Blouape en bobbejane wat pla

Môre Len en ander

Ek vermoed die verklaring is voor die handliggend, dit lê by die kamppersoneel se ingesteldheid. Word daar aktief opgetree teen die primate, is die kamp [Tsendze] moontlik skoner met beter beheer oor asblikke ensovoorts. Ek weet nie, want ek was nog nie daar nie.

Mens kan dieselfde vraag vra, waarom is seker SANPARKE in soveel beter en netter toestand as ander. Mens kan KarooNP en Twee Rivieren deur 'n ring trek. Alles werk, alles is skoon, en indien nie, kry dit dadelik aandag. Die meeste Kruger kampe steek vrot af teen bogenoemde twee oorde. Ek skryf dit toe aan die personeel, en bestuur betrokke by genoemde twee plekke. 

..... lastige primate. 

So hoor ek juis gister by gesoute Kruger kampeerders die volgende raat. As veral apies lastig is, probeer hulle raak spuit met "Spray & Cook", maar dit moet die wees wat Chillie bevat.

Ek sal maar hou by my kettie ook, hoewel ek twyfel of dit 'n permanente oplossing is. Die geure van vrugte en kos, en dan die aanleer van rooftogte, is seker maar die hofrede vir die lasposte.

Waarom sekere kampe nie deurloop nie, weet ek ook nie. Hoewel dit drasties klink, is Len se raad, van permanent vernietig [dood] word, sekerlik die beste om van die probleem ontslae te raak.   

Ek was ook nog nie hier nie, maar my logika sê die rede is daar is min voette en die wat daar is hou by die reël van,

versoeke en kennisgewings om nie diere te voer nie

Len, ju noem die 80-20 beginsel (of is dit 20-80) ek dink daai 20% is die groot probleem.  Loop net deur een van die groot kampe en kyk waar staan wat dan wonder mens of die mense wel dink aan die versoek van "versoeke en kennisgewings om nie diere te voer nie." 

Ek wonder ?

Ek het n9g net 1x gesien dat iemand ape voer,  maar was nie in wildtuin nie, maar aan n suidkus oord. Ek dink hulle is net slings, meer as wat hul pes raak omdat hul gevoer was. Een picnic plek wat verbasend minder ape het in KNP is Tshokwane. Hulle was daar n paar jaar terug n baie groot plaag....as jy klaar ge-eet het moes jy jou bord na so n kombuis hokkie gebring het waar hulle dit dan was. Voor werkers daai messe en borde in die hande kon kry, het ape dit gegryp, bo op die dak gesit en dit afgelek en as dit skoon gelek is, net afgegooi grond toe. Ape is steeds daar, maar baie baie minder. Wonder wat het hulle daar gedoen?

Rakende hyenas an sivetkatte deur die heinings voer, sien ek met elke besoek. Daarom is hulle elke aand daar. Laaste besoek aan Satara was daar 4x hyenas saam elke aand voor kampeerders se grensdraad 

Ek dink ek het vertel na ons besoek aan Tsendze verlede Julie, hoe ons een middag by nr 3 gesit en kyk het na ‘n wyfie bobbejaan wat anderkant die heining gewei het. Ek sê nog vir Salomien dis lekker om so naby aan ‘n bobbejaan te wees wat in die veld kos soek soos hulle veronderstel is om te maak. So paar minute later spring sy oor die heining na sy in ‘n boom geklim het, gryp ‘n lemoen onder die afdak van nr 6 se kampeerders en laat spaander uit oor die heining om haar buit te geniet. 

Dif is jammer om Chris WH se inset hierbo te lees. Na 4 keer se 7-daagse kampe in Tsendze het ek nog nooit 'n bobbejaan of aap in dié kamp gesien nie. Rodger, kampopsigter, het aan my genoem daar was eenkeer 'n siek blou-aap in Tsendze wat 'n dag of twee vertoef het.

Ek het al 'n trop bobbejane net buite Mopani se hek gesien, maar nog nooit 'n bobbejaan in dié kamp gesien nie - behalwe die klomp wat hulle een naweek soos bobbejane gedra het in die chalet langsaan ons.

Ek stem geensins saam met die "vernietiging" van diere bloot omdat hulle jou tent/karavaan "raid" nie (wat is die Afrikaanse woord, stroop?). In byna al die gevalle is die oorsaak mense wat diere voer en/of die natuurlike opportunisme  wat onder meeste wilde diere (en ook heelwat onder die sg. "mak" weergawe!) voorkom. "Vernietig" dan eerder die ou wat Lees 101 in Graad 1 en 2 gedop het en nie verstaan wat die tekens wat meestal voer van diere verbied probeer sê nie, of te lui is om sy goed weg te pak wetende dat die aap kommando waarskynlik 'n draai sal maak. Klompie jare terug by 'n oord die gemors beleef van iemand wat 'n saak met diere gehad het wat sy vrugte uit sy tent steel en toe laatnag gif uitgesit het - sleg om te sien hoe gif sonder aansiens des diers vernietig. Ja ons het al 'n paar keer aap se kind deur ons tent gehad, maar dit was ons eie skuld deur nie weg te pak wat hulle in die versoeking lei nie.

Ek deel Len se standpunte oor die beheer van lastige primate.

En weer stem ek 100% saam met Len.

Soos almal al weet, is ek  baie sterk gekant teen die dood straf vir enige dier en stem 100% saam met Groot Wind.

Moordenaars kom weg met moord, maar diere wat kos vat, wat oop en bloot lê om gevat te word, moet gedood word

Die diere popilasie in vergelyking met 100 haar terug, is reeds "ter wille van die mens" met meer as 80% verminder, en in baie  gevalle totaal uit gewis.

Dalk sal dit mense laat wakker skrik. ‘n Skoolvriend van my was jare lank ‘n veldwagter in die Kruger wildtuin totdat die wit veldwagters so 20 jaar gelede afbetaal is. Een van sy kollegas het ‘n bobbejaan op ‘n besige pad naby Skukuza geskiet nadat ‘n toeris dit gevoer het. Hy het in groot moeilikheid gekom. Ongelukkig het die Kruger wildtuin ‘n toeriste vriendelike beleid. Die diere betaal mos nie om in hulle natuurlike habitat te woon nie, en as mense vir hulle onnatuurlike gewoontes leer deur ons wangedrag moet die diere die duur prys betaal. 

maar dit mag net die regte medisyne wees vir daardie toeriste wat oortree).

....vriende, laat ons nou die bobbejaan agter die berg gaan kos gee nie.

Ek wonder skielik, watter toeriste moet opgevoed word? Die wat van oorsee kom, ons ouer garde wat amper daar groot geword het, of die wat nou in taxi-vragte inkarwei word. 

Die gefoeter is, waar trek mens die streep? Dink aan;

1] Vleisbeentjies oor die draad gooi

2] daai halwe lemoen of oorryp avokadopeer op die teerpaaltjie

 3] die bietjie "wild bird seed" en ou broodkrummels 

Bogenoemde voorbeelde het ek al aanskou in die gewone kampe, gepleeg deur onse mense. Yog te oulik, of nie.?

Ter geleentheid het 'n ere veldwagter vertel hoe hy net betyds sy 3-jarige kleinkind se handjie uit die draad moes trek, net voor hiëna die beentjie daaruit wou hap. 

Ek stem 100% saam, moedswillige ape  by 'n kampplek is baie lastig, en kan selfs baie skade veroorsaak. Bobbejaan se kind, hou nog gevaar ook in, want hulle is arrogant en aggressief. 

Wat die mees aanvaarbare oplossing is weet ek nie. Wat van 'n trop donkies tussen die kampplekke. Dalk skop dit die apies weg. 

In my opinie sou die beste oplossing wees om 'n "no mans land" strook om die kampe te span, dws so ongeveer 5 meter vanaf die bestaande omheining, nog 'n omheining. Die buitenste omheining moet ge-elektrifiseerd wees.

Chris WH se "voorstel" is ook 'n moontlikheid, maar gaan die veldwagters dit doen?

Middag, beplan jy om namens ons lot beswaardes 'n keurige versoekskrif aan SANPARKE te stuur?? Jy kan dan sommer al die ingesamelde voorstelle om die probleem aan te spreek ook aan hulle voorlê.

Onthou julle nog hoe tante Frieda deur 'n aap, of bobbejaan in Addo aangeval was.