Kamp Tragedie

Oom Voorrie, 

Het nou van dieselfde voorval op Times Live gelees, sukkel om met my Panado die link hier te paste, my laptop is by die werk. Daar word ook net gesê dit is 'n dam naby Fochville.

Hartseer 

Het ook gesien dit is 'n afgeleë plek was waar ek ook nie sal staan nie.  Maar ja dit is tragies soos wat enige iemand so tot die einde moet kom.

Ja so iets kan seker enige plek gebeur - by jou huis ook?

Maar dit bly tragies en heel onodig!

Die eerste ding waarna ek deeglik kyk voor ek n bespreking maak is die veiligheids aspek by die oord waar ek wil boek, daarna sal ek na die ander dingetjies kyk, altyd in daai volgorde.

Dit is nou om n lang lat vir jou eie gat te sny om te gaan kamp by n verlate myn dam naby Carltonville...net jy en jou vrou alleen.....om vis te vang.....in vandag se tye met al die misdaad.

Ons elkeen is toegerus met gesonde verstand, party meer, party minder, maar gebruik die biki wat jy het oordeelkundig.

Ek stem saam met Frikadel.   Ek sal nooit as te nimmer op so plek gaan kamp, net ek en die Uncle.  Dis mos moeilikheid soek.   Warren gaan kamp ook soms op sulke afgeleë plekke, heel op sy eie.  Ek het al gewonder of hy altyd veilig is.

Maar ek kry die arme mense jammer, dit is seker die laaste ding wat hulle verwag het gaan gebeur en seker ook nie die eerste keer wat hulle daar gaan kamp het nie.

Hartseer  hoop skuldiges word gevang

Ai, dit is tragies, en ja, soos meeste van ons, kyk ek maar na veiligheid waar ons gaan kamp.

Die reen het gekeer dat die dame se hulp krete gehoor kon word, en die naaste bure was maar 300 meter ver. Die mense het al voorheen ook daar gekamp, dus, het hulle "veilig" gevoel.

Ek het altyd by Dennekruin gaan visvang maar deesdae is die misdaad erg daar. Tot Koos (eienaar) was al aangerand.

Terloops, Koos se oorlede broer en ek was groot vriende vanaf skooldae.

Dinge verander in 'n oogwink, mense moet maar voorsorg tref so ver jy kan, maar jy kan ook net soveel doen.

Johann, wanneer is genoeg genoeg en hoe defineer n mens dat dit veilig genoeg is?

Dit is soos wat Arie sê, kan enige tyd gebeur tot by jou huis.

Net soos ek sê jy kan voorsorg tref, maar kan ook net soveel doen. Mens voel verskriklik jammer vir albei,  veral as jy sit en dink, daai man se laaste woorde was "hardloop my lief....." al waaroor hy hom bekommer het, was sy vrou se veiligheid.

Mag die Vader gee dat so iets nooit met ons gebeur nie, is al wat ek kan voor hoop.

Warren gaan kamp ook soms op sulke afgeleë plekke, heel op sy eie.  Ek het al gewonder of hy altyd veilig is.

Dankie Antie dat U dink oor my.... Jaa ek ook, ek oorweeg of dit nou die mooite werd is om alleen te gaan kamp....

Miskien, soos baai ander dinge soos rond toer in die Oos Traanvaal  / oppi strand slaap / pieknik en n braaitjie te hou laangs die oop pad / is dit ook tyd om dit te laat vaar...

Tye verander bitter min vie die beter.......

Sad, so bloody sad....

Ja, Warren, al geniet jy dit op met jou honde na sulke plekke te gaan, sal jy ander opsies moet begin oorweeg.

Vat nou 'n ding soos visvang.   Vroeër jare, as jy met die kus langs ry, sommer hier in en naby die stad, sien jy hope motors parkeer en onder op die rotse staan die visserman.   Jy sien dit al hoe minder.   Dit raak te gevaarlik.  Hul staan gevaar om aangerand of beroof te word, al is dit net 'n selfoon.   Of die motorsleutels vir die voertuig.