KOFFIE?

Dag sê aan alle kampeerders, sommer klaar ge-ontbyt ook al want party mense groet mos met hoe lekker hulle garnale en kreef geniet het.

Toe raak ek so honger, ek maak sommer 4 snye toast met grondboontjie botter en baie heuning, twee gebakte eiers en groot emmer koffie.

Mag julle dag mooi loop.

Daai is mossie ontbyt nie, dis skaars 'n voorgereggie??

Ontbyt by my is;

Vrugteslaai met vars room

Oats of Matabella pap

3 tot 4 gebakte eiers met bacon of n kleinerige skaaptjoppie

3 snye roosterbrood met kaas en Seville lemoen marmalade

Genoeg filterkoffie

Dan kan 'n man hou tot middag ete!

Ek is vreeslik gelukig met 'n baie vinige metabolisme, tel nooit gewig op nie, dra al die selfde grote broek vir die laaste 40 jaar, lank en skraal dus ek mag maar eet.

Jou gelukkige bogger.   Ek kyk net vir kos om gewig op te tel.   Dis 'n groot ontbyt daai.  Is jy seker jy jok nie vir ons nie?  Joune ook, Johann.   Ek wil nie vir julle twee bymekaar sien sit en brekfis eet nie!

Ek het mos al gese, ek praat altyd die waarheid behalwe as ek jok!!

Maar ja daai ontbyt werk regtig maar nie elke dag nie, net Saterdag oggende. Dross hier het 'n special vir pensioenarise Buffet ontbyt koffie ingesluit vir R 25 per kop. Ek eet elke Saterdag soos hierbo genoem, voor Dros die special gehad het het Petra maar elke Saterdag vir my so ontbyt aanmekaar geslaan. Moet darem erken ek eet eers weer die aand na so ontbyt!

Dit is Saterdag, dit is langnaweek, almal lê seker 'n bietjie in vanoggend.

Daar was sterk wind voorspel vir Plett vandag, maar tot sover is dit tjoepstil en die voëltjies sing tog te mooi terwyl dit lig word.

Geniet julle koffie en 'n baie lekker dag vir almal.

Hallo, hier is ek ook, vergeet dit is lang naweek anders sou ek ingele het.

Probleem as mens nie werk nie elke dag is dieselfde, mens weet nie van vakansie dae nie, sondae weet ek darem as die klokke so vroeg al lui!

NEEE man!!!! die kerklokke nie myne nie!

die kerklokke nie myne nie!

O Aarde!

Ek het mos 'n klokkie langs my bed, ek lui dit as Petra vir my koffie moet bring, waaraan het jy nou weer gedink?!

Hier sit ek nou en probeer indink die groot "klokke" wat oom Arie oral saamdra.

Ek weet die permanent kampeerders moet aan alles dink en maar inpak, maar jou eie klokke?

Goeie more almal, ja ek het so bietjie ingelê (nuwe woord betekenis, dit beteken mos eindlik om perskes in te lê om gebottel te word?)vanoggend.

Ons worrie mos nie oor Saterdae of langnaweke nie, ons is te oud en oor die muur.??los daai worries vir die "jonges".?

Mooi dag vir julle.

Nou hoe sal ek anders Petra se aandag trek as my glas leeg is, of die vleis op die kole moet gedraai word, die bed is nie netjies opgemaak nie?

Ek is nie een van daai mans wat op sy vrou skreeu nie, ek lui die klokkie soos n beskaafde mens, wysdie glas vir haar of wys na die vuur, dan weet sy wat om te doen.

Anyhow, ons gaan nou ry vir ons Saterdag ontbyt, gaan vandag die Lodge se ontbyt in plaas van Dross probeer, blykbaar ook baie lekker.

Arie, ek het nou so lekker gelag oor die klokke, jy moet dit nou nie oordoen nie, netnou skud Petra jou dat die klokke vir jou lui.

Hey, jy mag my nie spot oor my woord nie, dis n pragtige Afr woord.

As jy my spot gaan ek nooit meer saam met jou albaster of top speel nie!

Haai nooit, ek sal my intoom hou, die kind in my sal dit mos nie verstaan as my maaitjies kwaad is vir my nie.

Goeie more aan almal wat hier kom inloer,

Verlof is verby en so ook die lang naweek. Sit nou en tee drink en die koffie is aan die gang.

Sit nou en wonder, gaan ons ook nou 15 Junie kry as 'n vakansie dag as gevolg van Donderdag se taxi probleme? Daar was ook klip gooiery betrokke gewees.

Lekker dag en week vir elkeen

Môre sê,

Ons was 4 karavane wat ons "frostbite" naweek gehad het, wat 'n heerlike naweek.

More Dusty en almal wat nog op pad is.   Ek hoop almal het die langnaweek geniet.  'n Nuwe week lê voor, mag dit 'n goeie een wees.

More Wilsur.  Ek is bly julle het die naweek geniet, hoop nie die frostbite was te erg nie.  Ons word nou wel nie gebyt deur  ryp nie, maar die koue lug, veral in die oggende, voel of dit jou behoorlik byt.

Sit hier met n groot beker Latte, baie lekker.

More almal, mooi vars oggend na gister se reen.

Goeiemore! Ek het so bietjie later ontwaak vanoggend.   Wie gaan inelkgeval maklik uit die bed klim as daar 'n 18mnde klein kaboutertjie met sy warm asempie in jou nek blaas, opgekrul in jou in met die kleine warm lyfie.