Ford en ratkaste

Om 'n kort storie baie lank te maak,

Ek het nog altyd handrat kar gery en gesleep met handrat. So bestel ek deur my werk 'n 2.2 XL Ford Ranger auto en kry hom einde Februarie 2020. Wat 'n wonderlike voertuig en dit het so paar dae gevat om gewoond teraak aan die auto. 

Maart 2021 is die eerste keer wat ek geleentheid kry om met daai trokkie te sleep van Ermelo na ATKV Natalia toe. (My pa het my geleer mens sleep in die rat wat 1:1 is of die naaste daaraan, 99.98% is dit 4de rat.) Die Ranger se eienaars handleiding beveel aan mens sleep in "S" mode, so gese so gedaan. Dit was die lekkerste wat ek ooit gesleep het en sal verseker nie gou weer met handrat sleep nie. Die XL het nou nie "cruise control".

Ek en my vrou was nou begin Julie 2021 op 'n baie lekker trippie af Sutherland toe (net so oor die 4000km's gery).

Terwyl ons so lekker bly die gaste huis bly in Sutherland vertel oom Len dat die plek waar ons bly sy seun sin is, ja die wereld is maar klein.

 Ek ry glad nie daai Ranger hard nie en probeer ook nie hom in al sy ratte te spin nie. Maandag, na die heerlike wegbreuk, ry ek werk toe en toe ek die middag huis toe gaan begin die sports. Ek het gou gaan kaggel hout koop want daai week het die koue gekom, en so ent voor die ou se huis gooi daai Ford vir jou een hengse "smoke screen" dis net wit rook, geen waarskuwing lig nie, ek kon ook nie agter kom dat daar verskil in krag is nie. Stop toe nou maar liewers by die handelaar en laat hulle wat meer weet kyk wat maak die Ford nou 'n James Bond kar. Na so rukkie stroom die olie uit onder die Ford.

Die Ranger het 44172km op die klok en sou juis die dinsdag gegaan het vir sy 45k km diens. Die Ranger is nog onder waarborg en als. Laat dinsdag middag laatweet die werkswinkel bestuurder my dat na al die diagnose en druk toetse wat gedoen is hulle sommer maar vir my 'n nuwe engin moet gee. Niemand kan tot nou toe nog vir my se wat vout gegaan het nie.  

Middag Mona

Hou ons asb op hoogte. Ek is jammer om van jou probleme te hoor.

sulke insidente sal my teen die mure uitdryf.

Ai tog!  Dankie vir waarborge op nuwe voertuie. 

Hou ons asb op hoogte

Ek maak so. Dit was maandag wat verby is 'n week. Ek sal nog rustig wag en weer volgende week maandag bel en hoor as ek niks verder die week hoor nie.

Ja Voorrie dit is maar as jy jou ore uitleen hoor mens van so baie gevalle waar die handelaar oor nonsens se jou waarborg is "void". 

Voor ek die kappie laat opsit het, het eers gaan hoor by die handelaar of ek mag en dat dit geen  invloed op die waarborg sal he nie. volgens my het ek als gedoen volgens boek.  

Oom Len, ja dit was baie lekker al was dit maar moeilik met die inperkings en om iets te ete te kry en die groot teleskope daar op die knoppie by Sutherland was toe, SALT. Dit noodsaak ons om maar net weer te gaan.

Ek het nou sommer gou die handelaar gebel. Hulle het nog nie vir my 'n verlag in skrif nie maar wat die tegnikus se is dat die EGR gekraak is (wat dit ook al mag wees) en die "piston schuckles" of so iets. Ek is mos nou nie juis vreeslik tegnies as dit by motors kom nie. Hulle wag nog vir iets van die waarborg om goedgekeur te word.

Met die nuwe enjin gann jy 10000000 km nog ry sterkte daar

Was die eerste keer nie Sep. 2010 by De Voetpadkloof nie ?

Met die nuwe enjin gann jy 10000000 km nog ry

Ja Shaun ek dink ook so of dalk as die kontrak met my werk verby is hom verkoop en dan 'n probeer om 'n SUV deur die werk te bekom. Tyd sal maar moet leer.  

Was die eerste keer nie Sep. 2010 by De Voetpadkloof nie ?

Nee willem die eerste keer was met die nationale saamtrek by Gariep dam toe ek my enkel ligmente geskeur het in 'n bar daar op Colesberg. Ek het nog die Polo gery met die vlentertjie en in tente gekamp. De Voetpadkloof was die 2de keer. 

2010 is mos voor 2011 ?

 Ek wonder hoe skeur 'n mens jou enkel ligament in 'n kroeg van alle plekke ?  Miskien moet die Kaptein die vraag beantwoord.

Dit is soos 'n Ford se "EGR valve" dit gebeur maar net, mens vra nie baie vrae nie 

Môre Len

Terug na jou oorspronklike navraag;

as jy jou voertuig moet vervang, moenie sukkel met Match Box of Dinky Toys nie, skaf dadelik vir jou 'n Prado aan. Dit en sy groter ouboet is die SNV vir grootmense

Ja Len. Jy is mos nou 'n grootmens 

Ns. Ek wonder hoe skeur 'n mens jou enkel ligament in 'n kroeg van alle plekke ?  Miskien moet die Kaptein die vraag beantwoord.

Die omgewing daar in en om Gariep is maar klipperig, n man kan maklik n besering opdoen....... 

200 reeks (wat eersdaags vervang word met 300) of Prado; die goed is te belaglik duur. Dis ‘n huis se prys! Ek het my verstom Desember in Kgalagadi en nou weer in die wildtuin oor hoeveel mense met die voertuie ry en sleep. Hoe op dees aarde bekostig mens dit? Om nie eers van die brandstof rekening te praat nie! My skoolvriend wat in Shingwedzi was terwyl ons nou daar was het ‘n 2005 4l V6. Dit het hom meer as R3 000 gekos om dit vol te maak in Shingwedzi. Ek is seker dit sleep soos ‘n droom, maar ek is te arm vir een. 

Edward Bath overlanding hy ry met so 200 dis n awesome voertuig toe ek bank bestuurder gister bel vir lening vir die 200 begin hy te lag en se toe vir my droom maar verder

Middag mede "armgatte"

Ek het my ook verstom aan die groot hoeveelheid duur voertuie in die wildtuin. Opvallend het die meeste Cruisers nommerplate uit die wynland gehad.