Tuiniers

Ek is lief vir n aartappel in enige vorm. Jy kan dit aan my lyf optel.

Anton ek is ook lief vir Aartappel slaai (sonder kondensmelk) met eier en uie.

Sien party mense lief die drink ook (Vokda) naaste wat ek nog gekom het aan die maak van dit was "mash" 

Dankie vir die help Neef en Slowstrike, met die droog maak.

...............ek in Julie verlede jaar (op bladsy 1 hiebo) vertel het, is ons mors-dooie grasperk op die sypaadjie noodgedwonge vervang met plaveisel.  Ek het ook vertel hoe ek vir dae gesukkel het om die wortels van palms wat ook agv die droogte gevrek het, uit die potte te haal.  Ek het toe 5 bougainvillaes in die potte geplant om 'n bietjie kleur aan die dooie plavei- en bakstene te gee.  Die forum-aanbevole wildeperskeboom (die een wat deur die Pathfinder se sondak vervoer is) is ook geplant en groei mooi.  Na 6 maande lyk die spulletjie so :-

Die spulletjie groei dat dit bars, maar ek sukkel met blare wat omkrul.  Die plantluise is almal vermoor, ek het minder water en toe weer meer water probeer, maar die blare van die heel linkerkantse en heel regterkantste pot bly toe-krul.  Plantvoedsel toegedien, maar die blare sukkel. Wat interessant is, die heel linkerkantste pot se blomme was bruinerig-oranje en verander toe skielik na pienkerig.  Opgelees daaroor, maar die slim mense sê 'n bougainvillea se kleur blom kan jy nie verander deur die grondsamestelling te verander nie  -  tog het iets hier gebeur nadat dit in die pot oorgeplant is.  Ek het drie drade horisontaal oor die hele muur gespan waarop die plante kan groei.  Die drade is nie sigbaar nie, maar die middelste stut-arm kan wel gesien word.

Kyk hoe mooi kom die Kampforum-Wildeperske aan wat voor in die gat geplant is.

Baie mooi oom Len en daai wildeperske gaan nog baie voëls lok as hy eers vruggies begin dra.

My bougainvillaes het ook gesukkel waar dit teen die tuingereedskap huisie gestaan het. Daai sinkhuisie alhoewel hy bruin geverf is word te warm vir die plant wat feitlik teen die huisie staan.

Ek het die potte so entjie weggeskuif en nou doen die plante stukke beter. 

Groetnis

Dankie Herman, ek sal dus die rak lewe kan verleng, deur dit in die yskas te bêre. 👍

Len, jou plante vertoon baie mooi, weet nie of jy al skottelgied seep probeer het nie, dit help ook vir  alle rande plant peste.

.............., een eetlepel skottelgoedseep, een eetleepetel kookolie en een eetlepel fyngemaakte knoffel op 1 liter water het die ding gedoen !  Dis 'n raat wat ek gekry het en dit werk beslis.  Die omkrul blare lyk beter, maar is nog nie honderd persent na my smaak nie en ek is nog nie seker of dit te min of te veel water is nie.

Len, ek weet nie aan watter kant van die ergste sonkant op jou perseel se muur is nie. Oppas net dat die muur NIE ter warm bak nie - kan jou plante effe benadeel. Die beste raad wat ek voorheen gekry het ws om die muur  'n  "lewende muur" te maak, deur meer geharde plante soos ivy ensovoorts die muur te laat toegroei, bedek - en dan jou potte nader te sleep.

Die bladmateriaal en blomme is as 'n reël nie eintlik bestand teen die hitte/sonstrale aan een kant, en die weerkaatsende hitte van die muur aan die anderkant nie.

My beskeie mening - ek was darem al 'n paar keer verkeerd in my lewe!!!

Ekskuus, ek sien Danie Slowstrike had omtrent dieselfde gedagte gespreek!!

.................Danie en Frans.  Die betrokke muur kyk suid-oos en kry vol son tot omtrent 12:00 en dan skadu daarna.  Die rank drade is 20cm weg van die muur gespan en die stam van elke bougainvillae is 40cm weg van die muur.  Ek glo dus nie die muur kan te warm word nie want daar is genoeg plek vir lugsirkulasie om elke plant, maar ek sal tog dophou.  Volgens my kwekery en wat ek kon oplees, is Bougainvillaes geharde plante wat baie sonlig soek , min water maar die wortels moet tog klam bly, maar nie nat in water staan nie.

Vandag lyk die gekrulde blare al heelwat beter en al vyf plante blom dat dit bars.

Ek het verlede jaar toe ek by die Eiland was (So halfpad) het ek gestop net buite Tzaneen waar daar baie plante verkoop word. Ek het reeds `n pienk een (Impala Lelie) en volgens die verkoopsman was die plant een met `n wit blom.

Het nog nooit `n witte gesien nie Daar was ook geen ander wat wit blomme gedra het op daardie tydstip nie. Ek het die plantjie gekoop vir meer as twee maal die gewone pienk een se prys (Leap of faith)

Die plantjie het net soos ons die ongeluk oorleef. Gekrok gewees maar groei nou dat dit bars.

Groetnis

Baie nice 

Dankie Herman, ek sal so maak, en hier kom verslag doen.

.....................Herman  -  ek vermoed jy mag dalk 'n punt beet hê dat die grond te suur is want ek weet Bougainvillaes moet NIE te veel water kry nie.  Maar as die blare so omkrul en dis warm, gooi ek maar tog so elke tweede dag 2liter water en kort daarna lyk die krul blare beter.  Net 'n dag of wat later is dit weer krul-tyd.  Ek het "potting soil" en gesteriliseerde kompos 50/50 in die potte gegooi toe die plante geplant is.  Hoe kry ek die moontlike suurgrond meer alkalies ?

Len, jy kan so handvol dolimietise landbou kalk op gooi en nat maak dat dit in trek, of jy kan hout as (na jy gebraai het) in die potte gooi en nat maak. Eersgenoemde gaan dalk 'n probleem wees om so klein bietjie te kry, ek dink kwekerye verkoop dit in 10Kg sakkies?

Hout as is alkalies, en het 'n ph van hoër as 7.5.

Wou nog noem, as jy as in werk, moet jy dit net so effens meng met die pot grond sodat dit nie 'n "kors" vorm nie.

Johann en Herman, om terug te kom na die stoor van aartappels - ons het deur die jare ook baie maniere probeer. Het ook êrens gelees dat yskas NIE regte manier is nie - waar dit deur groot instansies gestoor word (Checkers, P & P en Food Lovers ens) word dit in koelkamers gestoor wat ook vogtig is en onder beheerde temperature - yskas te koud.

Wat ons doen vir baie lank is om dit in DONKER plek  - ons het so 'n "spens" wat onder die trappe wat na boonste verdieping gaan, en dit bly redelik koel daar. MAAR. ek hou die aartappels in die bruinpapersak (en ook nie meer as 3kg sakkie nie - ons eet te min!!) en plaas dan 'n APPEL bo-op, of tussen die aartappels. Na so maand of wat kry die tuin-voëls natuurlik die appel!

.....................Johan, ek gaan dadelik daardie landboukalk voorstel probeer.

Len,

hout as (na jy gebraai het)

Braai jy te min vir as ?

.................ek het die aas uitgegooi en gewonder wie gaan byt !  Ek maak my braai skoon sodra die as afgekoel het en het dus nie as nou beskikbaar nie.  Ek wil die krul blare NOU oplos en het dadelik die landboukalk gaan koop en ingespit.  Braaidag is by die Loaders eers môre en dan is die kole eers Sondag koud en dan gaan ons eers kerk toe !  Ek sal die krul-blare nooit so lank kan verduur nie.