KOFFIE?

Dagsê !

Hier by ons in Brackenfell is dit 'n lieflike blou-lug dag en windstil.  Die voorspelling vir vandag is 29º en daar is geen sprake van koue of reën nie.  Gelukkig het die afgelope 3 weke se twee vinnige buie die dooie gras begin kleur gee, maar ons wag nog geduldig en hoopvol vir die groot reën om ons droogte te breek.

Vandag neem ek my seun se 25 jaar oue Sprite Sport na Creative Caravan Worx in Stikland Triangle, Bellville om herseël te word en vir 'n ondersteldiens.  Dit alles om voorbereid te wees vir 'n eersdaagse trippie van 4 000km, Wildtuin toe en terug oor 6 weke.

Lekker dag aan almal wat hier lees.

Goeiemore almal!   Dit is 'n heerlike koel dag hier in Midrand!  EK gaan nou my koffie drink.

Die luggie byt vanoggend hier in Hartenbos maar dit gaan 'n warm dag word.  Ek hoop almal is lus vir die nuwe week en sy uitdagings.  Pak hom by die horings!

Maar skink eers nog 'n koppie koffie.

Groete

Dankie, het netnou koffie  gekry. 

Het problems met data, CellC is af, Ek nou op my bietjie Telkom data op WiFi modem. Seker te doen met algemene Internet probleme. Hoop dit kom gou reg, anders gaan ek bittermin op Internet wees. Sit met 2.8gig op CellC!!!

Dêm kuberkrakers!!

Lekker dag vir almal

Dankie. Ek skink in.

Bitter koud hier in Jo'hies vanoggend. Lekker dag vir julle.

Goeie more,

Tee klaar gemaak en die koffie is aan die gang.

Vanoggend is dit warmer as gisteroggend. koel maar nie koud nie.

Lekker dag vir elkeen

Goeiemore mense van die forum.   Hoop almal het lekker geslaap en geniet 'n lekker koppie koffie.

My hoendertjies wag buite vir my, hulle kom soek elke oggend saad.   As hulle my buite sien, kom hulle al aangehardloop.   Ek het al 'n hele pak saad vir hulle gevoer en moes gister nog gaan koop.  Een of twee is al braaf genoeg om tot in die deur van die tent te kom, kompleet asof hulle my wil wys hulle is hier.

Lekker dag vir almal.

More sê heerlike dag vir julle almal. Trek ook al by die tweede beker, wou julle nie so vroeg wakker raas nie??

Hier in Vaalpark is dit dig mis, dan gaan die dag mos heerlik wees.

Klaar oorpak aan, wag net dat die dak teels droog is van die mis, dan gaan ek die dooie blare af blaas met die tuin blaser.

Mag julle dag soos stroop loop.

Ek pas langggggg storie geskryf, toe laat tablet sy eie wil oorneem, so,  hy wen!!!, Ek gaan stort! Klaar koffie en beskuit verorber! Groete tot later!!!!!!!

Goeie more,

Weekbreker of soos daar vanoggend op die radio gese is "hump day".

Sien op my voertui se temp meter dit is 6° maar dit voel nie so koud nie

Geniet die dag tenvolle

More more sê!      Lyk my hier by ons is dit weer winter oop van horison tot horison.  Dusty my temp meter het ook vanoggend 6 gewys.  Net laas week toe sit hy nog op 10!

Ek gaan nou koffie maak.

Ek het koffiebekers waarop die volgende "goeiemores" geskryf is:  

Goeden dag

bon jour

bom dia

buenos dias

Gutten Tag

buongiorno

Good morning

Ek wens hulle almal vir julle toe!   Geniet jul dag.

Freda, DANKIE, die koffie uit daardie koffiebeker was LEKKER!!!, EN die eetgoed!!!!!

Vandag bewolk hier, Ek dink ons het regte dag gehad vir KUIER!!!!!

Jaaa, gister het ons Frans Pretorius en Linda ontmoet.   Dankie dat julle kom kuier het, Fransman, dit was lekker om julle te ontmoet.    Ek en Linda voel soos ou vriendinne.    Julle het my laat voel ek verjaar, met al die geskenke wat julle aangedra het.     Die mooi blomme is toe in 'n selfgemaakte blompot gerangskik.   'n 2 Liter koeldrankbottel wat afgesny is.   Lyk tog te mooi!  Die worsrolletjies is baie lekker en vandag gaan ons malvapoeding en vla eet.  Baie dankie vir alles!

Ons sien julle volgende week.   Kuier lekker verder daar in Glentana.

Dis lekker Frans en Freda!  Bly julle kon ontmoet!

Goeie more aan almal,

'n Geseende dag vir elkeen en geniet die dag

More Dusty.  Lyk my die mense slaap later in die koue.  Wie is al op en besig met koffie?   Ek, simpel vroumens wat ek is, vergeet toe netnou dat ek NIE die ketel en die waaiverwarmertjie tesame moet aansit nie.  Nou het die krag getrip.  My tee water kon ek darem op die gasstoof kook en die skootrekenaar is nou op battery.   Colin slaap nog, ek het gaan kyk na die switches by die boks, maar almal kyk boontoe, so ek weet nie waar om aan te sit nie.   Dit begin darem nou lig word.

Lekker dag vir almal.

Freda,

Vandag se skakelaars lyk nog steeds of dit aan is maar het intussen "getrip". Jy moet dit eers af skakel en dan weer aan.

Dalk het die wa se skakelaar "getrip"

Goeie more aan almal, al wat ek weet, more is dit alweer Vrydag.

@ Tannie Freda, nee ek is al lankal op kantoor vir my daaglikse voorbereiding alhoewel my werks ure vanaf 8h30 - 16h00 is, is ek alreeds so teen 6h15 op kantoor.

As sulks is ek nie 'n koffie drinker nie, maar in die winter drink maar so sluk, sluk. Sit nou tans hier met koppie koffie en 'n snytjie gesondheids brood.

Deesdae, dwing Geraldine my om die goed te eet. Moet maar eet anders kry ek nie ''lunch'' werk toe nie

Dusty, ek is te bang om aan goeters te druk.  Netnou laat slaan ek die bure, of erger nog, die hele Dibiki se krag af.    Ek kom darem reg, nou al besig met 'n lekker koppie koffie en die laptop se battery hou nog.   Ek dink dit is die wa s'n wat getrip het, ek moet tog kyk waar Colin dit aansit, hoog tyd dat ek leer hoe om independent te wees.

DK, jy en Dusty is ewe fluks.  Albei vroeg op julle pos.   Maar jy kan darem nie daai tyd van die more in die koue by die werk wees sonder 'n lekker warm koppie koffie nie.  Dis maar goed Geraldine se broodjie dwing jou om een te geniet.