Januarie 2022 - Koffie Kroeg

Goeie môre Wessel en ander laatslapers !

Die weermag-herinnering hoef my nie vanoggend wakker te maak nie.  Ons is al vroeg op om ons kleinkinders af te sien nuwe skole toe.  Die Kaapse skole het vandag begin en my jongste kleinkind is vanoggend "groot skool" toe en my oudste kleinkind is nou hoërskool toe.

Ai, die kleintjies groei sommer onder ons uit !

Lekker dag aan almal !

Goeie môre almal, hier uit 'n nat Roodepoort. 

More al my ou maters.

Slegte spelling maak, van ons, kraters.

Willem,

...is net die regte kou-goet nadat mens van Dr Bek af kom.

dis soos die Prediker sê: daar kom 'n tyd dat die malers ingee, dan is ons terug na marshmellows, maalvleis, frikadelle, en ander sagte goedjies.

Môre vriende

Hier het ook gisteraand 22mm uitgesak. 

Tog te lekker, want nou kan ek tog nie in die tuin werk nie

Môre almal. Ja nee die reën raak nou erg. Ek verlang al na sonskyn hier in Gauteng.

Ek voel soos die ou op die foto vanoggend

Middag vriende

Na aanleiding van bekommernisse van 'n gebrek aan 'n ondersteunings-raamwerk, wat het geword van die databasis wat Willem [?] op die been gebring het? Bestaan dit nog?

Ek vermoed dat ons 'n ondersteuningsbasis weggesteek in die forum se lede het. Dit sal interessant wees om lede se vaste woonadresse te sien op 'n landskaart. Ek dink dat omtrent langs al die hoofroetes iemand binne etlike kilos te vinde is. 

Willem se "Omgee-lys" bestaan nog.  Ek het onlangs my besonderhede by hom bevestig en as ek reg onthou, was hy besig om dit op te dateer.  Dit was al die jare 'n puik gedagte en my lysie ry altyd saam.

Willem sal seker nog self reageer.

Goeie môre kampmaters !

Genugtig, maar julle ouballies slaap laat  -  nog net een outjie het aangeteken (of bly dalk sommer oornag aangeteken).  Ek het vanoggend se Die Burger al klaar gelees !

En ja okei, julle jonger-ballies moet seker regmaak vir werk en/of kinders by die skool kry  -  van julle verwag ons 'n "môre-sê" 'n bietjie later tydens tee-tyd by die werk.

Ek weet ons is 'n ou klompie wat nie eintlik veel erg het aan hierdie daaglikse gegroetery nie, maar so dan en wan is seker nie 'n slegte idee nie.

Môre sê Len. Darem al so 'n uur wakker .

Eerste oggend in maande wat ons in Gauteng wakker word met lekker sonskyn en nie 'n wolkie in sig nie. Sien sommer uit na die grassnyery vanoggend.

Geseënde dag almal

Goeie more Len en al die ander. Vandag is neef beswaard, sy grasmasjien se motor het uitgebrand. Het dit al baie jare. Ry gister spesiaal George toe, n man adverteer 2 vir spares, se" hulle plug in maar draai nie."

Nou weet julle teen die tyd dat ek goeie hande het met regmaak, en ek en elektriese grassnyers kom nou al n leeftyd saam. Die skakelaars is die grootste probleem en dan die aansit kapasitors, motors hou baie goed oor die algemeen. Daar gekom, wag so mollige antie my in en beduie na die 2 Flymo's wat onder n boom le tussen die lang gras, moed is klaar in die skoene. Daar is nie koorde aan nie, die motor se doppe is afgehaal, die skakelaars makeer. Op die motors is pikswart roet sigbaar, dus gebrand. Ek wou nog vra hoe is" hulle plug in maar draai net nie" moontlik? Besluit ek dat dit maar beter is om net te ry.

Ek moet dalk n "Neef se grassnyer omgee groep" stig.

Mooi dag verder.

..............Herman, ek dog dis net in ons stede dat sulke "advertensies" gebeur, maar lyk vir my daar in Oudtshoorn gebeur dit deesdae ook.  Kry mense dan nie skaam nie ?

Ek het nie meer grasperke wat gesny moet word nie, maar in 1998 koop ek vir my in Harare, Zimbabwe 'n Mowpower elektriese grasnyer wat in Zim vervaardig is  -  dit was twee jaar voor Mugabe begin het om die land te vernietig.  "n Ordentlike staal raamwerk met alooi wiele met "bearings".  In Zim het ons 'n enorme grasperk gehad en daardie masjien het gehou en gehou tot hier in Kaapstad vir nog 10 jaar voor ons die grasperke weens die erge droogte hier met plaveisel vervang het.  Daarna het ek die Mowpower verkoop aan 'n ou wat vandag nog sy grasperk daarmee sny.

Die hitte het nou hier by ons toegeslaan  -  vandag voorspel hulle 39º en Sondag 40º, 'n mens sou sweer dis Oudtshoorn hier !

Vertrou gaan goed met almal ek en Berdien gaan vir twee weke bietjie toer noord kus suid kus en ek alleen laeveld ons gaan oorde soek om te kamp wil iets anders doen as die normaal ATKV oorde mooi loop

Sleep nou, probeer gerus Villa Spa. Hulle sit net so 2 of 3 hekke verder aan verby Natalia se ingang, in dieselfde straat

https://www.villaspa.co…

Address
15 Elizabeth Ave., Illovo Beach, 4126

Phone
031 916 4939

Môre vriende, in besonder die in die warm plek,

Ek hoop julle het genoeg koue drink goedjies byderhand vir die volgende paar dae. Onthou net, bier maak rukkie koud, en dan gaan sit dit op die heupe, waar mens dit vir altyd saamdra