Vir die motorfiets liefhebbers.

Bo is vir my 'n pragtige bike.

Neem in gedagte dat omtrent al die bikes se raamwerk word heeltemaal self gebou met die hand, baie vervaardig hulle eie suspensie, assook van die enjin parte!

Let op na die fyn detail wat in so bike gaan. die een derde van bo het 'n 32 dm voorwiel!

Regte kunswerke party van die goed.

Daai rooi enetjie tweede van onder, het 'n 7 lit chevy V8 blok!!

Daai rooi enetjie in die middel het 'n rotary 9 silinder vleituig enjin, en die laaste bike is die grootste bike in die wereld, 3.5 m lank!!

Mooi bly maar altyd mooi, in my opinie is hierdie goed absolute kunswerke.

My neef en sy vroutjie [woon in Amsterdam] ook afgetree en het elkeen hul eie Harley Davidson Fatboy waarmee hulle die hele Europa en die VK plat toer.

Hulle het die show bygewoon en vir my die hele amptelike foto joernaal met beskrywings gestuur.

Ek sal nog vir dae na die fotos sit en kyk terwyl die kwyl langs my ken afloop!

Kiewiet??? van Steekbaard na Kiewiet, was vroeer al erdwurm ook genoem.

Jare terug sit ek in die MOTH club se kroeg saam met paar pelle, sit daar anerkant so ou Samjoor, met so lekker "Ape Hanger" snor, die man bly my kyk.

Stap ek toe maar oor en vra of hy my ken of wat pla dan nou? Vertel hy my "Nee kyk sit jou so en kyk dan kan ek nie help om te dink, as jy wakker word in die oggend lyk jy seker nes 'n erdwurm wie se handrem opgetrek is?"

Ja van daar het baie pelle my erdwurm genoem.

Ja die ou bikes het maar 'n spesiale bekoring.

Vir my was/is die mees opwindenste bike nog die 1945 Harley, met die "suicide clutch" Hy het mos 'n rathefboom langs die petrol tenk gehad en 'n voet kopelaar soos 'n kar, met jou linkervoet gewerk.

Dit was 'n absolute kuns om glad weg te trek, met jou regter voet op die grond en dan daai kopelaar stadig en gelyk te laat uitkom!? Dan moet jy oorsit tweede rat toe, weer trap jy daai kopelaar, en hy was nogal styf, jy moes TRAP, jou linkerhand van daai "kom na mamma toe" handel bars, rat verwissel en weer daai koppelaar glad laat uitkom terwyl jou linkerhand vinnig die handel bar moet gryp, as daai koppelaar los dan trek die torque daai bike heel skeef, en as jy nie twee hande op die stuur het, maak jy maar hard met moeder aarde kennis!