Dwarswegstrand, Karoo & Montagu

Die wa is vanoggend van sy bokkies afgehaal en uit sy garage getrek. Ek het gou-gou gehaak, na ons plaaslike SupaQuick gesleep, die battery laat toets (nog 100%) en terseldertyd die bande en spaarwiel is ook op druk gebring. Danksy my flukse tuin-ingenieut is die waswerk ook gou afgehandel. Ek het 'n klein herstelwerkie in die wa afgehandel en ek dink die "Ou Lady" is bykans gereed vir die kort vakansie - net ons klere inpak en beddens opmaak.

Die yskas is aangeskakel en meeste van die vleis-aankope is reeds gedoen. Ek het Saterdagoggend 'n hoender ontbeen, gestop met bacon, feta en pynappel en my "mediese kennis" () gebruik om die kiepie weer mooi aanmekaar te werk m.b.v. tandestokkies. As die weer mooi saamspeel word dié hoender die Saterdagaand by Dwarswegstrand ge-offer.

Intussen moet nog 'n paar dinge gebeur. Mammie het o.a. nog 'n kolonoskopie wat voorlê 2 dae voor ons vertrek.

... ek moet nou 'n raaiskoot waag, want ek hou ongelukkig nie so akkuraat rekord van die uitgawes op my karavaan soos jy doen nie. Maar ek reken dit is 'n minimum van 7 jaar, want as ek reg onthou het ek dit in 2017 die eerste keer as kragbron vir die wa se ligte in Tsendze gebruik. En jy's heeltemal reg - die karavaan se battery is permanent aan krag gekoppel (behalwe wanneer ek sleep en in Tsendze kamp ). Dit is 'n Willard "deep cycle" battery.

Bykans alles wat moet saamgaan is hetsy reeds in die karavaan gepak of in een van ons kamers bymekaargesit vir Donderdag se inpak in die bakkie. Stoffel-papegaai moet net eers Donderdagoggend na sy losiesplek in Grabouw geneem word alvorens die finale inpakkery kan begin. Vandag moet daar 'n paar finale inkopies gedoen word, want ek sou verkies om so min moontlik in winkels te gaan rondloop terwyl ons by ons onderskeie bestemmings is - ek vermy sover moontlik om Beaufort-Wes toe te ry as ek in die park is (nie lief vir daardie dorp se sakekern nie).

Ek beplan ook om sommer die Porta Potti vandag te "charge" met die Thetford chemikalië. Dalk moet ek maar sommer, terwyl ek Woensdag in Somerset-Wes is vir die antie se kolonoskopie, 'n ekstra bottel Thetford by Cara-Camp gaan koop.

Nou draai my kop net rondom die komende wegbreek - amper so opgewonde soos 'n kind oor Kersvader se koms.

Ons het tevore sommer by die OK sentrum, regs van hoofstraat

... om Beaufort-Wes toe te ry, doen ons ook meeste van ons inkopies daar. Daar het jy redelik parkeerplek beskikbaar en jy word nie toegeval deur die straat-bedelaars nie. 

... vir Vrydagoggend se vertrek verloop tans vlot. 

Ek het 'n tyd gelede 'n 6-wiel banddruk-monitor gekoop, en afgesien van die bakkie se 4 bande het ek ook die karavaan se wiele toegerus met die gepaardgaande kleppe. Toe ek gister die monitor wil stel al 6 bande se druk te wys, vang ek een of ander moerske boo-boo aan. SupaQuick het gou vanmiddag die probleem vir my opgelos.

Môre word die bakkie gepak. Vrydagoggend word die koue goed wat moet saamgaan in die Coleman gepak en ons hoop om 08:00 in die pad te val. Ek sit egter nou in 'n tweespalt met myself of ek die lugreëlaar moet saamneem. As ek kyk na die voorspelde temperature volgende week in die Karoo (o.a. 36°C volgende Donderdag) begin ek al hoe meer daaraan dink dat dit dalk 'n wyse besluit kan wees om wel die lugreëlaar saam te neem - veral omdat dit my dalk nie geluk om 'n staanplek met 'n bietjie skadu te kry nie. Die park blyk redelik vol te wees.

... is waar: "Oudword is nie vir sissies nie". Hierdie ouballie val hom toe vanoggend amper uit sy vakansie uit. Toe ek die Snomaster in die garage wou gaan neersit, net reg vir die laai in die bakkie, struikel ek en val 'n moerske skoot. Kop teen die deurkosyn se skerp hoek en amper reg bo-oor die Snomaster. Die nagevolge - erg bloeiende sny op die voorkop en 'n bleddie see ribbekas. Maar pak sal ons pak.

Terloops - die mobiele lugreëlaar is toe in die karavaan gelaai en vasgemaak op die vloer. Die voorspelling, tot 38° vir volgende week, het my arm gedraai.

Alles is gepak. Die bakkie is volgemaak. Die karavaan se pote is opgedraai. Die pop-top is vasgemaak. Die Tando is op sy plek agteraan die bakkie. Ons is reg vir haak en ons is reg vir die pad wat môre voorlê.

Ons het bietjie later weggekom as beplan - 08:37 i.p.v. 08:00. Maar ons is rustig. Die N2 is verbasend stil en ons het 'n pragtige dag gekry om te ry. Ons drink tans 'n bietjie tee in Riviersonderend en mik vir Heidelberg om ietsie te hap.