek dit daai omgewing se brandstoff pryse op.

Wayne, die eienaar, dink ek, is baie vinnig om te regeer op navrae per Whats App.

Die een wat ek gebruik is "Fuelx" dit het oo 'n log boek wat baie handig is.  Vroeër het ek, vir die log boek, 'n ander een gebruik , maar dit het nie die pryse opsoek funksie gehad nie.

So lyk die app as jy dit oop maak.

Eintlik uit en tuis, wat beteken dis lekker om weer by die huis te wees. Daan is vanoggend ontslaan na sy knie-operasie van Maandag. Dr reken dit was 'n sukses en met genoeg oefening behoort hy spoedig weer op die been te wees. Probleem is net, hy mis reeds al die vriendelike personeel se gepiep en pamperlang en om sy etes van 'n spyskaart af te bestel. Hier gebeur dit nie.👀

Ek het saans by Rock View Lodge oorgestaan. Enigste kampeerder, en indien nodig sal ek dit weer so doen. Vertel later meer oor die plek.

Sterkte vir Daan (en vir jou). Ek vertrou hy's spoedig honky dory.

Dis goeie nuus Rona. Sterkte met die herstel tydperk 

Bly dit het goed afgeloop en dat julle tuis is. Sterkte vir Daan met die oefeninge. 

vir die goeie wense. Vanoggend wil-wil Daan al so effe 'cheeky' raak wat vir my sê dat beterskap besig is om in te skop. Baie dankbaar dat dit agter die rug is.

En daar "beland" Rock View se foto's onder Umfula. Verskoning.

Het vir Voortrekker 'n briefie geskryf en hoop hy het 'n plan.

Ek het vir drie aande hier oorgebly en sal in die toekoms baie graag weer hier aandoen. In teenstelling met 'n vreemde antwoord wat ek gekry het by navraag oor 'n hoogtebeperking, is die personeel baie vriendelik en behulpsaam. Rob, die eienaar het selfs voorgestel dat hy my elke oggend hospitaal toe sal neem en weer gaan haal - gedink ek kan 'n parkeer probleem met my bussie by die hospitaal hê. Hoogtebeperking was toe nie 'n probleem nie - die balk is +/- 3m hoog.

Dit wys jou in watter slegte lig n personeel lid jou maatskappy kan plaas. Jy en ander kan jou bes doen vir kliente, maar daai een vrot eier kan baie skade berokken. Kyk hoe uit die pad het Rob gegaan om jou selfs hospitaal toe wil bring. Iets het al snaaks geklink toe ek daai antwoord lees en Lekkeslaap se hordes goeie terugvoering.  Miskien moet jy vir Rob sê van hierdie antwoor  wat jy gekry het sodat hul betrokke persoon kan vasvat...dit gaan hom besigheid kos

Ek het vanoggend so 3 ure in die son moes werk. Ek het die son nog nooit so erg voel  brand in Oktober nie. Daar was manne wat heeldag op n cherry picker werk...hulle het vir hulle n sambreel vas gemaak aan reelings.  Hoe voel dit by dele waar julle bly?

Dit het so 10 minute gelede begin drup hier, is dik bewolk en die weer dreun. Sal die water baie waardeer - 'n week gelede het Daan en sy tuinman 'n bedding vol nuwe plante geplant nadat MOLLE die vorige se wortels alles opgevreet het, sodat daar nie 'n enkele lewende plant oor was nie. Wat maak mens met die verdekselse gediertes? "Can" hulle, en stuur na China??

Nou reën dit lekker.

Die raad vir molle wat jy gegee het het betrekking. Googlie sê vir my niks van die glas-tegniek wat deur rolbalbane gebruik word nie. Miskien trek jy net my been, maar sou dit waar wees is dit nogals nie 'n slegte idee nie. Dit beteken dat ek net 'n taphuis sal moet gaan beroof ten einde genoeg glas te hê. Eers die inhoud gebruik en dan die glas. Ek kan met die gedagte saamleef (smiley face)