Weskus of Oom Paul se tuin 2024

Middag Shaun

As geld en tyd nie 'n probleem is nie, maak soos ekke. Ons gaan nou Meimaand na die wille Krugertuin, EN middel Augustus tot middel September vis die SuidKaap om deur Namakwaland.

Shaun, my opinie is die een behoort nie die ander uit te sluit nie, want dis twee wonderlike wêrelde, maar met hemelsbreë verskille.  Die een is meer 'n seevakansie en die ander een 'n bos/wildlewe vakansie.

As jy wil verrrrr weg gaan, is die keuse seker dan Weskus. Jy moet jouself afvra....wil jy n maand in die bos wees of n maand by die see

Aangesien ek nog nie die blomme tyd in die Weskus was nie sal dit my eerste keuse wees.  Daar is mos ook Nat. Parke al is dit nie die selfde as die Kruger nie.  Julle gaan mos steeds kamp ? 🏕🔥🥩🥂🥃

Heng Shaun, vat 'n muntstuk - heads is KNP, tail is wes kus👍🥩⛽

Soos Willem was ek ook nog nooit in blom tyd in die wes kus nie, baie in die wildtuin, maar nou ja, my vrou is 'n snob, sy soek 5 ster luukse om haar🤺👹🙊🙉🙈

Dankie tog, sy lees nie hier nie🤼🥵

Hoe bedoel u nou?? Jou vrou hou van luukses om haar. Jullr kamp mos met 'n Penta, baie luuks na my mening!!!!

Jy moet bietjie jou vrou kortvat hoor

Middag Shaun

Julle het natuurlik 'n moeilike besluit, wil julle met woowa gaan, of net 4x4, met bakkie. 

Laasgenoemde as jy Namakwa NP wil besoek en teen die see gaan staan---vêr van almal af. Jy is 100% selfversorgend met water en krag. Daar is seker darem longdrops, raai ek.

Met die woonwa sal julle maar ook van gewone parke moet gebruik maak, maar daar is ook baie plaaswerwe wat besoekers toelaat. 

Heng Shaun, vat 'n muntstuk - heads is KNP, tail is wes kus

... bly julle by die huis. 

Nou lekker gelag Chris

... dit was 'n ou sêding van ons toe ek nog 'n student was. "Kop" - dan gaan ons "girls" opsoek. "Stert" - dan gaan ons fliek. As die munt op sy kant bly staan gaan ons swot.

Shaun.  As jy jou droom om afgeleë plekke te besoek wil laat waar word en gaan kamp met jou Ranger en daktent en solar, dan moet jy gaan kamp daar waar al daardie goed nodig is. 

In KNP kan 'n mens met 'n Datsun GO gaan kamp en gaan jy nie die volle "remote camp"ondervinding kry nie.    Jy sal moet gaan waar daar regtig niks is nie.   

Weskus bv. Yzerfontein al die pad tot by Strandfontein kan ook met 'n Datsun GO gedoen word, selfs Tietiesbaai.  Dit is wanneer jy die afrit na Nieuwoudtville / Calvinia verbygaan en die Namakwa Weskus betree wanneer geriewe minder word.    Mense gaan kamp by Groenriviermond sommer so wild langs die see.  (Suid van die Nationale Park)   Ek hoor ongelukkig dat dele van die diamant kus nou toe is vir kampering soos bv Noup waar ons so lekker gekamp het met niks nie, maar dalk nader aan kleinsee is daar nog areas waar dit gedoen kan word.    HondeklipBaai het 'n paar staanplekkies en is 'n interresante plekkie.    Dit is lekker om die grondpaaie van die diamantkus te verken.

En dan natuurlik Richtersveld.   As 'n mens suid van die Nationale Park vannaf Vioolsdrift na Eksteenfontein se kant toe ry is daar baie te sien en ook afgeleë kampeerplekke.   'n Mens kan sien watse voertuie kom uit die Richterveld uit want hulle het almal so 'n unieke kleur van al die stof wat daar voorkom.

... wat Anton hierbo gee. Nie dat ek enigsins ervaring het van die wilder Weskusplekke wat hy noem nie, maar gesien in die lig van jou (Shaun) se "droom" met daardie bakkie waarop jy nou-al baie geld spandeer het om jul drome te laat waar word, moet jy dalk nou só-iets aanpak.

Daar waar jy in Secunda woon, is jy amper op die wildtuin se voorstoep. Daarnatoe kan julle sommer vir 'n paar dae en gereeld wegbreek. Gebruik nou daardie geld wat jy gespaar het vir jou droom. Die lewe is kort - en soos die spreekwoord lui: "'n Lykskleed het nie sakke nie".

middag vriend 

Gaan soek in winkel na die Weg-Ry en Sleep nr54, Mei 2023. Daarin is 'n lekkerlees artikel oor Namakwaland se blomme roetes.

Myne is reeds gelees en weggebêre.

Chris, hoeveel dekades het dit geneem om jou graad klaar te maak

As die munt op sy kant bly staan gaan ons swot.