Springbokke

Welkom terug FAF DE KLERK.   Dit moet ek eerste sê.  Soos Kobus Wiese gesê het, op die veld lyk Faf soos 'n haas wat deur 'n hond gejaag word!  Hy was absoluut briljant.    En dan, welgedaan Siya Kolisi, dat jy 'n span wat na 20 minute vêr agter was, kon lei na 'n wen.   Ons het nog nie 'n span wat die wêreldbeker kan wen nie, maar hulle het ons verbaas.  Die Engelse het nie swak gespeel nie.  Vandag het kleur gladnie 'n rol gespeel nie, een en elkeen van hulle het sy speelplek verdien.   Mag Rassie en sy afrigters maak dat hul net al beter sal word.   Nou hou ons duim vas vir volgende week in Bloemfontein. 

Len, Faf is nog altyd my gunsteling speler.  Ek was omtrent ontsteld toe hy weg is van die Lions.  Kobus Wiese het vanaand gesê Faf word beskou as een van die 5 beste spelers in Europa in die Premier Liga. Faf erken self hy het baie geleer daar oorkant.  Ja, Willie was goed, ook Dwayne Vermeulen.   As Pollard nie daai paar strafskoppe pale toe gevat het nie, het ons nie gewen nie.  Dit het die verskil gemaak in die 3 punte verskil.  Vir my het hy weer goed genoeg geskop.

Jip, ons het darem weer rede om so bietjie te glimlag oor die Bokke.   Engeland is nou seker nie kwaai opposisie op die oomblik nie, hulle het hul laaste 5 wedstryde verloor.    Maar dit is 'n beginpunt vir SA se span om hulself uit te sorteer.   Die spangees wat hul nou opbou is baie waardevol vir die pad vorentoe.   Intussen geniet ek dit net om te sien dat hulle wen!! 

Dis twee maande later en môre speel die Bokke weer.  Wie stel belang om bietjie saam te gesels? Mona, kom in, is jy daar?   Jy ook, Shaun, dalk Spekkies of Len?  Daar moet iewers iemand wees wat belangstel.

Dis ons teen die Pumas môre in Durban.  Minder as die helfte van die kaartjies is sovêr verkoop, dit kan dalk reën, die "bookmakers" reken die Bokke gaan wen.

Ek is vol vertroue in ons voorspelers, nie so seker van die agterlyn nie.  Behalwe, natuurlik, vir my gunsteling, Faf de Klerk!   Jantjies is gladnie daar nie.  Kolisie die kaptein.   

5.00 nm. môre sal ek voor die TV my span ondersteun...

Arie, ons moenie die Pumas onderskat nie.   Hulle het baie goeie spelers en ondervinding in hul nasionale span.   Veral hul agterlyn gaan kompetisie wees vir ons s'n.

Sjoe, wat 'n vinnige wedstryd.  Ek dink die manne was seker lekker moeg.  As Pollard net kon oorskop, was die telling baie hoër.  Eben Etsebeth het uitstekend gespeel.  Die Argentyne het 'n manier om die spel negatief te maak.  Darem 5 punte gekry.  Volgende week speel ons daar, ons moet eenvoudig daar ook wen.  Dan lê Australië en NZ voor.