November klets

Hennie soek seker nog ‘n groot genoeg treklorrie om genoeg sekelbos saam te ry want dis iets wat mens nie hier kan kry nie. 

Hoe vorder julle met verkoop, koop en verhuis.?? 

Wessel, ons het dieselfde struikeblok gekry as Jan. My huis was verkoop en die man se verband klaar goedgekeur. Alle papierwerk reeds by die prokureurs. Toe is daar 'n struikelblok met sy eiendom se verkoop en die transaksie kon nie meer voortgaan.

Ek/ons het intussen toe afgegaan Kaaptoe en huis gekoop in Brackenfell. 11km vanaf die sentrum waar my dogter ingeskryf is vanaf Januarie. Gelukkig het die verkoper my aanbod verleng tot die 19de Desember.

So intussen is my eiendom weer in die mark van vooraf en moet ons hierdie hitte nog trotseer.

Hennie soek seker nog ‘n groot genoeg treklorrie om genoeg sekelbos saam te ry want dis iets wat mens nie hier kan kry nie. 

 Nee Chris, ek sal seker net so 2 of 3 sakke van die 40kg Namib Sekelbos en Kameeldoring saam trek. Sal wel vir my daar die ordentlike hout maar koop. Ek gee nie om, om 'n premie te betaal vir goeie hout nie. Ek kannie met Houtskool of so iets braai nie, en braai is deel van my lewe.

Hennie, sterkte met die huis verkoop en koop. Ek hoop julle kry betyds ‘n koper sodat julle nie die huis in die Kaap verbeur nie. 
 

Hier is ‘n gesprekslyn oor braaihout in die Wes-Kaap wat ek destyds begin het toe ek nog nie kon aanpas by die wattel nie. Ek het gister met wattel ‘n hengse klomp vleis gebraai vir sewe grootmense en ses kinders. Ek het heeltyd ‘n vuur op die kant aan die gang gehou en glad nie gesukkel nie, selfs al was daar ‘n klomp hoender espetadas met dik stukke vleis ook. Die wattel is egter al lekker droog. 

Vasbyt daai huis is nou nou verkoop en dankie vir gesels Hennie

dankie vir gesels Hennie

Plesier my maat. 

Wessel, vir iemand wat nie hou van warm kry nie moet jy mos nie daar woon nie?

Ai jammer Hennie.............................................................dit is iets wat mens nie wil hê nie. 

Ja, dit is nie lekker nie. Maar 'n nuwe deur sal oopgemaak word vir ons. 

...nou is ek effens in die war. Dit lees asof jy tog gekoop het in Brackenfell.

Wessel, ja ons het gekoop maar ek het klousule ingebring dat my verkoop suksesvol moet wees. My aanbod op die huis in Brackenfell is nog geldig tot die 19de, maar die agent het my laat weet dat daar iemand is wat geen koppel transaksie het en wel moontlik belangstel. Soos hierbo genoem op Jan se antwoord. Nuwe dinge dalk op die horison.

Ek het juis nounet 'n vinnige meeting opgestel met die sentrum vir more middag om my opsies nou te oorweeg. As ek wel moet begin betaal vir my dogter, dan sal ek dit doen om haar plekkie daar te hou. Gelukkig is al daai gelde terug verhaalbaar vanaf "jantaks". 

Dink ons sal eerder vroeër as later koop siende dat wat met my in Skukuza gebeur het. Wou vir 'n jaar wag maar planne verander gou. 

Jan, en die pryse gaan ook die hoogte inskiet. 

Daar in die Transvaal bou die mense anders. Hier het ons  cavity mure, en dit werk uitstekend, Goeie isolasie in dakke en plafonne. Ons huisie het 3 lae in die dak, so composite besigheid, self uitgewerk, deesdae word dit algemeen gebruik, net duur.

Geneuk is, as die huis eers die hitte binne begin vashou, raak dit ń probleem om te laat afkoel. Ek hou baie van die evaporative coolers, volop hier on die Karoo wat ń droeë hitte het. Eenheid sit op jou dak, en met ducting in die plafon word dit deur die huis voorsien. Lekker koel en nie droog soos aircon lug nie.

Wessel, bedags word die shutters hier toegemaak om son van die vensters weg te hou. Von hou die huis maar toe. Saans word als oopgemaak, dan koel die huis af. 

Om die nokke van my sinkdak, is daar n pyplyn met die mikro sproeiers op. Waneer dit nou regtig snikheet raak, word die kraan oopgedraai. Dit maak n groot verskil. 

Vasbyt, die somer is om die draai.

Ja-nee, eiendom is peperduur. Gelukkig het jy ‘n vakansiehuis op wiele, wat jy kan parkeer waar jy wil. Hierdie tyd van die jaar is dit egter nie maklik om ‘n koel plek te kry nie. Die hittegolf is nie hier hy ons gewees nie, maar dis ordentlik warm gewees die afgelope twee dae. Verlede somer het dit eers Januarie so warm geraak. Maar ek kla nie, ek is lief vir die somer. Sterkte daar. 

Ek is nou al 15 jaar afgetree na 'n loopbaan van 43 jaar by Absa (en voorheen Volkskas).  Nou hoor ek in die wandelgange Len se Exclusive is in die mark om verkoop te word !  "Surprise, surprise", daar is geen sprake van soiets nie en die paar kranklikhede van ons twee oues van dae word net gou uitgesort en dan sleep ons in daar by Malelane-hek in Mei 2024.  Julle gaan nog lank opgeskeep sit met ons.

Dog ek sê maar net.

 Len sal dít seker nie maklik oorweeg nie. Die man se sleepondervinding, met sy movers en al sy gerief. Ek raak skoon jaloers as ek daaraan dink. Gecko.....soos om die Pathfinder vir n Jimny te ruil.